Breiðholtsblaðið - Apr 2017, Page 17
17BreiðholtsblaðiðAPRÍL 2017
www.breidholt.is
Hegningarlagabrotum fer
fækkandi í Breiðholtinu en þeim
hefur fækkað úr 42 árið 2015
niður í 36 árið 2016 miðað við
1000 íbúa Er þetta undir meðal-
tali á Höfuðborgarsvæðinu.
Sömu sögu er að segja af fjölda
tilkynntra auðgunarbrota fyrir
sama tímabil, þau voru 17 á
hverja þúsund íbúa í Breiðholti
árið 2015 en voru 15 árið 2016
sem einnig er undir meðaltali á
Höfuðborgarsvæðinu.
Þjófnaðir og innbrot virðast
sömuleiðis á niðurleið. Einnig
hefur fjöldi tilkynntra ofbeldis-
brota fækkað á milli ára úr 6,8 í
6,6, miðað við 1000 íbúa. Fjöldi
tilkynntra heimilisofbeldisbrota í
Breiðholti rauk upp árið 2015, en
þá innleiddi lögregla nýtt verklag
og viðmið hvernig slík brot eru
talin. Fjöldi tilkynntra heimilis-
ofbeldisbrota í Breiðholti fækkaði
síðan milli áranna 2015 og 2016
en þau voru 4,5 á hverja þúsund
íbúa á árinu 2016.
Áhugi á að tengjast
skólunum betur
Áhugi er meðal lögreglunnar
að auka tengsl við skóla í hverf-
inu og var haldinn fundur með
skólastjórnendum í marsmánuði.
Lögreglan lét kanna traust íbúa og
kom í ljós að um það bil 74% íbúa
í Breiðholti sögðust bera traust
til lögreglu og starfa hennar.
Lögreglan stöðvaði kannabis-
ræktun í hverfinu í marsmánuði
og var lagt hald á plöntur ásamt
búnaði sem notaður var til
ræktunarinnar.
Nokkrar tilkynningar bárust
til lögreglu vegna átaka á milli
ungmenna í Mjóddinni en grunur
er um að aðilarnir hafi mælt sér
mót í Mjóddinni til að takast á.
Eftirlit lögreglu vegna þessa var
aukið og bætt við göngueftirliti í
Mjódd-inni. Lögreglan stöðvaði 11
ökumenn í marsmánuði grunaða
um að vera undir áhrifum vímue-
fna og/eða ölvunar.
Lögreglustöð 3 á höfuðborgar-
svæðinu er staðsett að Dalvegi
18. Þar starfa 34 lögreglumenn
sem sinna m.a. útköllum á varð-
svæði stöðvarinnar og rannsókn-
um mála, varðsvæði stöðvarinnar
er Kópavogur og Breiðholt.
Hegningarlagabrotum
fækkar í Breiðholti
Frábær gjöf fyrir
dömur á öllum aldri
Fáanleg í 12 litum
í fullorðins- og barnastærð.
Nánar um sölustaði á facebook
Helstu útsölustaðir í Reykjavík
Allar sundlaugar, Apótekarinn Mjódd,
Borgarapótek, Lyf og heilsa; JL húsi,
Kringlu og Austurveri, Snyrtivöru-
búðin Glæsibæ, Mistý, Lyfjaver,
Reykjavíkur Apótek, Árbæjarapótek,
Urðarapótek, Balletbúðin Arena.
Netverslanir Aha.is, Heimkaup,
Krabbameinsfélagið og Netsöfnun.
www.borgarblod.is