Morgunblaðið - 06.09.2019, Page 31

og taka tveggja tíma fund með
nokkrum fasteignasölum til að átta
sig á stöðunni. Við gætum komið
okkar hugmyndum inn sem myndi
koma þeim til góða sem hér ætla
að búa.“
Jafnvægi komið á markaðinn
Mikil spenna hefur einkennt
fasteignamarkaðinn á Akureyri á
undanförnum árum en nú virðist
hann vera kominn í eðlilegra
ástand. „Sem betur fer er komið
jafnvægi á markaðinn þá bæði
hvað varðar kaupendur og verð.
Fyrir einu og hálfu ári var mark-
aðurinn rosalega seljandavænn og
barist var um hverja eign. Núna
er komið meira jafnvægi og er
markaðurinn aðeins að slá meira
yfir í það að verða kaupendavænn.
Verð er að setjast og eðlilegt verð-
bil að myndast á milli nýbygginga
og eldra húsnæðis,“ segir Tryggvi.
Friðrik tekur undir þetta og segir
að salan sé góð þó að ekki séu
nein læti og hlutirnir gangi ekki
eins hratt og áður. Hann bætir við
að ánægjulegt sé að sjá unga fólk-
ið aftur vera komið út á markað-
inn. „Þegar síðustu kjarasamning-
ar voru gerðir voru fyrstu
kaupendum gefin ákveðin loforð og
það hægði svolítið á markaðinum.
Nú er unga fólkið komið aftur af
stað. Á árunum 2016-17 var tölu-
vert um það að Reykvíkingar væru
að kaupa orlofseignir á Akureyri
og það ýtti fyrstu kaupendum út
af borðinu. Núna er mun minna
um það og unga fólkið á meiri
möguleika á litlu íbúðunum.“
Ungt fólk vill búa á Akureyri
Nokkur umræða hefur verið um
það að fólksfjölgun á Akureyri sé
ekki nægjanleg en Tryggvi bendir
á að ekki megi aðeins horfa á
strípaðar tölur í þeirri umræðu.
„Við skulum líka gleðjast yfir því
þegar ungt fólk í foreldrahúsum
kýs að búa hér áfram og vill fjár-
festa í húsnæði hér frekar en að
fara á leigumarkaðinn í Reykjavík
fyrir 250 þúsund á mánuði.“ Þeir
segja að í Hagahverfi sé hægt að
fá vel skipulagðar glænýjar
þriggja herbergja íbúðir kosti í
kringum 30 milljónir. „Það er ekki
eðlilegt að fólk sem er að kaupa
sína fyrstu íbúð á Reykjavík-
ursvæðinu þurfi að borga 50-60
milljónir fyrir sambærilegar eign-
ir,“ segir Tryggvi og Friðrik bætir
við.
„Við sjáum líka að foreldrar úti
á landi eru mikið að hjálpa til.
Þegar kannski tvö börn eru komin
til Akureyrar, eitt í háskóla og eitt
í framhaldsskóla þá er miklu gáfu-
legra að kaupa íbúð fyrir börnin
heldur en að leigja. Annars finnst
mér ungt fólk vera mjög ábyrgt í
fasteignakaupum. Það er mjög
upplýst og skiptir um húsnæði í
minni stökkum en áður. Eins falla
mun færri á greiðslumati í dag en
fyrir nokkrum árum. Fólk veit
betur hvað það getur og er ekkert
að bjóða í eitthvað sem það ræður
ekki við.“
Núllpunkturinn 20 milljónir
Talið berst að fasteignaverði á
Akureyri og segja fasteignasal-
arnir að meðal fermetraverð á nýj-
um tveggja herbergja íbúðum sé
400 þúsund en 300-350 þúsund á
eldri byggingum og er þá sýnu
hæst í Giljahverfi. Eins segja þeir
að varla komi lengur eign á sölu
undir tuttugu milljónum, það sé
því nýi núllpunkturinn á Akureyri.
Hagahverfi er nýjasta hverfi Ak-
ureyrar og liggur það syðst í bæn-
um. Það er að mörgu leyti allt
öðruvísi heldur en önnur hverfi
bæjarins, því byggðin þar er þétt
og blanda af blokkum, einbýlum
og raðhúsum. „Ég persónulega er
ekki hrifinn af þessu skipulagi og
finnst skrýtið að þeir sem eru að
kaupa sér einbýli séu með blokk í
bakgarðinum. Mér finnst eðlilegra
að hafa skýrari skiptingu á milli
mismunandi bygginga,“ segir Frið-
rik en Tryggvi er öllu jákvæðari.
„Ég held að Hagahverfið, þegar
það er fullbyggt, verði rosalega
umhverfisvænt hverfi. Strætóinn
kemur t.d. ekki inn í hverfið held-
ur verða íbúar að ganga út á að-
albrautirnar. Ég held að það verði
mjög barnvænt hverfi þegar fram í
sækir.“ Tryggvi vísar í elsta hluta
Naustahverfisins sem mörgum
fannst skrýtið þegar það var að
byggjast upp. „Nú þegar hverfið
er orðið rótgróið er fólk mjög
ánægt með að búa þar og finnst
skipulagið gott. Ég spái því að það
sama muni gerast með Haga-
hverfið.“ Báðir eru þeir sammála
því að í framtíðinni þurfi menn að
leggja meiri metnað í skipulagsmál
og að bæjaryfirvöld verði að horfa
enn betur á heildarmynd hverfa
því þannig má koma í veg fyrir
skipulagsslys. „Fyrst og fremst
þarf þó að hugsa um að byggja
eignir sem íbúarnir vilja búa í en
auðvitað helst fleira í hendur eins
og atvinnutækifæri og þjónusta
svo bærinn verði ákjósanlegur að
búa í,“ segir Tryggvi og slær þar
með botninn í umræðurnar.
Ljósmynd/Snæfríður Ingadóttir
Tryggvi og Friðrik fasteignasalar á Akureyri segja að það vanti lítil einbýlishús
með bílskúr og fleiri nýjar 2-3 herbergja íbúðir á fasteignamarkaðinn á Akureyri.
FÖSTUDAGUR 6. SEPTEMBER 2019 MORGUNBLAÐIÐ 31
LEITAR ÞÚ AÐ DRAUMA-
EIGNINNI SPÁNI?
Við erum fasteignasala með áratugareynslu af sölu fasteigna
Sumar eignir
eru betri en
aðrar eignir.
Sumareignir.is • www.eignalind.is
Hafðu samband í síma 616 8880 eða á tölvupósti sos@eignalind.is
Sigurður Ellert gústa Heiða Einar Akureyri Embla Erlendur
SUMAREIGNIR.IS
• Eignalind fasteignasala og www.Sumareignir.is
Löggiltir fasteignasalar með áratuga reynslu af
sölu fasteigna.
• Við veljum aðeins bestu fasteignirnar fyrir okkar
viðskiptavini. Hjá okkur finnur þú aðeins fasteignir
sem mæta hæstu kröfum hvað varðar verð, gæði,
staðsetningu og hönnun.
• Við erum á staðnum og tökum sjálf á móti þér á
flugvellinum eða náum í þig á hótelið.
• Þegar þú hefur fundið draumaeignina þína munum
við aðstoða þig við kaupferlið frá upphafi til enda.
Kíktu inná síðuna okkar www.Sumareignir.is.
Við erum með skrifstofu í Kópavogi, Akureyri og í
Playa Flamenca á Costa Blanca. Ekki hika við að
hafa samband í síma 616 8880 eða á
tölvupósti sos@eignalind.is