Morgunblaðið - 19.11.2019, Blaðsíða 2

2 | MORGUNBLAÐIÐ
Stíll hins nýja bíls er óneitanlega
fagur þótt deildar meiningar séu
um það í röðum áhugamanna um
Ferrari. Annar helmingur þeirra
segir hér á ferðinni fyrsta fallegi
bíllinn um langt árabil sem rennur
af færiböndunum bílsmiðjunnar í
Maranello. Hinn helmingurinn er á
því að Ferrari Roma sé allt of líkur
þeim bílum sem Aston Martin fram-
leiðir.
Í vélarhúsi Roma er að finna 620
hestafla V8 TT-vél og munu herleg-
heitin í heild sinni kosta rúmlega
200.000 evrur, eða vel á þriðja tug
milljóna íslenskra króna. Að sögn
Ferrari munu fyrstu Roma-
sportbílarnir koma á götuna síð-
sumars á næsta ári.
Tvö lítil aftursæti eru í bílnum og
mætti þar troða grannvöxnum far-
þegum eða farangri. Framsætin
eru alveg sjálfstæðir „stjórnklefar“
búnir stjórnskjáum með öllum upp-
lýsingum um aksturinn og starf-
semi bílsins.
Ferrari Roma er fimmti nýi bíll-
inn sem Ferrari kynnir í ár og einn
af fimmtán nýjum sem koma munu
á götuna frá Ferrari fram til árs-
loka 2022. Bílnum er sér í lagi ætlað
að höfða til ungs fólks og afla Ferr-
ari nýs hóps kaupenda. Meðal
keppinauta Roma gætu verið bílar
á borð við Porsche 911, Aston Mart-
in DB11 og McClaren GT.
Ferrari mun framleiða um 10
þúsund bíla í ár eða fleiri en nokkru
sinni áður.
agas@mbl.is
Ferrari Roma þykir minna á bíla frá Aston Martin. Dæmi hver um sem vill.
Nýr og umdeildur Ferrari
Ásgeir Ingvarsson
ai@mbl.is
N
ýr japanskur vinnuþjarkur var að
lenda, til þjónustu reiðubúinn. Er
óhætt að segja að margir hafi beðið
spenntir eftir komu Mitsubishi
L200, sem frumsýndur var um helgina, enda
pallbíll sem á sér langa sögu og ófáa aðdáendur.
„Með komu sjöttu kynslóðar fagnar Mitsubishi
um leið 40 ára afmæli L200,“ segir Guðmundur
Snær Guðmundsson, söluráðgjafi hjá Heklu.
„Hann hóf göngu sína sem þægilegur vinnubíll,
sniðinn að þörfum þeirra sem þurfa að flytja
vörur, verkfæri og efni á milli staða, en hefur
smám saman þróast út í að vera einnig „lífsstíls-
bíll“ fyrir fjölbreyttan kaupendahóp og hefur til
dæmis hestafólk, veiðimenn og skíðaiðkendur
komið auga á notagildið sem L200 veitir þeim.“
Þá kom fljótlega í ljós að L200 fellur vel að ís-
lenskum aðstæðum og ekki er flókið að breyta
þessum bílum og gera þá að nokkurs konar pall-
bíls-jeppum. „Við höfum gert mikið af því að
hækka þá aðeins upp og setja á allt að 33 tommu
dekk. Þetta er hófleg breyting og þýðir að L200
ræður við meira krefjandi aðstæður, þótt hann
komist ekki endilega hvert á land sem er.“
Guðmundur segir að svo virðist sem að pall-
bílamenningin á Íslandi lendi nokkurn veginn
miðja vegu á milli Evrópu og Bandaríkjanna. Á
sumum stöðum vestanhafs eru pallbílar algeng
sjón en þeir eru vandfundnir í Evrópu. Á Íslandi
eru pallbílar í kringum 5% af öllum nýjum seld-
um bílum. „Þar af áætla ég að um tveir af hverj-
um þremur séu keyptir sem vinnubílar,“ út-
skýrir hann en pallurinn getur borið um það bil
eitt tonn og þá er dráttargeta L200 yfir þremur
tonnum. „L200 er hæfilega nettur og ekki svo
stór að vandasamt sé að aka honum innanbæjar.
Þá hjálpar við söluna að Mitsubishi hefur á
þessum 40 árum skapað sér orðspor fyrir að
smíða trausta og vandaða bíla.“
Heimilisbíll að framan en vinnubíll að aftan
Íslenskir verktakar virðast gjarnir á að velja
litla sendibíla fram yfir pallbíla en Guðmundur
segir æ fleiri kveikja á perunni með hvað pall-
bílar geta verið sniðugur og fjölhæfur kostur.
„Það sem fyrst ætti að nefna er að pallbíllinn
hentar betur til alls kyns annarra nota fyrir
heimilið og á bíl eins og L200 er til dæmis hægt
að halda af stað strax eftir vinnu í veiðiferð eða
upp í hesthús. L200 er með rúmgott farþega-
rými og sæti fyrir fimm og hentar framhlutinn
því vel sem fjölskyldubíll á meðan pallurinn er
alltaf til taks undir tól og tæki. Það getur verið
viss sparnaður fólginn í því að eiga einn bíl sem
getur þannig gegnt mörgum hlutverkum, frek-
ar en að eiga annars vegar vinnubíl og hins veg-
ar bíl fyrir fjölskyldu og tómstundir.“
En er ekki aðgengið betra í sendibílum? Guð-
mundur segir aðgengi ekki þurfa að vera vanda-
mál og framleiðendur gæti þess vandlega að
pallbílarnir þjóni eigendum sínum sem best.
„Það má til dæmis kaupa svokallaða skúffu sem
hægt er að draga fram og þannig hafa enn betra
aðgengi að öllu því sem sett er á pallinn. Þá ver
pallhúslokið það sem geymt er á pallinum fyrir
veðri og vindum, en samt er alltaf sá möguleiki
til staðar að fjarlægja lokið og flytja stærri og
hærri farm en væri hægt með dæmigerðum
litlum sendibíl,“ útskýrir hann. „Það er vandséð
að iðnaðarmenn séu að tapa neinu á því að
skipta úr sendibíl yfir í pallbíl og miklu frekar
að þeir séu að fá það besta úr báðum heimum
með ökutæki sem býður jafnvel upp á mögu-
leikann á að fara í fjallaferðir ef svo ber undir.“
Spurður um þær nýjungar sem Mitsubishi
kynnir til sögunnar í sjöttu kynslóð L200 segir
Guðmundur að auk þess sem búið sé að fegra
bílinn að innan sem utan og gefa honum enn
kraftalegra útlit sé áberandi hvað framleiðand-
inn hafi lagt ríka áherslu á öryggisbúnað. „L200
er kominn skrefinu lengra en margir pallbílar í
sama flokki, s.s. með því að hafa akreina- og
árekstrarvara sem staðalbúnað. Þá er búið að
bæta aksturseiginleika enn frekar, m.a. með
veggripsstýringu sem dreifir afli betur á hjólin
við erfiðar aðstæður.“
L200 verður fluttur inn í fjögurra sæta útgáfu
en hægt verður að sérpanta tveggja sæta út-
færslu sem er þá með stærri palli. Verðið er frá
tæpum sex milljónum króna og fer upp í tæp-
lega sjö milljónir þegar búið er að hlaða bílinn
öllum mögulegum aukabúnaði og leðurinnrétt-
ingu.
Vinnubíll sem getur
verið fjallabíll á frídögum
Morgunblaðið/Hari
Sjötta kynslóð Mitsubishi
L200 er komin á markað.
Sem vinnubílar hafa pallbílar
þann kost fram yfir sendibíla
að henta betur til almennra
nota fyrir heimilið.
„Það er vandséð að iðnaðarmenn
séu að tapa neinu á því að skipta úr
sendibíl yfir í pallbíl,“ segir Guð-
mundur Snær Guðmundsson.
Klettagörðum 11 | 104 Reykjavík | Sími 568 2130 | verslun@et.is | Opið mánud.-föstud. kl. 8.00-18.00
Mikið úrval af
KÖSTURUM OG AUKALJÓSUM
fyrir allar gerðir bíla