Fréttablaðið - 02.03.2020, Page 12

匀欀漀爀爀椀 攀栀昀 ∠ 䈀氀搀猀栀昀椀 ㄀㈀ ∠ ㄀㄀　 刀瘀欀 ∠ 㔀㜀㜀ⴀ㄀㔀㄀㔀 ∠ 眀眀眀⸀猀欀漀爀爀椀⸀椀猀
2 . M A R S 2 0 2 0 M Á N U D A G U R10 S P O R T ∙ F R É T T A B L A Ð I Ð
SPORT
HETJA HELGARINNAR
Ismaïla Sarr
Sóknartengiliðurinn kemur frá Saint Louis
í Senegal og er einn fimm systkina. Hann
á ekki langt að sækja knattspyrnuhæfi-
leikana þar sem faðir hans lék á sínum tíma
með landsliði Senegal áður en hann gerðist
bóndi.
Þrátt fyrir ungan aldur er Sarr, sem varð
22 ára á dögunum, búinn að leika 26 leiki
fyrir landslið Senegal.
Senegalinn er
dýrasti leikmaðurinn í
sögu Watford en hann
kostaði félagið þrjátíu
milljónir punda síðasta
sumar.
Sadio er í reglu-
legum sam-
skiptum við mig. Hann
gefur mér góð ráð og er
mér sem bróðir.
Ismaïla Sarr um samband sitt
og Sadio Mane fyrr í vetur
Ég sagði við Andy
Robertson að
Watford væri að fá virkilega
góðan leikmann. Ég þyrfti
að hjálpa honum því annars
myndi Ismaili ganga frá
honum með hraða sínum og
tækni.
Sadio Mane í samtali við The Athle-
tic eftir að Sarr samdi við Watford
FÓTBOLTI Það áttu fæstir von á því
að Ismaïla Sarr og félagar næðu að
stríða hinu ógnarsterka liði Liver-
pool en Liverpool var yfirspilað á
allan máta í verðskulduðum sigri
Watford um helgina. Senegalinn
reyndist meistaraefnunum í Liver-
pool erfiður og skoraði tvö mörk
ásamt því að leggja upp þriðja mark
Watford skömmu fyrir leikslok í
3-0 sigri heimamanna. Fram að því
hafði Watford tapað fimm leikjum í
röð í ensku úrvalsdeildinni en með
sigrinum nær liðið að skjótast upp
úr fallsæti í bili. Á sama tíma reyndi
Liverpool að ná 37. sigrinum í síð-
ustu 38 leikjum.
Sarr braut ísinn eftir gott fast
leikatriði í upphafi seinni hálfleiks
og var vakandi fyrir mistökum hjá
varnarlínu Liverpool stuttu síðar
þegar hann kom Watford 2-0 yfir.
Sarr átti svo stóran þátt í þriðja
marki Watford þegar hann komst
inn í sendingu Trent Alexander-
Arnold og fann Troy Deeney sem
skoraði úr góðu færi. Tíu mínútum
síðar var Sarr enn kominn aftur
fyrir varnarlínu Liverpool í gott
færi en skot hans fór hárfínt fram
hjá markinu
Líkt og Sadio Mané komst Sarr
ungur inn í Generation Foot aka-
demíuna í Dakar í Senegal. Hann
sýndi námi lítinn áhuga sem ungur
drengur og stefndi á að verða knatt-
spyrnumaður í fremstu röð. Sarr fór
sömu leið frá Dakar og Mané þegar
Sarr samdi við franska félagið Metz
átján ára gamall og var fljótur að slá
í gegn með liði Metz.
Ári síðar, eftir 33 leiki í treyju
Metz, var Sarr keyptur til Rennes
fyrir fimmtán milljónir punda.
Frammistaða Sarr með Metz vakti
athygli stærri liða og fékk hann að
eigin sögn tilboð frá spænska stór-
veldinu Barcelona en kaus að halda
áfram í Frakklandi. Hann sagði
skrefið til Barcelona of stórt á þeim
tíma og kaus því að fylla í skarð
Ousmane Dembele hjá Rennes þess
í stað.
Tveimur árum síðar vann Wat-
ford kapphlaupið um Sarr síðasta
sumar. Sarr hafði heillað gegn Arse-
nal í Evrópudeildinni og lenti í öðru
sæti í kosningunni um efnilegasta
leikmann Frakklands sem leiddi til
þess að Watford pungaði út 30 millj-
ónum punda fyrir sóknarmanninn.
Þegar búið var að ganga frá kaup-
unum var Sadio Mane spurður
út í vistaskipti Sarr í deildina hjá
The Athletic þar sem hann sagðist
spenntur að fá vin sinn í deildina en
vonsvikinn yfir að það væri ekki til
Liverpool. Þá lofaði hann að varn-
armenn deildarinnar ættu eftir að
eiga erfitt með að ráða við Sarr eins
og vörn Liverpool fékk að kynnast
um helgina.
kristinnpall@frettabladid.is
Viðvörun frá
Mané komst
ekki til skila
Senegalinn Ismaïla Sarr var í aðalhlutverki þegar
Watford tókst að vinna Liverpool og stöðva 44
leikja hrinu Bítlaborgarmanna án ósigurs. Sarr
kemur úr sömu akedemíu og Sadio Mané í Senegal
og hefur Sarr líkt landa sínum við eldri bróður.