Feykir - 04.10.2017, Blaðsíða 8

Heilir og sælir lesendur góðir.
Enn heldur Ingólfur Ómar áfram að yrkja
góðar vísur.
Seggja heyri söngvaklið
són með gáska léttum.
Glaðir stútinn glingra við
gangnamenn í réttum.
Nú síðustu daga hafa farið fram nokkr-
ar umræður og fréttaflutningur af þeirri
glórulausu tilskipun sendipilta Matvæla-
stofnunar um að fé bænda hér í Skagafjarðar-
og Húnavatnssýslum yrði drepið sem farið
hafði yfir gamla sauðfjárvarnalínu með
Blöndu sem nú hefur ekki verið til í hugum
flestra vitiborinna mann í mörg ár. Hlýtur að
vera sanngjörn krafa sauðfjárbænda að þeim
verði sett það verkefni næsta sumar að rölta
með Blöndu og afstýra frekari vá.
Kannski er gott að rifja upp að á þeim
hryllilegu árum sem lungnaveikin, (líka
kölluð mæðiveiki), geisaði hér á landi var
sett upp geysilega öflug girðing, á þess
tíma mælikvarða, og þar til viðbótar hafðir
verðir til að fylgjast með henni allt sumarið.
Man ekki fyrir víst hvar ég hef lesið um
tímasetningar þessara atburða en held að
það hafi verið í kringum 1940 sem þetta
alvarlega mál var rætt á Alþingi.
Einn af þingmönnum þess tíma, Sigurður
Hlíðar, hélt því fram að allt væri þetta á
misskilningi byggt og sá ágæti dýralæknir
sem uppgötvaði þennan sjúkdóm hefði
vakið upp draug sem þyrfti að kveða niður
og ekki mætti ausa fé í slíkt verkefni.
Samþingsmaður Sigurðar, Bjarni Ásgeirs-
son, sem síðar varð landbúnaðarráðherra
Framsóknarflokksins, orti þá þessar snilldar
vísur:
Dungal vakti upp vondan draug
var það snemma auðséð,
þegar téður læknir laug
lungnaveiki í sauðféð.
Draugurinn var Dungal trúr
dag og nótt á kreiki,
Síðan drepast ærnar úr
ímyndunarveiki.
Bjarni var með allra snjöllustu hagyrðingum
á sinni tíð og urðu margar vísur hans
landsfleygar. Eitthvert sinn er hann var á
ferð á Norðurlandi, orti hann þessa hógværu
vísu sem þá varð landsfleyg.
Letjast hestar, lýjast menn.
Lokið er tölti og skeiði.
Þó er spölur eftir enn
yfir Vaðlaheiði.
Öðru sinni er Bjarni var á ferð í Skafta-
fellssýslu varð þessi til:
Vísnaþáttur 697 Bylgjan margan bar á sandbeint að faðmi svanna.Eru víða um okkar land
augu skipbrotsmanna.
Um haustkvöld heima á Reykjum mun
Bjarni hafa ort þessa vel gerðu hringhendu.
Andar köldu um rós og reyr.
Reykur í öldum svífur.
Alltaf kvöldar meir og meir
myrkrið völdin þrífur.
Eitt af því sem hæst ber í okkar
nútímasamfélagi er túristaflóðbylgjan
sem virðist á góðri leið með að eyðileggja
okkar fagra Ísland frá fjöru til fjalls.
Þegar stjórnvöld loks álpast til að taka
skynsamlegar ákvarðanir um gjaldtöku af
liði þessu, reka ferðaþjónustuforkólfar upp
kryppu og mótmæla. Ólafur Stefánsson
heyrði af þvílíkum fréttaflutningi og orti
svo:
Grímur Sæm hann sífrar, talar,
sumpart beygir af.
Gróttukvörnin meðan malar
mest allt hér í kaf.
Grunar að gaman hefði verið að vera með
Ólafi í þeirri utanlandsferð sem þessi vísa
var ort:
Lengi er á losta von
lífs á hálum póstum.
Sást hér ein með sílikon
sveifla þungum brjóstum.
Engin von er fyrir okkur jarðarbörn að
neita þeirri staðreynd að haust er nú komið
og vetur á næsta leiti. Sá ágæti hagyrðingur,
Karl Friðriksson, orðar það svo vel í næstu
vísum.
Raddir valla rjúfa frið
rósir fallið mynda.
Sólin hallar höfði við
hæstu fjallatinda.
Falleg hringhenda þar á ferð og ekki er sú
næsta síður vel gerð frá hendi Karls.
Hverfur uggur allt er hljótt,
eins og huggun finni.
Hljóðum skuggum hlúir nótt
hægt í ruggu sinni.
Velgengni okkar þáttar veltur kannski á
einu sparði og þess vegna er auðvelt að leita
til Ingólfs Ómars með lokavísuna.
Sumar líður senn á braut
sölnar blómaflétta.
Roðna brekkur, lyng og laut
lauf af trjánum detta.
Veriði þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) palli@feykir.is 30
ára
Karlakór Bólstaðarhlíðarhrepps
Tekur þátt í Kórar Íslands
Kórar Íslands er nýr
skemmtiþáttur sem verður á
dagskrá Stöðvar 2 í vetur en
Friðrik Dór Jónsson, einn
ástsælasti söngvari landsins,
er kynnir þáttanna.
Dómnefndina skipa
tónlistarfólkið Kristjana
Stefánsdóttir, Ari Bragi
Kárason, og Bryndís
Jakobsdóttir. Einn af
kórunum sem keppa er hinn
ágæti Karlakór Bólstaðar-
hlíðarhrepps og fáum við að
sjá þá í þættinum sunnudags-
kvöldið 8. október.
Höskuldur B. Erlingsson,
formaður kórsins, segir að
fyrirspurn hafi borist frá að-
ilum sem tengjast þáttaröðinni
um það hvort kórfélagar gætu
ekki hugsað sér að vera með.
„Við hugsuðum þetta fram og
til baka og töldum nokkur
vandkvæði á því þar sem að
margir kórfélaga eru bændur
og fjárstörf í öllum sínum
myndum á fullu á þessum tíma.
Svo fengum við ítrekun um
þetta og ákváðum að gera
liðskönnun og eftir það var
ákveðið að henda sér í djúpu
laugina,“ segir Höskuldur.
Fyrirkomulagið verður
þannig að kórfélagar mæta á
Suðurnesin nk. sunnudags-
morgun, 8. október, og segir
Höskuldur að þar fari allur
dagurinn meira og minna í
þetta verkefni sem endar svo
með því að keppnin verður
send út í beinni útsendingu um
kvöldið.
Syngið þið lög sem þið hafið
haft á söngdagskrá hjá ykkur?
„Já, það er hver kór með eitt lag.
Við sendum stjórn keppninnar
tillögur um þrjú lög og þau
Karlakór Bólstaðarhlíðarhrepps á æfingu í Blönduóskirkju. MYND: HÖSKULDUR B. ERLINGSSON
UMFJÖLLUN
Páll Friðriksson
völdu svo eitt. Hvaða lag varð
fyrir valinu kemur í ljós nk.
sunnudag,“ segir Höskuldur
brosandi og gefur í skyn að ekki
verði ljóstrað upp um það.
Hann segir kórinn hafa æft
grimmt, sérstaklega eftir að í
ljós kom að hann væri inni í
keppninni en alls taka 32 kór-
menn þátt í þessu verkefni.
Hvernig metur þú möguleika
kórsins í keppninni? „Eftir að
hafa horft á tvo fyrstu þættina
þá held ég að við höfum eins
góða möguleika og allir hinir.
Það eru einungis tveir kórar af
„landsbyggðinni“ í þessari
keppni, þ.e.a.s. ef að við teljum
ekki Akranes og Selfoss með í
því. Þeir eru Karlakór Ból-
staðarhlíðarhrepps og Karla-
kór Vestmannaeyja. Vest-
mannaeyingar voru í fyrsta
þættinum og komust áfram.
Við vonum það besta og skor-
um á Norðlendinga alla að
„splæsa“ á okkur atkvæði ef að
þeim líkar við atriðið okkar og
koma okkur áfram í næstu
umferð,“ segir kórstjórinn og
Feykir tekur heilshugar undir
og mælir með allsherjar
„atkvæðasplæsi“ nk. sunnu-
dagskvöld.
8 37/2017