Feykir - 04.10.2017, Blaðsíða 10
Frá yfirkjörstjórn
Norðvesturkjördæmis
Framboðsfrestur vegna kosninga til Alþingis, sem fram eiga
að fara laugardaginn 28. október 2017, rennur út kl. 12:00
á hádegi föstudaginn 13. október 2017.
Framboð í Norðvesturkjördæmi skal tilkynna skriflega til yfirkjörstjórnar kjördæmisins, sem
veitir þeim viðtöku á Hótel Borgarnesi, Egilsgötu 16, Borgarnesi, föstudaginn 13. október
2017 frá kl. 09:00-12.00.
Á framboðslistum skulu vera nöfn 16 frambjóðenda, hvorki fleiri né færri. Tilgreina skal
greinilega nafn frambjóðanda, kennitölu hans, heimili og stöðu eða starfsheiti. Framboðslista
skal fylgja skrifleg yfirlýsing allra þeirra sem á listanum eru um að þeir hafi leyft að setja nöfn
sín á listann.
Framboðslista skal og fylgja skrifleg yfirlýsing frá kjósendum í Norðvesturkjördæmi um
stuðning við listann og fyrir hvaða stjórnmálasamtök listinn er boðinn fram og við hvaða
kosningar. Tilgreina skal nafn meðmælanda, kennitölu hans og heimili. Fjöldi meðmælenda
skal vera 240 hið fæsta og eigi fleiri en 320. Sami kjósandi má ekki mæla með fleiri en einum
framboðslista. Komi það fyrir verður kjósandinn ekki talinn meðmælandi neins þeirra.
Einnig skal fylgja skrifleg tilkynning frá frambjóðendum listans um það hverjir tveir menn
séu umboðsmenn listans.
Til að flýta fyrir yfirferð og vinnslu er mælst til þess að meðmælendalistar verði skráðir með
rafrænum hætti á þar til gerðu vefsvæði www.island.is áður en þeim er skilað til yfirkjörstjórn-
ar. Vakin er athygli á því að skila skal frumritum meðmælendalista til yfirkjörstjórnar á tölu-
settum blaðsíðum í framhaldandi röð.
Óskað er eftir að framboðslistum verði skilað á rafrænan hátt skv. leiðbeiningum lands-
kjörstjórnar á netfangið ingi@lit.is. Form til þess að skrá listann má finna á vef landskjör-
stjórnar, www. landskjor.is, undir almennum leiðbeiningum.
Fundur yfirkjörstjórnar til að úrskurða um framboð, þar sem umboðsmönnum framboðslista
gefst kostur á að vera viðstaddir, verður haldinn í Hótel Borgarnesi, Egilsgötu 16, Borgarnesi,
laugardaginn 14. október 2017 kl. 13:00.
Meðan á kosningu stendur, laugardaginn 28. október 2017, verður aðsetur yfirkjörstjórnar
Norðvesturkjördæmis á Hótel Borgarnesi, Skúlagötu 16, Borgarnesi, þar sem talning atkvæða
fer fram að loknum kjörfundi kl. 22:00. Símanúmer yfirkjörstjórnar Norðvesturkjördæmis
er 860 2181.
Yfirkjörstjórn Norðvesturkjördæmis 2. október 2017
Ingi Tryggvason oddviti
Kristján G. Jóhannsson Katrín Pálsdóttir
Elís Svavarsson Júlíus Guðni Antonsson
Sigriður Tryggvadóttir,
eftirlaunakona á Hvamms-
tanga, svarar spurningum
Bók-haldsins að þessu sinni.
Hún er uppalin á Hrapps-
stöðum í Víðidal en á
unglingsárunum gekk hún í
skóla í Njarðvíkum. Sigríður
var bóndi á Efri-Fitjum í um
30 ár ásamt eiginmanni
sínum til 50 ára en flutti til
Hvammstanga fyrir 17 árum
en þar var hún bóka- og
skjalavörður Húnaþings
vestra í 15 ár.
Ríkidæmi Siggu er að hennar
sögn börnin tvö og tengda-
börn, barnabörnin sex og lang-
ömmubörnin tvö. Í sumar spurði
sjö ára langömmustrákur Siggu
hana hvort hún hafi alltaf kunnað
að lesa. „Svarið var nei,“ segir
hún, „en ég var lítil þegar ég lærði
það og ég var það sem kallað er,
alæta á bækur, en það hefur
breyst með árunum. Aðspurð
segir Sigga að foreldrar hennar
hafi örugglega lesið eins mikið og
þeir höfðu tíma til og hún segir að
á bernskuheimilinu hafi verið til
talsvert af bókum auk þess sem
bækur hafi oft verið fengnar að
láni hjá Lestrarfélaginu.
Hvaða bækur voru í uppáhaldi
hjá þér þegar þú varst barn?
„Sem barn man ég eftir bókinni
Stóra Inga og Litla Inga og
bókunum um Þóru í Hvammi
(Ég á gull að gjalda og fleiri) eftir
Ragnheiði Jónsdóttur. Þær voru
mjög mikill drami. Fyrsta stóra
bókin sem ég man eftir að hafa
reynt að lesa var Piltur og stúlka
en skildi víst lítið og spurði pabba
eitthvað út í þetta og hann tók
bókina sagði að ég læsi þetta
þegar ég yrði stærri.“
Hver er uppáhaldsbókin af þeim
sem þú hefur lesið gegnum
tíðina?
„Nokkrar bækur eru til í skápnum
( BÓK-HALDIÐ ) frida@feykir.is
Góði dátinn Svejk og
Ráðskonan á Grund
á náttborðinu
Sigríður Tryggvadóttir /
eftirlaunakona á Hvammstanga
Sigríður er fastagestur á Bókasafni Húnaþings vestra. MYND: ÚR EINKASAFNI
sem eru í uppáhaldi, t.d. Fátækt
fólk og Ævisaga Hafsteins
Sigurbjarnarsonar. Þessar
bækur segja manni svo mikið
um liðna tíð, líf sem maður
blessunarlega þekkir ekki og gerir
sér enga grein fyrir. Alltaf þegar
ég fer um Öxnadalinn hugsa ég
til Tryggva Emilssonar og þessa
lífs sem var lifað þarna.“
Hverjir eru þínir uppáhalds
rithöfundar og hvers vegna?
„Ég á enga uppáhaldshöfunda
en les alltaf bækurnar hennar
Kristínar Steinsdóttur og Kristínar
Marju.“
Hvaða bækur eru á náttborðinu
hjá þér þessa dagana?
„Í sumar hef ég verið að tína
út úr hillunum bækur sem ég
hef ekki lesið í mörg ár og lesa
aftur. Svo er alveg nauðsynlegt
að láta liggja á náttborðinu
bækurnar Góði dátinn Svejk og
Ráðskonan á Grund það er alltaf
hægt að kíkja Í þær sér til gleði.“
Ertu fastagestur á einhverju
bókasafni?
„Ég fer á bókasafnið á Hvamms-
tanga og fæ bækur.“
Hvað kaupirðu eða eignast að
jafnaði margar nýjar bækur yfir
árið og áttu þér uppáhalds-
bókabúð?
„Hér áður fyrr fór ég mikið í
fornbókabúðir en þar sem allt of
mikið er til af bókum á heimilinu
(mörg hundruð) er bæði bannað
að kaupa og gefa bækur (þetta
bann er nú brotið eftir þörfum).“
Ef þú ættir að gefa einhverjum
sem þér þykir vænt um bók,
hvaða bók yrði þá fyrir valinu?
„Ef ég þyrfti að velja eina bók
til að gefa væri það annaðhvort
Fátækt fólk eða Málverk á
striga.“
Jón Daníel
nýr
formaður
Sjálfstæðisfélags
Skagfirðinga
Aðalfundur Sjálfstæðis-
félags Skagfirðinga var
haldinn sl. mánudagsköld.
Góð mæting var á fundinn
en þangað mættu tveir
þingmenn kjördæmisins,
þeir Haraldur Benediktsson
og Teitur Björn Einarsson.
Á fundinum var ný stjórn
kjörin og gegnir Jón Daníel
Jónsson formennsku
hennar.
Með Jóni í stjórn eru þau
Bryndís Lilja Hallsdóttir,
Guðný Axelsdóttir, S.
Regína Valdimarsdóttir,
Sigríður Káradóttir og
Vignir Kjartansson. /PF
10 37/2017