Feykir - 05.12.2017, Side 6
Hjónin Magnús Freyr Gíslason
og Kolbrún Dögg Sigurðardóttir
ásamt börnum sínum tveimur,
Hinriki þriggja ára og Kötlu
níu ára, fluttu á Sauðárkrók
sumarið 2015 og segir Magnús
þau una sér mjög vel. Kannski
má segja að Magnús sé að koma
heim aftur eftir 15 ára útlegð
en hann sleit barnsskónum á
Króknum. Kolbrún á einnig
sterkar tengingar í Skagafjörð,
bæði á Sauðárkrók og í Sæ-
mundarhlíðina.
„Við flytjum á Krókinn
sumarið 2015 og komum frá
Reykjavík. Vorum búin að vera
þar í þrjú ár eftir að við fluttum
til Íslands frá Kaupmannahöfn
2012. Í Danmörku vorum við
í átta ár, bæði í námi,“ segir
Magnús en hann stundaði
arkitektanám í fimm ár og
þrjú ár vann hann á stofu. Það
svið sem arkitektamenntun
Magnúsar spannar er vítt,
allt frá landslagi og yfir í
húsgögn en hann var aðallega
í byggingum. Við það vann
hann allt þar til þau fluttu á
Krókinn og Magnús fór að
vinna á Trésmiðjunni Borg.
„Þá var ég byrjaður að læra
húsgagnasmíði og það var
kveikjan að því að við fórum
að spá í að flytja hingað, fyrir
utan það að mér var farið
að leiðast í vinnunni fyrir
sunnan,“ segir Magnús. Til
útskýringar nefnir hann að
hann var ýmist að teikna hótel
eða færa til gipsveggi og klósett
á pappírum.
Hann kinkar kolli þegar
blaðamaður spyr hvort það sé
handverkið sem heillar meira.
„Já, aðallega það að fara með
eigin hönnun úr skissufasanum
og útfæra alveg þangað til að
hún er tilbúin. Hitt er þannig
að þú teiknar kannski eitthvað
í hálft ár og svo skilar þú af þér
bunka af blöðum og ári seinna
ferð þú á staðinn og sérð, já
svona var þetta. Þá er kannski
búið að breytast heilmikið í
ferlinu sem maður hefur enga
stjórn á. Það var eiginlega
það sem heillaði að geta fært
hugmynd að skissu og til vöru,“
segir hann.
Magnús stefnir á að breyta
enn meira til í náinni framtíð
en hann hættir um áramót í
vinnu sinni hjá Minjastofnun
Íslands þar sem hann sinnir
húsvernd. Hann ætlar að freista
þess að hella sér enn frekar í
hugðarefni sín í húsgagnasmíði
og hönnun og segist sjá það
fyrir sér að fara á sjóinn. „Mig
langar að reyna að komast í
afleysingatúra á einhverjum
af togurum Fisk Seafood og
taka að mér hönnunarverkefni
til að hjálpa við fjárhagslegu
hliðina. Þá get ég einbeitt mér
að verkefninu og unnið yfir
daginn og lifað eðlilegu lífi eftir
það,“ segir hann og hlær en þar
er hann að benda á að hingað
til hefur allur hans frítími farið
í þessa vinnu og oftar en ekki
VIÐTAL
Páll Friðriksson
Það hefur vakið athygli og frá því sagt á öðrum miðlum að ung fjölskylda
hafi rifið sig upp, frá góðri vinnu og nánustu ættingjum í Reykjavík, og sest
að á Sauðárkróki. Áður hafði unga fólkið búið í stórborgarys Danmörku en
finnst nú gott að vera komin í kyrrð og ró smábæjarlífsins. Þau hafa stofnað
lítið fyrirtæki sem heldur utan um hönnun og smíði húsgagna og stefna þau
á að auka framleiðsluna á næsta ári. Feykir kíkti í bílskúrinn hjá Magnúsi Frey
Gíslasyni, en þar fer framleiðslan fram, og forvitnaðist um fyrirtækið,
Gagn ehf., flutningana og framtíðarsýnina.
Magnús Freyr Gíslason speglast í framleiðslu sinni sem notið hefur vinsælda.
MYND: PF
dregist fram á nóttina. Þrátt
fyrir jákvæða framtíðarsýn
Magnúsar er undirtónninn
alvarlegur enda mikið í húfi.
Húsgagnasmíði
Hvað kom til að þú fórst að
læra húsgagnasmíði, búinn að
læra og starfa sem arkitekt?
„Við keyptum gamalt hús í
Mjölnisholti við Hlemm. Ég
fór að gera það upp, alveg frá
grunni, og þá fékk ég þessa
smíðabakteríu. Ég á ekki gott
með að sitja kyrr og fannst
betra að geta hoppað á milli
þess að hanna við skrifborð
og svo að smíða og útfæra
hönnun í skúrnum og vinna
með höndunum. Ég fór í nám
með vinnu svo kom ég hingað
norður og kláraði húsasmíði í
helgarnámi við FNV, tók svo
sveinspróf í maí síðastliðnum,“
segir Magnús.
Smíðaverkefnið í bílskúrn-
um byrjaði smátt að sögn Magn-
úsar og hann sýnir blaðamanni
fyrsta gripinn, lítið skóhorn.
„Svo komu blómastandarnir og
speglarnir og á næstunni koma
nýjar vörur. Það er sambyggð
hilla og skrifborð sem er hugsað
sem lítil heimaskrifstofa sem lítið
fer fyrir,“ segir Magnús og útlistar
frekar hvernig þetta virkar.
„Þegar þú ert kominn heim úr
vinnu og þarft að setjast niður og
kannski svara einum tölvupósti
þá getur þú sest við skrifborðið
og gert það sem þarf, hent svo
tölvunni ofan í skúffu aftur og
Magnús Freyr Gíslason hannar og smíðar húsgögn
Flutti aftur á
æskustöðvarnar
lokað. En hillan verður áfram
stofustáss með skrautmunum og
einhverju svoleiðis.“
Magnús lýsir því hvernig
hlutirnir verði til á þann veg að
megnið af vinnunni fari í, þegar
búið er að finna út hvað á að
skapa, að sjóða hönnunina niður
þannig að hún sé eins minimal
og hægt er. Líkt og hönnun
sem byrjar grófgerð og kannski
flókin en endar svo í vöru sem
búið er að skera alla fitu frá og
er þá bara mjög einfaldur hlutur.
„Svona einfaldir hlutir þurfa að
vera í réttum hlutföllum og
þurfa að vera gagnlegir annars
er þetta ekki neitt neitt og talar
ekki til manns,“ segir Magnús
og bendir á fallega spegla sem
hann hefur smíðað.
Hvernig færðu hugmyndir?
„Hingað til hafa þær sprottið
upp úr okkar daglega lífi.
Hvað okkur vantar hverju
sinni. Ég braut skóhorn þegar
við vorum nýflutt á Krókinn
og ég fór út í skúr og smíðaði
nýtt sem þróaðist svo smám
saman í stærra. Kolbrún hefur
mikið dálæti á blómum og við
fórum í það að kanna hvernig
við gætum gert eitthvað fallegt
með þau. Ég man úr æsku eftir
svona blómastöndum, sem voru
eiginlega á hverju heimili. Þetta
er ekki ný uppfinning, en okkur
langaði að gera okkar eigin
útgáfu. Hringspeglarnir eru
mjög vinsælir núna en okkur
langaði ekki að að gera bara
hringspegil með viðarramma.
Þú getur fengið svoleiðis í IKEA
á lítinn pening. Svo bættum
við hillunni við þannig að nú
er þetta orðinn forstofuspegill,“
segir Magnús brosandi. „Þetta
kemur bara svona í samtölum
okkar Kolbrúnar eða þá að
annað okkar fær hugmynd og
við vinnum saman að henni.“
Magnús segir að oft sé það svo
að þau Kolbrún kasti á milli
sín hugmyndum og oftar en
ekki togi hún hann niður úr
skýjunum og bendi á praktíska
hluti sem eru ekki að virka.
Heimasíða
og stærri vélar
Salan á hlutum Gagns, fyritækis
Magnúsar og Kolbrúnar, fer
eingöngu fram í gegnum
heimasíðuna Gagn.is og segist
Magnús forðast að fara með
þá í búðir. „Ef þetta fer í búðir
verður þetta helmingi dýrara.
Búðirnar vilja leggja hressilega
á þetta svo við höfum reynt að
hafa þetta hjá okkur og viljum
líka geta talað við kúnnana og
vita hverjir eru að kaupa og
höfum þá möguleika á að vera á
persónulegum nótum.“
6 46/2017