Bændablaðið - 14.01.2016, Blaðsíða 22

22 Bændablaðið | Fimmtudagur 14. janúar 2016
„Viðtökurnar hafa verið ótrúlega
góðar, Akureyringar og nær-
sveitarmenn hafa tekið okkur
mjög vel,“ segir Guðni Hannes
Guðmundsson, sem ásamt
eiginkonu sinni, Indu Björk
Gunnarsdóttur, opnaði í byrj-
un síðustu viku nýja verslun á
Akureyri. Hún heitir Langabúr og
er við Gránufélagsgötu 4, á bleika
horninu svonefnda.
Þar versla Guðni og Inda með
bæði eigin framleiðslu og eins vörur
frá smáframleiðendum sem m.a.
koma að stórum hluta frá aðilum
innan samtakanna Beint frá býli.
Langaði að læra eitthvað sem
tengdist mat
Guðni Hannes er frá Skógum á
Fellsströnd í Dölum, ólst þar upp og
bjó á búi foreldra sinna, Guðmundar
Jónssonar frá Hallsstöðum, en hann
er látinn og Estherar Kristjánsdóttur
frá Litla Múla. Þau stunduðu bland-
aðan búskap og tók Guðni þátt
í honum til 19 ára aldurs, en for-
eldrar hans brugðu þá búi og fluttu
í Neskaupstað. Þar starfaði Guðni
næstu ár, m.a. hjá Síldarvinnslunni,
bæði til sjós og lands og einnig hjá
Kaupfélaginu á staðnum.
Hann hóf svo störf hjá
Mjólkursamlagi Norðfirðinga og
komst á samning þar, en flutti hann
svo yfir til samlagsins á Akureyri
og lauk verklega hluta námsins þar
í bæ. Bóklega hlutann tók hann í
Danmörku.
„Ég kom svo eftir nám aftur til
Akureyrar og starfaði hjá samlaginu
þar um árabil. Ég var alltaf nokkuð
viss um að ég myndi læra eitthvað
sem tengdist mat eða matargerð, það
kom vissulega fleira til greina en
að gerast mjólkurfræðingur, ég velti
líka fyrir mér að fara í kokkinn eða
gerast bakari, en þetta varð ofan á
og mér líkar starfið vel,“ segir hann.
Ættirnar liggja út í Hrísey og í
Mývatnssveit
Inda er Akureyringur í húð og hár,
en þræðirnir liggja í móðurætt út
í Hrísey og í Mývatnssveit í föð-
urætt, pabbi hennar er fæddur á
Geiteyjarströnd, í þeirri góðu sveit,
og þar átti hún athvarf öll sín æskuár.
Foreldrar hennar voru með landskika
til umráða og höfðu þar hjólhýsi öll
hennar uppvaxtarár og dvöldu að
sumarlagi iðulega í sveitinni.
„Ég naut þess öll mín æskuár að
dvelja í Mývatnssveit, sigla á milli
eyja í vatninu, leggja net og vitja um
þau, tína egg og borða hvönn,“ segir
hún. „Náttúrufegurðin við Mývatn er
ólýsanleg og ég er ótrúlega heppin að
hafa átt því láni að fagna að dvelja
þar stóran hluta af mínu lífi.“
Inda starfar nú sem skólastjóri á
leikskólanum Kiðagili, hún tók þátt
í pólitísku starfi á Akureyri á síð-
asta kjörtímabili, var bæjarfulltrúi
og formaður félagsmálaráðs. Hún
er menntaður leikskólakennari og
hefur m.a. starfað á Siglufirði og um
fjögurra ára skeið í Noregi, hefur
búið á Spáni og á eyjunni Rarotonga,
lítilli eyju í Kyrrahafi.
Langaði að breyta til
Guðni hefur sem fyrr segir starfað
við sitt fag hjá MS-Akureyri til fjölda
ára, en fann fyrir löngun að breyta til
og hafði augastað á ákveðnu verkefni
þegar hann sagði upp starfi sínu á
liðnu sumri. Það frestaðist, svo hann
hóf að leita annarra tækifæra.
„Okkur hafði langað til að setja
upp verslun af þessu tagi og það má
segja að þarna hafi gefist gott færi
á að láta þann draum rætast. Við
fengum lítið og notalegt húsnæði á
góðum stað í bænum til umráða, hér
erum við vel staðsett og áberandi,“
segir hann.
Kennir ýmissa grasa
Í Langabúri kennir margra grasa
og gera má ráð fyrir að sælkerar
fái vatn í munninn við það eitt að
koma inn í verslunina. Guðni og Inda
eru m.a. með nautakjöt frá Garði í
Eyjafjarðarsveit til sölu, ís, egg og
kálfakjöt frá Holtseli í sömu sveit,
geitakjöt frá Syðri-Haga, paprikur
frá Brúnalaug, ferskt og reykt kjöt
frá Hellu í Mývatnssveit sem og
einnig reyktan silung, krydd, sultur,
sveppi og sýróp frá Holt og heið-
ar á Hallormsstað, ýmsar vörur frá
Rjómabúinu Erpsstöðum, eins og ís,
osta, skyr og skyrkonfekt. Þá er salt
frá Saltverk, sælkerasinnep, ber og
blámi til sölu í Langabúri, pylsur frá
Pylsumeistaranum, mysudrykkir og
hvannalamb svo eitthvað sé nefnt.
Kúluskíturinn vinsæll
Guðni er svo sjálfur höfundur að
ostinum Kúluskít. Í ostinum eru m.a.
litlir bitar af reyktum Mývatnssilungi
og honum er velt upp úr dilli. Það
gerir hann í útliti áþekkan nafna
sínum sem lifir á botni Mývatns.
„Þessi ostur hefur átt miklum
vinsældum að fagna, hann er bók-
staflega rifinn út,“ segir Guðni sem
vart hefur undan að framleiða ostinn.
„Við ætlum okkar að skapa
ákveðna sérstöðu og selja Kúluskítinn
aðeins í okkar eigin verslun.“
Guðni fer eina til tvær helgar í
mánuði að Erpsstöðum og sinnir þá
ostagerð af miklu kappi fyrir búið
þar og hefur mjög gaman af.
„Ég á ættingja og vini víða um
land og hef aldrei talið eftir mér að
aka landshorna á milli til að heim-
sækja þá, þetta er ekki neitt mál, bara
gaman,“ segir hann um tíðar ferðir
frá Akureyri og vestur í Dali.
Vöruvalið mun aukast
Guðni kveðst bjartsýnn á framhaldið,
viðtökur fyrstu dagana hafi verið
mjög góðar og greinilegt að bæjar-
búar og þeirra nærsveitungar kunni
að meta góð matvæli.
„Það er ákveðin vakning í sam-
félaginu, margir vilja vita hvaðan sá
matur kemur sem það leggur sér til
munns. Við gerum líka mikið af því
að kynna þau býli og þá framleiðend-
ur sem selja vörur sínar í Langabúri
og reynum á þann hátt að kveikja
áhuga okkar viðskiptavina á viðkom-
andi. Ef til vill munu þeir svo síðar í
ferðum sínum um landið heimsækja
býlin og kynna sér framleiðsluna enn
frekar,“ segir Guðni sem hyggur á
enn frekara vöruúrval þegar fram
líða stundir.
„Það á alveg örugglega eitthvað
eftir að bætast við hjá okkur.“
/MÞÞ
Umsókn um orlofsdvöl
Undirrituð/Undirritaður sækir hér með um:
Umsóknina skal senda fyrir 20. mars nk.
rafrænt á netfangið ho@bondi.is
eða á póstfang Bændasamtaka Íslands:
Bændahöllin v/Hagatorg,
107 Reykjavík, merkt Orlofsdvöl sumarið 201
Sumarið 201
Nafn umsækjanda Kennitala
Heimilisfang Símanúmer
Undirskrift félaga og dagsetning
Póstnúmer og staður
Hefur þú áður fengið úthlutað orlofsdvöl í
sumarhúsi hjá Bændasamtökunum?
Já Nei
Orlofsdvöl að Hólum - Tímabilið:
Orlofsdvöl á Flúðum - Tímabilið:
Hér að neðan er að finna umsóknareyðublað um orlofsdvöl í húsunum að Hólum í
Hjaltadal og á Flúðum, Hrunamannahreppi sumarið 201 . Það gildir fyrir félaga
í búnaðarsamböndum og/eða búgreinafélögum sem eiga aðild að BÍ – Frestur til að
skila inn umsóknum rennur út 20. mars 201 .
Langabúr opnað á bleika horninu á Akureyri:
Ótrúlega góðar viðtökur strax í byrjun
– verslun með sælkeravörur beint frá býlum og smáframleiðendum
Dagmar og Dagur með rómaðan rjómaís frá Erpsstöðum.
Inda Björk og Guðni Hannes með börnum sínum, Dagmar Júlíönu og Degi, í verslun sinni, Langabúri á Akureyri.
Myndir / Elvar Freyr Pálsson
Langabúr er á bleika horninu svonefnda á Akureyri, við Gránufélagsgötu númer 4.