Fréttablaðið - 04.06.2020, Síða 12

Skilnaður
í Bláfelli
Tómas
Guðbjartsson
hjartaskurð-
læknir og
náttúruunnandi
og Ólafur Már
Björnsson
augnlæknir og
ljósmyndari
Efsti hluti Bláfells er klettóttur en hægt er að sneiða fram hjá með því að þræða hrygginn til hægri við hátindinn.
Frá Bláfelli er mikið útsýni í allar áttir. Hér er horft til vesturs að Jarlhettum og Langjökli.
Bláfell séð úr suðvestri við Sandá. Iðulega er snjór efst á fjallinu sem stendur ekki almennilega undir nafni fyrr en síðla sumars. MYNDIR/ÓMB
Bláfell er 1.204 metra hár móbergsstapi á Biskupstungnaafrétti við upphaf hinnar ævafornu hálendisleiðar yfir Kjöl milli Langjökuls og Hofsjökuls. Stærstan hluta ársins er Bláfell snævi þakið og minnir á bráðinn rjómaís, en síðari hluta sumars
tekur blái liturinn völdin þótt snjóskaflar séu áfram
til staðar. Í íslenskum þjóðsögum segir af bergrisa
sem hét Bergþór og hélt til í helli í Bláfelli ásamt konu
sinni Hrefnu. Hann þótti sterkur með af brigðum en
einnig „forspár og margvís“ og „gjörði mönnum ekki
mein ef ekki var gjört á hlut hans“. Hrefna þótti skap-
stór og undi hag sínum þarna illa, sérstaklega eftir að
kristni var tekin upp í landinu en það pirraði hana að
þurfa að horfa af Bláfelli yfir kristna Sunnlendinga.
Samband hennar og Bergþórs endaði með risa-
skilnaði og flutti Hrefna búferlum norður yfir Hvítá á
meðan Bergþór sat sem fastast í Bláfelli. Síðar áttu þau
Hrefna eftir að hittast við silungsveiðar í Hvítárvatni,
en ekki tókst henni að veiða sinn fyrrverandi heim til
sín í Hrefnubúðir.
Það er auðvelt að ganga á Bláfell, en á vorin er
fjallið frábært fyrir fjallaskíði, enda stutt í snjó frá
veginum. Ekið er frá Gullfossi eftir bílvegi sem liggur í
norður og áfram yfir Kjöl. Þegar komið er í 600 m hæð
efst á Bláfellshálsi er nokkurra metra há varða sem
ferðalangar yfir Kjöl hafa búið til með því að kasta
steinum í hana svo lengi sem elstu menn muna. Þarna
má hefja gönguna til austurs en önnur gönguleið á
Bláfell liggur að norðanverðu en er seinfarnari og
brattari. Einfaldari leið, ekki síst fyrir fjallaskíðafólk,
er að leggja bílum aðeins neðar á Bláfellshálsinum
við Illagil. Þaðan er stefnt í austur upp auðfarin gil og
brekkur. Brattinn eykst eftir því sem hærra dregur og
til að komast á hátindinn er fylgt hrygg í norðaustur.
Útsýni af toppnum er frábært, ekki síst í vestur yfir
Langjökul og Jarlhettur, en í norður sjást Kerlingar-
fjöll vel og Hofsjökull en Suðurlandsundir-
lendið með Heklu og Eyjafjallajökli í suðri.
Á góðum degi má einnig sjá Hvannadals-
hnjúk í Öræfajökli en bústaður hins frá-
skilda Bergþórs verður ekki gefinn upp
hér, enda vill hann vera látinn í friði.
4 . J Ú N Í 2 0 2 0 F I M M T U D A G U R12 F R É T T I R ∙ F R É T T A B L A Ð I Ð