Morgunblaðið - Sunnudagur - 09.02.2020, Page 24
þátt í 12 leikjum á vegum Dicken-
bauch – mörgum árum eftir að félagið
var stofnað. „Við rifjum alltaf upp
ákafa hans á lokahófum og alltaf er
jafn mikið hlegið,“ segir Björgvin.
Fjarvera hans þýddi að einn mann
vantaði á fyrstu æfinguna. Svo heppi-
lega vildi til að Björgvin kannaðist við
mann sem bjó í næsta húsi við Ing-
unnarskóla og var hann að vonum
ræstur út. Sá ágæti maður, Benedikt
„Frieden-Bär Littbarski“ Frið-
björnsson, reyndist afbragðsiðkandi
og er í dag leikjahæsti maður í sögu
Dickenbauch, með 616 skráða leiki. Í
meðmælabréfi/Buchstaben stjórnar
með honum segir: „BF Littbarski
(Personalausweis VII 0296539) gekk
til liðs við Dickenbauch Sportverein
GmbH vorið 2007 og hefur allar götur
síðan (alle Straßen dann) staðist þær
væntingar sem gerðar hafa verið til
hans. Strax í upphafi voru hans hæfi-
leikar metnir af stjórn félagsins og
þótti hann úrvals knöttungur. Hans
helstu kostir voru: A. býr nálægt fót-
boltavelli. B. mætir alltaf.“
Frá upphafi hefur verið spilað einu
sinni í viku. „Þetta var ekkert rosa-
lega faglegt til að byrja með en smám
saman tóku hefðir að skapast,“ segir
Björgvin. Í fyrstu voru föst lið, „eða
þangað til Bjöggi fékk nóg af því að
spila með Sigga Häßler, Benna Litt-
barski og Kalla frænda mínum Janc-
ker“, upplýsir Brynjólfur sposkur og
Björgvin staðfestir það. „Gott ef það
kom ekki póstur frá mér með yf-
irskriftinni: Þetta er búið!“
Þeir hlæja.
Á daginn kemur býsna óvænt að
Þýskalandsblætið á sér ekki djúp-
stæðar rætur, heldur er það hrein til-
viljun. „Ég hafði verið í samskiptum
við einhvern Þjóðverja í vinnunni rétt
áður en ég sendi út póst vegna fót-
boltans og í hálfkæringi hafði ég hann
allan á þýsku – og það svöruðu allir á
því tungumáli,“ segir Brynjólfur. Þar
með voru örlögin ráðin.
Nafnið varð þó ekki til fyrr en árið
eftir, 2008. Björgvin og Brynjólfur
fengu sér þá hádegisgöngu einn dag-
inn og þar kom sá fyrrnefndi með
nafnið. Þrátt fyrir gagnsæið hefur
það þó nokkra sérstöðu. „Ég gúglaði
dickenbauch nýlega og fékk 258 þús-
und niðurstöður en engin er með
þetta í einu orði. Alltaf dicken Bauch
– feitur magi,“ segir Björgvin.
Árið 2009 hófst keppni milli aust-
urs og vesturs, Bundesrepublik
Deutschland gegn Deutsche Demo-
kratische Republik og eiga allir leik-
menn sitt hvora treyjuna, hvíta og
bláa, til að klæðast eftir að formlegur
slembidráttur á gólfi hefur farið fram
fyrir hvern leik.
Rísi vafaatriði, sem gerist iðulega,
að sögn þremenninganna, þá greiðir
stjórnin og bara stjórnin úr flækj-
unni. Stjórnin sendir líka reglulega
frá sér pistla, þar sem frammistaða
manna er rifjuð upp og á þeim níðst
eftir atvikum.
Að vonum er hart barist um stiga-
bikarinn. Þegar Elvar Augenthaler
var búinn að vinna þrjú ár í röð og þá
brást stjórnin við með því að breyta
reglunum, forgjöf byggð á Kais-
erstigum. Þetta varð til þess að
Brynjólfur stjórnarmaður stóð uppi
sem sigurvegari og Elvar Augentha-
ler hætti.
Leika á Wollgrass Stadion
Eftir viðkomu í tveimur öðrum skól-
um færði Dickenbauch sig yfir á
gervigras í Sporthúsinu 2012 og frá
því vorið 2015 hefur verið spyrnt í
Fífunni eða Wollgrass Stadion. Tíma-
bilið skiptist í tvær annir, Herbstliga
og Frühlingsliga. Á sumrin safna
menn kröftum.
Alls hafa 137 menn tekið þátt í
leikjum félagsins en virkir félagar í
dag eru 26 talsins, þar af mæta að
jafnaði sextán til tuttugu í hvern
tíma. Ákveðinn kjarni hefur haldið
sér allan tímann og hafa sex leikmenn
rofið 400 leikja múrinn, þeirra á með-
al Björgvin og Brynjólfur. Margir
leikmenn eru með rætur í Kópavogi,
hjá Breiðabliki, HK eða ÍK.
Menn leggja ýmislegt á sig; má þar
nefna þann sem er með besta mæt-
ingu liðsins (96%). Hann kemur hjól-
andi í hvern tíma í öllum veðrum og
hefur lent í ýmsu. Óskar þó nafn-
leyndar.
Í eitt skiptið var leikmaðurinn
næstum horfinn inn í eilífðina þegar
hann hjólaði í skafrenningsbil um
eina af Kópavogsbrekkunum og bíll
rann yfir á öfugan hjólahelming leik-
mannsins andartaki eftir að hann
hjólaði framúr honum. Þá sótti pabbi
gamli leikmanninn einhvern tíma
neðst í Furugrundina, eftir að keðjan
fór tvisvar af hjólinu, til þess að hann
næði í boltann í tæka tíð.
Lokahóf (Abschlussfeier) er haldið
eftir hverja önn, veglegra að vori. Þá
streymir hersingin öll á Cafe Catal-
ínu í Hamraborginni eftir fyrsta tím-
ann í hverjum mánuði. Á lokahófum
eru menn að vonum verðlaunaðir fyr-
ir eitt og annað, svo sem flest töp,
flest sjálfsmörk, grófasti leikmað-
urinn og þar fram eftir götunum. Þá
er gjarnan efnt til spurningakeppni
sem snýr að Þýskalandi, auk þess
sem Björgvin á það til að draga úr
pússi sínu gamalt vorpróf í þýsku en
hann kenndi fagið á sínum tíma í 10.
bekk á Akureyri. Þann gjörning rétt-
lætir stjórnin með hliðarmarkmiði fé-
lagsins sem er útbreiðsla á þýskri
menningu. Leikmenn fá að leysa
prófið í hópum.
153 Eigentor skráð
Skráning á úrslitum hófst haustið
2007 og heldur Brynjólfur af miklum
myndarskap utan um margvíslega
tölfræði. 754 leikir eru skráðir í
gagnagrunn félagsins og í þessum
leikjum eru skráð 9.878 mörk. Skrán-
ingar á „Eigentor“, það er sjálfs-
mörkum, hófust í Herbstliga 2009 og
eru 153 Eigentor skráð frá þeim tíma,
þar af á Stefán Möller 17. Frammi-
stöðu- og myndgreining er lykilatriði
í starfi félagsins en skráð er mæting,
klobbar, meiðsl og annað sem stjórn
þykir sniðugt. Þá er Brynjólfur ekki í
vandræðum með að reikna út
frammistöðu einstakra leikmanna og
ákveðinna leikmanna saman eða
hvors á móti öðrum, svo sem frænda í
hópnum enda metingur gjarnan mik-
ill. „Þar sem stjórnin hefur meira
yndi af því að niðurlægja leikmenn en
hampa þeim þá leggjum við meira
upp úr tapleikjum og sjálfsmörkum
en sigrum og mörkum,“ segir Brynj-
ólfur sposkur.
Dickenbauch Sportverein hefur lít-
ið reynt sig við önnur félög gegnum
tíðina. Þó er gaman að segja frá því á
þessum vettvangi að liðið laut einu
sinni í gras gegn Knattspyrnufélagi
Magnúsar Finnssonar, sem starf-
rækt er hér á Morgunblaðinu, í kapp-
leik á gervigrasi Fram í Safamýri.
Það var að vísu um hásumar og Dick-
enbauchliðar fyrir vikið í lítilli leik-
æfingu. Þá segjast menn einu sinni
hafa leikið „landsleik“, gegn Hval-
fjarðarúrvalinu, Walfjord Fußballve-
rein, en rætur eins liðsmanna liggja
víst þar um slóðir.
Eins og gefur að skilja er keppnis-
ferð til Þýskalands höfuðmarkmið fé-
lagsins en af henni hefur enn ekki
orðið af ýmsum ástæðum. Björgvin
plægði þó akurinn í fyrra. „Félagi
minn býr í München og eftir að ég
sagði honum frá Dickenbauch óskaði
vinkona hans, sem er blaðamaður,
eftir upplýsingum. Ég hef enn ekki
komið mér í að senda þær út,“ segir
hann. Ég bið hann að halda aðeins
lengur í sér; ekki viljum við Mogga-
menn að eitthvert héraðsblað í Bæj-
aralandi skúbbi okkur!
Pétur Eilts einbeittur á ferð með knöttinn. Númer 8 er Níels Jeremies.
Morgunblaðið/Árni Sæberg
Varnarbuffið Rúnar Rummenigge hreinsar
einu sinni sem oftar frá marki, undir pressu
frá Benedikt Frieden-Bär Littbarski. Guð-
mundur Huginn Hummels fylgist með.
24 MORGUNBLAÐIÐ SUNNUDAGUR 9.2. 2020
LÍFSSTÍLL
Hamraborg 10, Kópavogi
Sími: 554 3200 Opið: Virka daga 9.30–18
VERIÐ VELKOMIN
Í SJÓNMÆLINGU
———
Þannig boðaði Brynjólfur til
sparksins á dögunum:
„Kæru samlandar, klukkan er
1600 og allt er klárt fyrir bolta
kvöldsins.
Sautján fastamenn eru skráðir
og Gastspieler kvöldsins er Orri
blaðamaður hjá hinu íslenska
Frankfurter Allgemeine Zeitung.
Athugið að hann tekur með sér
ljósmyndara og því mikilvægt að
menn séu prúðbúnir og klæddir í
einkennisklæðnað félagsins. Það
verður leikið með 9 gegen 9 leik-
aðferð og dráttur á grasinu
stundvíslega kl. 2100. Sein mæt-
ing þýðir Spätpunkt og þurfa
Littbarski, Podolski og Immel
sérstaklega að gæta sín, enda all-
ir komnir með Spätpunkt.
Staðan í keppni í einstaklings-
flokki er þannig að Níels Jere-
mies og Hörður Schlachter-
Brandt eru efstir með 100% ár-
angur (einn sigur úr einum leik)
og neðstir eru Stein Gewicht og
Sverrir Deisler með 0%.
Stjórnin minnir á að í kvöld er
síðasti séns að tryggja sér stig í
keppninni um Mädchen des Mo-
nats fyrir janúar. Útnefning fer
fram á Catalina – best geymda
leyndarmáli Kópavogs – að viku
liðinni.
Þau stórmerkilegu tíðindi
gerðust nú í janúar að Arnfinnur
Jonasz Podolski lék sinn 400. leik
fyrir hönd félagsins. Er hann nú
orðinn sá 5. leikjahæsti í sögu
Dickenbauch Sportverein eftir
að hann tók fram úr Kalla Janc-
ker. Hans sögulega sigurhlutfall
er 48% og söguleg markatala er
-59.
Innilega til hamingju Podolski
og megir þú skora fallegt Eigen-
tor í kvöld til að fagna tilefn-
inu … BÆNG!“
Mætið prúðbúnir!