Morgunblaðið - Sunnudagur - 23.02.2020, Qupperneq 4
Fara stóru strákarnir minnkandi?
Frá því að Meistaradeild Evrópuvar sett á laggirnar árið 1992hafa stóru liðin sex, sem svo
eru nefnd, nær alfarið séð um að
verja heiður Englands í keppninni.
Við erum að tala um Liverpool, Man-
chester United, Manchester City,
Arsenal, Tottenham Hotspur og
Chelsea. Á þessu gæti orðið breyting
næsta vetur.
Liverpool, sem borið hefur höfuð
og herðar yfir önnur lið á Englandi í
vetur, verður að sjálfsögðu á sínum
stað í Meistaradeildinni veturinn
2020-21 en rauði herinn er sem kunn-
ugt er ríkjandi Evrópumeistari. Allt
bendir á hinn bóginn til þess að liðið í
öðru sæti deildarinnar, Manchester
City, verði fjarri góðu gamni en
tveggja ára keppnisbanni í Evrópu
var skellt á þá heiðbláu á dögunum
vegna bókhaldsóreiðu. City hefur
áfrýjað þeim úrskurði en haldi hann
mun fimmta sætið í úrvalsdeildinni
gefa þátttökurétt í Meistaradeildinni.
Þegar tólf umferðir eru óleiknar í
úrvalsdeildinni er Leicester City,
sem leikið hefur vel undir stjórn
Brendans Rodgers í vetur, í góðum
málum í þriðja sætinu, tíu stigum á
undan næsta liði. Allt bendir því til
þess að „Rebbarnir“ verði öðru sinni í
hattinum þegar dregið verður í riðla í
Meistaradeildinni næsta haust en
Leicester varð sem kunnugt er mjög
óvænt enskur meistari í fyrsta og
eina skipti árið 2016.
Tvö af stóru liðunum, Chelsea og
Tottenham, eru sem stendur í fjórða
og fimmta sæti með 41 og 40 stig.
Hvorugt lið hefur þó verið sér-
staklega sannfærandi í vetur og
Chelsea, sem lengi hefur vermt fjórða
sætið, verið að fatast flugið. Er til
dæmis búið að tapa níu leikjum í
deildinni. Eftir afar erfiða byrjun og
þjálfaraskipti hefur Tottenham verið
að mjaka sér upp töfluna en varð fyr-
ir áfalli um liðna helgi þegar einn af
þess marksæknustu mönnum, Suður-
Kóreumaðurinn Heung-min Son,
varð fyrir meiðslum. Fyrir á hnjask-
listanum var markakóngurinn Harry
Kane. Án hans hefur Tottenham að
vísu vegnað ágætlega, bæði í fyrravor
og aftur nú.
Þá komum við að meira framandi
nöfnum í stigatöflunni en Sheffield
United er öllum að óvörum í sjötta
sæti, einu sæti frá þátttökurétti í
Meistaradeildinni, að óbreyttu. Shef-
field United varð enskur meistari í
fyrsta og eina skipti árið 1898, löngu
áður en evrópsk lið fóru að reyna með
sér. Evrópukeppni meistaraliða, for-
veri Meistaradeildarinnar, var sett á
laggirnar 1955.
Það er sturluð staðreynd og ber
hæfileikum knattspyrnustjórans, Chris
Wilders, fagurt vitni að þetta litla félag
sé að anda ofan í hálsmálið á risunum á
Englandi en Sheffield United lék í B-
deildinni í fyrra. Dýrasti leikmaðurinn í
sögu þess, Norðmaðurinn Sander
Berge, kom til liðsins nú í janúar fyrir
22 milljónir sterlingspunda. Svipað verð
og Manchester City greiðir fyrir bol-
tastráka. Segi svona!
Hitt liðið sem á raunhæfa mögu-
leika á því að leika í fyrsta sinn í
Meistaradeild Evrópu næsta vetur er
Wolverhampton Wanderers en Úlf-
arnir eru sem stendur í áttunda sæti,
fjórum stigum á eftir Tottenham.
Þeir eru heldur stærra félag en Shef-
field United, þrefaldir Englands-
meistarar, síðast 1959. Úlfarnir voru
raunar stórveldi á sjötta áratugnum
með menn eins og Billy Wright, fyrr-
verandi fyrirliða enska landsliðsins,
innanborðs en hann varð á sínum
tíma fyrsti maðurinn í heiminum til
að leika 100 landsleiki. Synd væri þó
að segja að risi væri vaknaður, þar
sem Úlfarnir hafa hvergi komið nærri
titlum um áratuga skeið. Eftir gott
gengi á liðinni leiktíð hafa þeir á hinn
bóginn spilað í Evrópudeildinni í vet-
ur og vilja að vonum meira.
Skín sólin á ný?
Á milli Sheffield United og Úlfanna
bíða góðkunningjar Meistaradeild-
arinnar færis, Manchester United, en
þeir Solskjæringar blönduðu sér af
fullum þunga í baráttuna með góðum
Úlfarnir stefna á upphækkun úr Evrópudeildinni í Meistaradeildina.
AFP
Liverpool er vel og
innilega úr augsýn á
toppnum en útlit er fyr-
ir harða baráttu um hin
Meistaradeildarsætin
þrjú á lokasprettinum í
ensku úrvalsdeildinni.
Og nýir og framandi
klúbbar knýja dyra.
Orri Páll Ormarsson orri@mbl.is
Það yrði fáheyrt afrek kæmist Sheffield United í Meistaradeildina.
AFP
útisigri á Chelsea á mánudags-
kvöldið. Hafa 38 stig, aðeins tveimur
minna en Tottenham.
Þess má geta að Chelsea og Tott-
enham mætast um helgina meðan
Sheffield United á heimaleik gegn
Brighton, Úlfarnir taka á móti botn-
liði Norwich og Manchester United
fær næstneðsta liðið, Watford, í
heimsókn í Leikhús draumanna.
Svo undarlega er deildin að spilast að
ekki er hægt að afskrifa liðin í níunda
og tíunda sæti, Everton og Arsenal, en
þau mætast einmitt um helgina. Þeir
karmellungar hafa verið á siglingu und-
ir stjórn Carlos Ancelottis og eru jafnir
Úlfunum að stigum. Everton er auðvit-
að sögufrægur klúbbur, nífaldur Eng-
landsmeistari, en hefur lengi verið í
hálfgerðu móki. Komst þó hér um bil í
Meistaradeildina fyrir fimmtán árum
en tapaði sem frægt er fyrir Villarreal
frá Spáni í umspili um haustið.
Arsenal er sex stigum frá Meist-
aradeildarsæti en um tveggja ára-
tuga skeið var liðið í fastri áskrift að
sæti í keppninni undir stjórn Arsènes
Wengers. Er nú á sínu þriðja ári í
Evrópudeildinni.
En sumsé. Þótt spennan á toppn-
um sé engin er allt opið hvað næstu
sæti varðar.
Frá því að Meistaradeild Evrópu
var komið á fót árið 1992 hefur
Manchester United oftast verið
fulltrúi Englands í keppninni, 22
sinnum í það heila.
Arsenal kemur næst með
nítján skipti, síðan Chelsea sex-
tán sinnum. Liverpool leikur nú
í tólfta sinn í Meistaradeildinni
og Manchester City í níunda
skipti.
Tottenham Hotspur hefur
sjaldnast stórliðanna verið í
Meistaradeildinni, eða í fimm
skipti, en liðið lék til úrslita í
keppninni í fyrra.
Fjögur önnur félög hafa varið
heiður Englands í Meistara-
deildinni; Leeds United í tví-
gang, þar af fyrsta veturinn, og
Blackburn Rovers, Newcastle
United og Leicester City einu
sinni hvert félag.
Hver veit nema eitt, jafnvel
tvö ný nöfn bætist á þennan
lista næsta haust?
United oftast tekið þátt
HEIMURINN
4 MORGUNBLAÐIÐ SUNNUDAGUR 23.2. 2020
„Kristbjörg Kjeld vann
beinlínis leiksigur“
„Hló og grét og
hló svo meira“
— tryggðu þér miða
borgarleikhus.isEFTIR MARÍU REYNDAL