Austri - 25.02.1983, Blaðsíða 4
Hvað
varðar mig
um
þjóðarhag?
í blaðinu Austurland 3. þ.m. er
grein er ber fyrirsögnina: „For-
sendur róttækra úrbóta í vega-
málum." Greinin fjallar um vega-
mál á Austurlandi og er skrifuð
af varaþingmanni, Sveini Jóns-
syni. Þykir Sveini sem öðrum
Austfirðingum þar umbóta þörf.
Við lestur greinarinnar tókst
mér ekki að finna forsendur
hinna róttæku umbóta, sem
bent er til í fyrirsögninni. En þrjú
atriði eru fram talin þar sem
umbótaþörfin sé brýnust.
Þar er fyrst að nefna umbætur
á nokkrum ónefndum köflum á
hringveginum. Sjálfsagt gott og
nauðsynlegt.
Næst er vegur um Hellilheiði,
milli Héraðs og Vopnafjarðar,
sem fær væri allt árið. Gagnleg
vegagerð það, en mjög dýr yrði
hún miðað við umferðina. Varla
kæmi annað þar til greina en
jarðgöng.
Loks er svc fram talin nauð-
syn á að hafist verði handa um
gerð og undirbúning jarð-
gangagerðar milli Norðfjarðar
og Seyðisfjarðar um Mjóafjörð til
Héraðs. Hugmynd að gangna-
gerð þessari á Logi, bæjarstjóri
í Neskaupstað, en stéttarbróðir
hans á Seyðisfirði hefir þó bætt
um hugmynd Loga og stutt hana
dyggilega og jafnvel þing S.S.A.
á Egilsstöðum í haust mun og
hafa lýst ánægju sinni yfir henni.
Ég vorkenni Sveini, ef hann
ætlar sér að afla sér atkvæða við
næstu kosningar, með stuðningi
við jarðgangagerð þessa. Ég
fæ ekki betur séð, en hún yrði
hemill á nauðsynlegar umbætur
í vegamálum fjórðungsins, ef
farið væri að verja til hennar fé
nú. Sem beturfertel ég ekki líkur
á að til þess komi, því að
ráðamenn vegamála munu telja
flest annað nauðsynlegt í vega-
málum þjóðarinnar.
Þegar ég heyri eða sé menn
lýsa stuðningi sínum við þessa
fáránlegu vegabót detta mér í
hug landfleyg orð sem fyrir mörg-
um árum voru höfð eftir þekktum
Siglfirðingi, en þau eru þessi:
„Hvað varðar mig um þjóðar-
hag?“ Hvað varðar ykkur stuðn-
ingsmenn þessarar hugmyndar
um þjóðarhag, finnst mér á-
stæða til að spyrja.
Neskaupstað 7. febr. 1983
Eyþór Þórðarson.
Til sölu Lada
sport ekinn
50.000 km. í
góðu lagi.
Uppl. í síma
5366 og 5166
Hjartanlegar kveðjur til
allra vina minna og
kunningja sem glöddu
mig með heimsóknum
og gjöfum á níræðis-
afmæli mínu.
Guð blessi ykkur öll.
Stefán Ólason.
Einbýlishús til sölu
Til sölu er einbýlishús á Höfn, Hornafirði. Til
greina koma skipti á einbýlishúsi eða íbúð á
Egilsstöðum.
Upplýsingar í síma 8349 Höfn og 1237 Egilsstöð-
um.
í stuttu máli
Mannfjöldi á Austurlandi
Nýlega bárust blaðinu tölur um mannfjölda á Austurlandi
sem S.S.A. hefur tekið saman. Þar kemur fram að nú gætir
stöðnunar í fólksfjölgun á Austurlandi.
Þann 1. des. 1982 voru íbúar Austurlandskjördæmis 13.050
og hafði fjölgað um 110 eða 0.85%. í Norður-Múlasýslu
fækkaði um 0.5%, í Suður-Múlasýslu fjölgaði um 1.3%, í
Austur-Skaftafellssýslu um 2^2%. Á Seyðisfirði fjölgaði um
1.3%, á Neskaupstað fækkaði um 1.2% og á Eskifirði fjölgaði
um 1.8%.
Það kemur einnig fram í skýrslunni að tilflutningur verður
innan þess og fer fólki fækkandi í sveitahreppunum en fjölgar
í þéttbýlinu.
Vegaáætlun
Tillaga til þingsályktunar um vegagerð 1983 - 1986 hefur
verið lögð fyrir Alþingi ásamt tillögu um langtímaáætlun í
vegagerð. Samkvæmt tillögunni skal á árinu 1983 verja 2,2%
af vergri þjóðarframleiðslu til vegagerðar, árið 1984 2,3% og
1985 - 1994 2,4%. Langtímaáætlun skal endurskoða á 4 ára
fresti.
Áætlun um fjáröflun 1983 er þannig:
1. Bensíngjala .................................. 453 millj.
2. Þungaskattur ................................. 180 millj.
3. Veggjald ..................................... 125 millj.
4. Ríkisframlag.................................. 20.4 millj.
5. Lausfjáröflun .............................. 193.6 millj.
6. Sérstök lausfjáröflun til óvega ............... 51 millj.
Útgjöld skiptast þannig í stórum dráttum.
1 Stjórn og undirbúningur framkvæmda ........... 52.2 millj.
2. Viðhald þjóðvega ......................... 382.6 millj.
3. Til nýrra þjóðvega ........................... 384 millj.
4. Til brúargerða ................................ 35 millj.
5. Til fjallvega ............................... 12.2 millj.
6. Til sýsluvega................................. 27.8 millj.
7. Til vega í kaupstöðum og kaupt................ 68.0 milij.
8. Til vélakaupa og áhaldak. og tilrauna ....... 10.2 millj.
Alþingi mun nú fjalla um vegaáætlun þann tíma sem eftir er
til þingloka og um skiptingu fjármagns á einstök verkefni og
skiptingu milli landshluta.
kynnir sérstök tilboð
1. - 18. mars
Sérstakur afsláttur á teppum, reið-
hjólum og öllum handverkfærum í
járnvörudeild.
Sérstök tilboð á öllum rafmagns-
tækjum í búsáhaldadeild.
Komið eða hringið og kynnið ykkur
afslátt og greiðsluskilmála.
Verið velkomin.
Kaupfélag Austur-Skaftfellinga
Pípulagnir
Tek að mér nýlagnir og viðgerðir.
Sævar Benediktsson pípulagningarmeistarí
Egilsstöðum Sími 1612
Egilsstöðum, 25. febrúar 1983. 8. tölublað
Nv heilsugæslustöð á
Fáskrúðsfírði
Hið nýja hús heilsugæslustöðvarinnar.
Sunnudaginn 20. febrúar var
formlega opnuð ný heilsugæslu-
stöð á Fáskrúðsfirði. Hér er um
að ræða H1 stöð, sem þýðireinn
heilsugæslulæknir ásamt fjórum
starfsmönnum öðrum.
Framkvæmdir við stöðina hóf-
ust árið 1979. Arkitekt er Jens
Einar Þorsteinsson. Verktaki við
fyrsta áfanga var Þröstur Júlíus-
son. Við innréttingar og frágang
unnu verktakarnir Lars og Sæ-
var. Stöðin er 360 ferm. að
stærð og er þar meðtalin lítil
íbúð til afnota fyrir sérfræðinga
og aðra þá sem að stöðinni
koma og vinna í stuttan tíma.
Athöfnin hófst með því að Sig-
urður Guðmundsson sveitar-
stjóri ávarpaði gesti og bauð þá
velkomna. Þá tók til máls Aðal-
heiður Magnúsdóttir og afhenti
hún gjöf frá krabbameinsfélag-
inu. En á síðastliðnu sumri söfn-
uðu félagar krabbameinsfélags-
ins innan Fáskrúðsfjarðar-
læknishéraðs fé til tækjakaupa
sem í dag eru kr. 70.000.
Einar Guðmundsson heilsu-
gæslulæknir rakti sögu heilsu-
gæslumála á Fáskrúðsfirði og
lýsti húsakynnum stöðvarinnar.
Þá gat hann þess að fleiri líknar-
félög á Fáskrúðsfirði hefðu gefið
fé til tækjakaupa fyrir stöðina og
væru þau ýmist komin eða í
pöntun.
Að lokum tók til máls séra
Þorleifur Kristmundsson sóknar-
prestur á Kolfreyjustað og hafði
hann stutta helgistund þar sem
Einar Guðmundsson heiisu-
gæslulæknir Fáskrúðsfirði á-
samt starfsfólki og gestum.
hann blessaði starf heilsugæslu-
stöðvarinnar. Sigurður sveitar-
stjóri bauð síðan gestum til
kaffidrykkju í grunnskóla staðar-
ins og lét þess þar getið að það
væri von sín að sem fyrst yrði
hægt að fá annann lækni að
stöðinni til að þetta gæti orðið H2
heilsugæslustöð.
Um kaffiveitingarnar í grunn-
skólanum sáu aðilar sem eru að
safna fé til byggingar íbúða fyrir
aldraða. Með tilkomu þessarar
nýju stöðvar er stigið stórt skref
í framfaraátt í heilsugæslumál-
um Fáskrúðsfjarðarlæknishér-
aðs. En þó dugir ekki húsið eitt,
vegna þess að þó mikið sé
komið af tækjum vantar enn
nokkuð á að viðunandi geti talist.
Á Fáskruðsfirði eru staðsettir
tveir sjúkrabílar sem eru reknir
af þrem áhugamannafélögum á
staðnum það er að segja tveim
deildum úr Slysavarnarfélagi ís-
lands og Rauðakrossdeild Fá-
skrúðsfjarðar.
Fjölmennt var við vígsluna.