Austri - 07.10.1993, Blaðsíða 8

Óbreytt áætlun til Reykjavíkur
frá Egilsstöðum.
Kl. 14:30 á mánud., miðvikud. og föstud.
Kl. 15:25 á þriðjud. og fimmtud. Kl. 15:55 á sunnud. Islandsflug
Alla daga frá Reykjavík kl. 13:00 nema laugard. Umboðið Egilsstöðum, sími 12333
Skrifstofuhjálp
Sími 97-41441
* Eldhús- og baðinnréttingar Trésmiðja
* Fataskápar Guðna J. Pórarinssonar
^ Útihurðir o.fl. Másseli sími 11093
Vopnafjörður
Dilkar með vænsta
móti
Hjá Sláturfélagi Vopnfirðinga
hófst slátrun 20. september og er
reiknað með að henni Ijúki 22.
október. Slátrað verður rúmlega
tólf þúsund fjár sem er um eitt þús-
und færra en í fyrra, en í Vopna-
firði hefur sláturfé farið fækkandi
ár frá ári. Að sögn Hjálmars Björg-
úlfssonar, sláturhússtjóra, vinna við
slátrunina 45 manns en slátrað er
540 kindum á dag. Vel gekk að fá
fólk til starfa og kemur það flest úr
sveitinni. Vegna hins góða veður-
fars í haust eftir kalt sumar hefur
féð verið á beit í nýgræðingi fram
að þessu og er því mjög vel á sig
komið en helst til of feitt, sem
kemur niður á flokkuninni. Meðal-
vigt er rétt rúm 16 kíló og vænsti
dilkurinn sem lagður hefur verið
inn til þessa ( 4. október) vó 27,4
kfló. AÞ
Tekið til höndunum við fláninguna. Austramynd AÞ
Slæm umgengni í
skálanum við
Snæfell
Slæm umgengni hefur verið
við Snæfellskála í haust. Sorp
hefur verið skilið eftir bæði inni
og úti við skálann. Mikil umferð
hefur verið við Snæfell frá því
að skálavörslu lauk í haust, en
Ferðafélag Fljótsdalshéraðs á
skálann þar.
Að sögn Þórhalls Þorsteins-
sonar, formanns félagsins hefur
skálinn talsvert verið notaður í
haust og þá sérstaklega af hrein-
dýraveiðimönnum, án þess að
greitt hafi verið fyrir aðstöðu.
“Hreindýraeftirlitsmenn sem
koma nteð veiðimenn inn á há-
lendið eiga að sjá til þess að
þeirra menn greiði gistigjöld og
gangi vel um í þeim skálurn sem
þeir nota í veiðiferðum og að sorp
sé tekið til byggða” segir Þórhall-
ur, hann vill þó taka fram að um-
gengni sumra veiðimanna hafi
verið til fyrirmyndar.
Þórhallur vill að lokum ítreka
það að þeir sem ferðast um há-
lendið taki með sér allt sorp til
byggða en skilji það ekki eftir við
fjallaskála eða á víðavangi.
MM
Sameiginlegt fótboltalið á
Eskifírði og Reyðarfirði
næsta sumar
Nýlega, á sameiginlegum félags-
fundi, gerðu ungmennafélagið Val-
ur á Reyðarfirði og ungmennafé-
lagið Austri á Eskifirði með sér
samkomulag um að senda sameig-
inlegt lið í meistaraflokki karla í 4.
deild knattspyrnu. Að sögn Sigur-
jóns Baldurssonat, formanns Vals,
er stefnt að því að spila sameigin-
lega næstu þrjú keppnistímabil þar
sem talið var að dæmið gæti ekki
gengið upp á einu ári, heldur yrði
að reyna þetta í þrjú ár en þó með
endurskoðun á hverju ári. Var það
samþykkt með öllum greiddum at-
kvæðum. Var samþykkt að spila
undir heitinu Knattspyrnubandalag
Vals og Austra, skammstafað
KVA. Með þessu væri ekki verið
að stofna nýtt félag þar sem starf-
semi yrði óbreytt í yngri flokkun-
um. Fótboltaæfingar verða eftir
aðstæðum ýmist á Reyðarfirði eða
á Eskifirði. Heimaleikjum verður
skipt jafnt á milli staðanna. Meist-
araflokkar kvenna í 2. deild hafa
spilað sameiginlega undanfarið.
Sigurjón sagði ávinninginn þann
með þessu að hægt verður að koma
fram með sterkt lið, svo yrði fjár-
hagsdæmið ekki eins mikið og til
að ná góðum árangri yrði að hafa
hópinn stærri.
MM
Kínverskir hljómleikar
Nú fyrstu dagana í október ber
að garði okkar Austfirðinga kær-
komna gesti frá fjarlægri heims-
álfu. Fimm manna kínversk hljóm-
sveit heldur tónleika í Egilsstaða-
kirkju mánudagskvöldið 11. okt.
n.k. kl. 20:30. Hljómsveitin er hér á
ferð t tilefni fjörutíu ára afmælis
menningartengsla Islands og Kína.
Flutt verður eingöngu kínversk al-
þýðutónlist sem leikin verður á kín-
versk hljóðfæri. Full ástæða er til
að vekja athygli fólks á þessari
merkilegu og sérstæðu heimsókn
og því tækifæri sem býðst til að
hlusta á þessa ágætu listamenn,
sem hér eru á ferð og skyggnast um
leið inn í menningarheim framandi
þjóðar. Auk þess að leika hér á Eg-
ilsstöðum verður hljómsveitin með
hljómleika á Akureyri, Isafirði og í
Reykjavík. Verði aðgöngumiða
verður mjög í hóf stillt eða 500
krónur.
Eingöngu verður leikin kínversk alþýðutónlist á þarlend hljóðfœri.
KURL
Fyrir nokkru olli fjaðrafoki £ fjöl-
miðlum lax sem veiddist vestur á
fjörðum, troðfullur af þorskseiðum.
Laxinn var merktur og reyndist að
sögn Vestfirska fréttablaðsins eign
Orra Vigfússonar "laxaföður”. í til-
efni af þessum atburði barst eftirfar-
andi vísa inn á borð kurlritara.
Arans laxinn etur þorsk
af því fregnir greina,
þar af glottir þjóðin sposk
því er ekki að leyna.
Sameining sveitarfélaga er nú of-
arlega á baugi og víða tekið á mál-
inu í fjölmiðlum um þessar mundir.
í blaðinu Borgfirðingi sem gefið er
út í Borgamesi var fyrir nokkru haft
eftir ónefndum Norðdælingi að ekki
kæmi til greina að Norðurárdals-
hreppur sameinaðist nokkm sveitar-
félagi nema Reykjavík, þar sem þeir
hefðu innan sinnar sveitar eins og
Reykvíkingar bæði háskóla og lax-
veiðiá. Til skýringar má þess geta
að um Norðurárdal rennur gjöf-
ulasta laxveiðiáin á þessu sumri,
Norðurá og í hreppnum er Sam-
vinnuháskólinn að Bifröst.
Þjóðarréttir eins og svið og slátur
hafa á þessu hausti lítið verið til
umræðu með þjóðinni: í staðinn
hefur hún beðið með sultardropa á
nefi eftir að fá að taka þátt í skinku
og kalkúnalæraveislu Jóns Bald-
vins. A nokkrum stöðum á landinu
var frestað göngum að sagt var
vegna góðrar haustveðráttu. En
kurlritara býður í grun að það hafi
verið yfirvarp, en bændur fram á
síðasta dag gert sér vonir um að inn-
flutningsmálin leystust og að
blessuð skinkan og kalkúnakríkam-
ir enduðu að lokum á borðum lands-
manna og þar með í mal gangna-
manna. Sagt er að slík fæða fari
einkar vel í maga og sé því mun
hollari brattgengum smölum, heldur
en það spikfeita hangihjöt sem til
þessa hefur þótt sjálfsagður kostur í
göngum. Þá hefur þessi margumtal-
aði innflutningur verið vatn á myllu
skáldanna, eins og eftirfarandi limra
eftir Guðbjart Össurarson sem birt-
ist í 33. tölublaði Eystrahoms sýnir:
Stundum í stjómmálagjótum
er starfað á margskonar nótum.
Þó stjómin sé veik
stendur hún keik
á forláta kalkúnafótum.

|rr | Litmynda
^ Cjósritun
Hentar til að taka eftir gömlum Ijósmyndum og
slidesmyndum. Stœkkum myndir í lit og svarthvítu.Fjölföldum
litmyndir í A4 og A3 stœrðum á pappír og glœrur.
Litljósritum myndir til þess að setja á boli.
Umboðsmenn á Austurlandi:
Bókaverslun Brynjars, Neskaupstaö,
Shell-skálinn, Eskifirði, Kaupfélagiö Djúpavogi,
Lykill, Reyðarfirði, Kaupfélagíð Breiðdalsvík,
Söluskáli Stefáns Jónssonar, Fáskrúðsfirði,
Kaupfélagiö Stöðvarfirði,
Bókaverslun AB og ES, Seyðisfirði,
Hótel Tangi, Vopnafirði.
Framköllunar- V.
þjónusta! y)
HRAÐ mytiá
Miðvangi 2-4, Egilsstöðum, sími 11777
Opið á laugardögum til kl. 14:00