Austri - 24.11.1994, Blaðsíða 4

4
AUSTRI
Egilsstöðum, 24. nóvember 1994.
t Minning
Sveinn Guðmundsson
Fæddur 5. september 1941
Dáinn 12. nóvember 1994
I okkar stóra landi, þar sem nátt-
úran heillar , er ekki óalgengt að
við heyrum í útvarpinu að maður sé
týndur og leit sér hafin. Við
hrökkvum öll við og þá sérstaklega
í litlum byggðarlögum, þar sem
nálgæðin er mikil og flestir þekkj-
ast. Þannig fór fyrir mörgum sl.
laugardagskvöld þegar byrjað var
að leita að Sveini Guðmundssyni.
En menn halda í vonina og þá er
gott að vita af því að hundruð
manna um allt land eru í viðbragðs-
stöðu til að bregðast við slíkum að-
stæðum. Ekkert land getur státað af
öðrum eins fjölda sjálfboðaliða,
sem eru tilbúnir til að leggja sig
fram við hvaða skilyrði sem er. í
þetta skipti bárust sorgartíðindi og
eins og oft áður gerðist hið óvænta
að maður á besta aldri fannst látinn.
Það er orðið langt síðan ég
kynntist Sveini. Hann vakti fyrst
athygli mína þegar hann vann hjá
Búnaðarbanka íslands á Egilsstöð-
um og er hann hóf að byggja upp
nýbýli í Jökulsárhlíð í landi for-
eldra sinna, sem bjuggu á Hrafna-
björgum. Nýbýlið Selland blasti
við frá veginum í Heiðarendanum
og stóð þar sem ljóslifandi dæmi
um bjartsýni ungs manns, sem
hafði trú á íslenskum landbúnaði.
Þarna byggði hann upp myndarlegt
heimili ásamt fjölskyldu sinni og
vegnaði þar vel. Sveinn var einn af
þessum mönnum sem allir sóttust
eftir til félagsstarfa og hann var
boðinn og búinn til að taka þátt í
sameiginlegum viðfangsefnum
samfélagsins. Hann gegndi fjölda
trúnaðarstarfa innan landbúnaðar-
ins. Hann stundaði kennslu og tók
virkan þátt í störfum Framsóknar-
flokksins. Hann sat í miðstjórn og
var á framboðslista flokksins til al-
þingiskosninga og lagði sig mjög
fram í kosningabaráttunni. Hann
hafði yfirgripsmikla þekkingu á
landbúnaðarmálum og það var eng-
in hálfvelgja í máli hans þegar
hann lýsti skoðunum sínum.
Það hefur alltaf verið góður
samgangur á milli fólks í Jökulsár-
hlíð og Vopnafirði þótt samgöng-
umar hafi ekki alltaf verði upp á
það besta. Vopnfirðingar sóttust
eftir Sveini til að gegna sveitar-
stjórastarfi þar og þá kynntist ég
Sveini best. Hann var afskaplega
þægilegur samstarfsmaður, skap-
góður og glettinn og setti mál sitt
fram með skýrum hætti. Það gat
líka verið þungt í honum, ef honum
fannst ekki ganga nægilega vel og
lítill skilningur vera fyrir hendi, þá
fékk maður að heyra álit hans um-
búðalaust og af mikilli hreinskilni.
Undir bjó góður hugur og um-
hyggja fyrir þeim sem hann var að
starfa fyrir.
Eg vil fyrir hönd Framsóknar-
flokksins þakka Sveini öll störfin
og góðu stundirnar. Við höfum
misst góðan dreng sem við sökn-
um. Söknuður ástvinanna er sárast-
ur og ég votta eiginkonu hans,
bömum og öðmm vandamönnum
mína dýpstu samúð og veit að góð-
ur Guð mun styrkja þau í harmi
sínum.
Halldór Ásgrímsson
Við dauðlegir menn vitum það
eitt um framtíðina, að eitt sinn skal
hver deyja. Þrátt fyrir þetta erum
við ætíð óviðbúnir þessum gesti og
ekki síst á það við þegar hann
kveður á dyr, og er snemma á ferð-
inni.
Ég var staddur í annarri heims-
álfu þegar mér var sýnt fréttaskeyti
að heiman þar sem sagt var að
Sveinn Guðmundsson væri Iátinn.
Mig setti hljóðan og hugurinn leit-
aði heim.
Tíðindi sem þessi kalla fram
minningar, ég fór að hugsa til baka
til þeirra ára sem ég kom austur á
Hérað og hitti þar fyrir nokkra jafn-
aldra sem svo mál kalla þótt eitt til
tvö ár skildu á milli. Sveinn var
einn af þeim. Hann var hress og
starfsamur, hafði lokið námi úr
Samvinnuskólanum, og féll vel inn
í það samfélag sem var á Egilsstöð-
um þá. Hugur hans stóð hins vegar
til að gerast bóndi og byggja upp
nýbýli í sinni heimasveit. Það gerði
hann og var löngum kenndur við
Selland. Hann gerðist forystumaður
í bændastétt, og dró ekki af sér í fé-
lagsmálum, þótt ærið starf væri að
byggja upp frá grunni, og ryðja
land og reisa hús.
Leiðir okkar lágu saman hjá
Kaupfélagi Héraðsbúa. Hann var
stjórnarmaður þar um árabil, og er
mér ljúft og skylt að þakka honum
fyrir störf þar. Hann vildi félaginu
vel og lagði gott til mála.
Þar kom að Sveinn brá búi og
fluttist til Vopnafjarðar og gerðist
þar sveitarstjóri. Ég kynntist þá
sem þingmaður erindisrekstri hans
fyrir sitt sveitarfélag. Hann var
málafylgjumaður, það fundum við
vel, og hafði mikil áhrif á sveitar-
stjómarvettvanginum.
Framsóknarflokknum fylgdi
Sveinn ávallt heim að málum, og
vil ég þakka öll þau samskipti að
leiðarlokum, og nú síðast í flokks-
starfinu á Egilsstöðum, hann var á
þeim vettvangi hreinskilinn og
ráðagóður.
Það er einkennilegt tómarúm
sem myndast þegar menn falla frá
langt fyrir aldur fram, þegar þess er
síst vænst. Sárastur er þó missirinn
nánustu aðstandendum. Við Mar-
grét sendum Sæunni og bömunum
innilegar samúðarkveðjur.
Jón Kristjánsson
f Minning
Ingvi Rafn Albertsson
Ingvi Rafn Albertsson, skip-
stjóri á Eskifirði lést á sjúkrahúsi
í Reykjavík 9.nóvember sl. 55 ára
að aldri.
Ingvi Rafn fæddist á Eskifirði
13. ágúst 1939. Foreldrar hans
voru Hrefna Björgvinsdóttir og
Albert Aslen, en hann ólst upp
hjá móðurforeldrum sínum
Björgvini Guðmundssyni og Sig-
urveigu Kristjánsdóttur. Ingvi
Rafn var tengdur sjónum alla tíð.
Hann fór ungur til sjós og eftir
að hafa klárað Stýrimannaskól-
ann varð hann fyrst stýrimaður á
Blika og síðar skipstjóri á
Hólmanesinu, aðeins 24 ára gam-
all. I mörg ár átti hann Seley SU
sem hann gerði út ásamt fleirum.
Síðustu árin starfaði Ingvi sem
veiðieftirlitsmaður og sfldarskip-
stjóri á haustin. Ingvi Rafn
kvæntist árið 1960 Maríu Hjálm-
arsdóttur og áttu þau fjögur
börn.
Kveðja frá Félagi hjartasjúk-
linga á Austurlandi
Laugardaginn 22. október s.l. var
haldinn á Reyðarfirði stjómarfund-
ur í Félagi hjartasjúklinga á Austur-
landi. Og eitt er víst, að ekkert okk-
ar gmnaði að það yrðu okkar síð-
ustu samfundir við formanninn
okkar, hann Ingva Rafn. Hann,
sem alltaf var allra manna hressast-
ur, óvílinn, hreinskilinn og talaði
tæpitungulaust um málefnin hverju
sinni. Við vissum vel að heilsa
hans mætti vera betri, en í ágúst
hafði hann þó verið á sjónum, þar
sem hans starfsvettvangur var að
mestu frá 15 ára aldri. Eftir hjarta-
aðgerð í London haustið 1983 gekk
hann í nýstofnuð Landssamtök
hjartasjúklinga og síðan Félag
hjartasjúklinga á Austurlandi, sem
stofnað var 29. september 1990.
Þar var hann í stjórn frá upphafi og
formaður frá 1992. Fyrir hönd fé-
lagsins sat hann öll landsþingin,
einnig landsþing S.I.B.S. eftir að
LHS varð aðili að þeim samtökum.
Á þingunum og öllum okkar fund-
um var hann ötull talsmaður jafn-
réttis til handa sjúklingum óháð bú-
setu og var þjónusta sérfræðinga og
þjálfunarmálin þar jafnan efst á
blaði. Hann lagði mikla áherslu á
að fá hæfa fyrirlesara á fundi okkur
til fróðleiks og uppörvunar. Hann
vissi líka vel, að ekkert gerist af
sjálfu sér og við þyrftum því sjálf
að leggja nokkuð af mörkum.
Svæði félagsins okkar er stórt og
við þekkjumst því fremur lítið. En í
starfi sínu síðustu ár ferðaðist Ingvi
mikið um Austurland og hitti
marga, m.a. okkar félaga og í hans
anda reynum við að þjappa okkur
saman og vinna að málefnum allra
hjartasjúklinga. Hann var gæfu-
maður í starfi og einkalífi, giftur
góðri og traustri konu, Maríu
Hjálmarsdóttur, átti mannvænleg
börn, tengdabörn og barnabörn.
Þeim öllum ásamt móður hans,
tengdamóður og öðrum ástvinum
vottum við dýpstu samúð.
Góður vinur og félagi er genginn
og okkur finnst hann hafi farið
alltof fljótt.
Við eru þakklát fyrir samfylgd-
ina. Guð blessi minningu Ingva
Rafns Albertssonar.
Islandsfluff SÝNING
Kynnið ykkur hótel- og bílaleigupakkana. Willem
umBorgarfjörð Vatnslitir
Óéýr fmrgjjðM Jfrá kr 7900 Opið 26. og 27. nóv. frá kl. 14 - 19.
Umboð á Egilsstöðum: Blómabær, sími-12333 VERIÐ VELKOMIN
Umboð á Neskaupsstað: Tröllanaust, sími-71444 Tjarnarbraut 1, Egilsstöðum
Hér að ofan má sjá einn af leik-
urunum í sýningu Leikfélags
Fljótsdalshéraðs “Hér stóð bær”
sem verið er að sýna um þessar
mundir í Hótel Valaskjálf. Örn
Ragnarsson á Eiðum tók þessa
mynd af ráðskonuálftinni Guddu í
Gröf og greip hana þar með við þá
fomu þjóðaríþrótt “að liggja á
hleri” og eins og sjá má veit hún
upp á sig skömmina.
Sýningin hefúr fengið alveg
frábærar móttökur og var td. upp-
selt á allar sýningarnar um sl.
helgi. Dæmi em þess að sumir fari
oftar en einu sinni til að sjá sýn-
inguna.
-sd-
Veðrið hefur leikið við okkur Austfirðinga á þessu
hausti og hægt hefur verið að vinna^að ýmsum fram-
kvæmdum úti við sem sumar væri. í Fellabæ var fyrir
nokkrum dögum verið að vinna að gangstéttagerð í
brekkunni niður að Lagarfljótsbrúnni. Ungi maðurinn á
myndinni heitir Arni Oddsson.
Austramynd AÞ