Austri - 15.01.1998, Síða 7

Egilsstöðum, -15. janúar 1998.
AUSTRI
7
Annað opið bréf til Egilsstaðabúa um málefni unglinga
Hverning líta þeir sjálfír á málið?
Kæru lesendur!
Við héma í félagsmiðstöðinni Ný-
ung á Egilsstöðum vorum ekki allt
of hrifin af grein sem birt var í blað-
inu um daginn. Þó finnst okkur
ánægjulegt að loksins skulu hjólin
farin að snúast um þau málefni sem
okkur varðar. Finnum við okkur því
knúin til þess að halda umræðunni á
lífi og viljum við fá tækifæri til að
lýsa okkar skoðun.
Það sem okkur finnst sárast er að
í greininni er ekki litið á okkur sem
manneskjur heldur markaðshóp og
kom það eins og högg í andlitið að
kannski þyrfti að fara að kalla okkur
„utangarðsmenn.“ Auðvitað hafa
sum okkar ekki hagað sér eins og
best væri á kosið en okkur finnst
ekki rétt að eingöngu sé litið á okk-
ar verstu hliðar og við séum öll sett
undir sama hatt. Unglingar gera ým-
islegt gott en það er eins og það sé
aldrei metið við okkur. Við teljum
að fyrsta skrefið í átt að betra sam-
starfi ungmenna, lögreglu og full-
orðinna sé umturnun á hugarfari
ALLRA bæjarbúa. Við erum ekki
vond í gegn.
Eru reykingar að aukast meðal
unglinga?
Spurt er í greininni um reykingar
og hvað sé til ráða. Við höfum nú
ekkert eitt rétt svar við því og auð-
vitað finnst okkur tóbaksreykingar í
auknu mæli vera hryggileg stað-
reynd og vitum upp á okkur sökina.
En reykingar eru ekki eitthvað sem
hægt er að binda við einn aldurshóp.
Auðvitað byrja flestir að reykja á
þessum aldri en aldrei höfum við
heyrt um að menn hætti þegar þeir
eru komnir upp fyrir unglingsárin.
Þið fullorðnu reykingamenn leynist
hérna í bænum líka. Þetta er dökk
hlið á okkur unglingum, því verður
ekki neitað en svona erum við. Okk-
ur finnst því hræðilegt að sagt sé að
við séum öllum til vansa og bænum
til smánar. Við eigum svona ásakan-
ir ekki skilið.
Áfengisneysla unglinga er að
aukast.
Áfengisneysla unglinga er stórt
vandamál, við getum verið ykkur
hjartanlega sammála í þeim efnum.
En eins og kemur fram í greininni er
þetta vandamál ekki eingöngu eitt-
hvað sem bundið er við bæinn okk-
ar. Egilsstaðir eru miðpunktur Hér-
aðsins og hingað flykkist fólk um
helgar. Allir sem vettlingi geta vald-
ið koma hingað í þeirri von að hér
sé menningin, sem hún og er. Okkur
í grunnskólanum finnst þó að
vandamálið sé mikið til bundið við
menntaskólaaldurinn, (aldurinn 16-
20 ára). Greinin var bundin við ald-
helst sækir félagsmiðstöðina felld-
um tár yfir þeim ásökunum og þeirri
niðurrifsstarfsemi sem gerð var á
starfi okkar það sem af er þessum
vetri. Við viljum reyna að opna
augu bæjarbúa á þeirri starfsemi
sem hérna fer fram. Við erum að
gera héma mjög góða hluti en það
er eins og þið viljið ekki meta það
við okkur. Okkur finnst hugarfar
bæjarbúa snúast um það eitt að
finna okkar verstu hliðar og reyna af
öllum mætti að traðka okkar vinnu
niður í svaðið. í greininni fannst
okkur hart til orða tekið að starfsemi
Nýungar lægi í láginni vegna þagn-
arinnar sem hér ríkti um daginn.
Mikill misskilningur er í gangi ef
þið haldið að þessar aðgerðir okkar
hafi verið framkvæmdar upp á grín.
Frá okkur var stolið 15 geisladisk-
um að andvirði rúmlega 30 þúsund
>5is.
;■•... ::í'í . ■ ' ■
:
..;v::;v:í, ;:'v
íí'S-s:::'1::''::
:

Nemendur við grunnskólann á Egilsstöðum vinna við gerð veggskreytingar í Opinni
viku á síðastliðnu vori. Austramyndtsbb
urinn 14-16 ára en okkur finnst
mikilvægara að rætt sé við þann
aldurshóp sem hlut á að máli.
Er félags- og tómstundastarf á
upp- eða niðurleið?
Við sem erum í þeim hópi sem
krónur. Það er allur peningurinn
sem við fáum fyrir geisladiskum
yfir árið. Okkur finnst því að grein-
arritari hefði átt að kynna sér þetta
mál mun betur áður en farið var að
gagnrýna þessar aðgerðir. Kannski
var þetta ekki töfralausn að stöðva
alla tónlist í húsinu en hún virkaði
þó, enda ómar þar tónlist í dag.
Kvartanir höfum við líka heyrt um
að opnunartíminn sé stuttur og hús-
Valborg Ösp Arnadóttir
formaður nemendaráðs.
ið illa nýtt. Opnun kallar á starfsfólk
og er einhver af ykkur foreldrum
sem finnur hjá sér löngun til að
vinna með okkur? Við bara spyrj-
um. Auðvitað langar okkur að vera
hérna. Þetta er jú „okkar hús.“ En
þetta er mál sem við ráðum ekki
við. Því viljum við skora á bæjar-
stjórn að endurskoða afstöðu sína
um fjármagn til félagsmiðstöðvar-
innar Nýungar. En við viljum líka
hitta eldra fólk og ætli það sé ekki
megin ástæðan fyrir veru okkar í
Söluskálanum öll kvöld. Þess vegna
viljum við láta endurskoða aldurs-
takmarkið í Nýung. Má það ekki
vera 14-18 ára? Þann hóp vantar at-
hvarf og þá ekki síst á föstudags- og
laugardagskvöldum.
Unglingar eru ekki alslæmir
Við gerum ýmislegt gott. í þessu
sambandi viljum við minna á Tjam-
argarðinn sem þið kallið stolt ykkar
og prýði. Það vorum við sem kom-
um honum í gagnið. Bærinn kom í
fréttum helgina 4.-6. október sl. Þar
vorum við enn að verkii. Þá helgi
héldum við Landsmót samtaka fé-
lagsmiðstöðva á Islandi (Samfés).
Þá lögðum við nótt við dag til að
koma öllu í gagnið og erum við enn
að taka við þökkum og hrósi fyrir
það frábæra starf sem við unnum þá
af hendi.
Er þetta metið við okkur?
Við héma í félagsmiðstöðinni eig-
um marga afreksmenn. Við eigum
Austurlandsmeistara í fótbolta,
freestyle og spice girls dansi svo að
eitthvað sé nefnt. Það getur því eng-
inn með góðri samvisku sagt að við
séum ekki að gera góða hluti. En
góðir hlutir falla ekki af himnum
ofan. Við höfum notið dyggs stuðn-
ings æskulýðs- og íþróttafulltrúa og
því finnst okkur nokkuð alvarlegar
ásakanair sem á hann vom bomar í
áður umræddri grein. Það var jú
hann sem fékk landsmótið (Samfés)
hingað en þetta var í fyrsta skiptið í
rúmlega 8 ár sem það fer út fyrir
höfuðborgarsvæðið. Er hægt að fá
betri kynningu fyrir einn bæ heldur
en rúmlega 200 manns í heimsókn
sömu helgina? Við viljum þakka
fyrir það hrós sem við fengum í
greininni þó að lítið væri og að lok-
um vonum við að við mætum aukn-
um skilningi á málefnum unglinga.
Einnig langar okkur að heyra í þeim
aldurshópi sem talað er um í grein-
inni en lokið hefur gmnnskóla (16-
20 ára).
Við höfum áhuga á að gera hér
byltingu í bænum okkar. En við
þörfnumst hjálpar.
Fh. nemenda í grunnskólanum
á Egilsstöðum
Valborg Ösp Árnadóttir
formaður nemendaráðs.
Fjárlögin 1998
Hraðfrystihús Eskifjarðar
Besta ár í sögu félagsins
I næstu blöðum Austra verður
stiklað á stóru í fjárlögum næsta
árs. Litið verður á þá liði sem
varða Austurland og gerð stuttlega
grein fyrir þeim.
I þessu blaði byrjum við á því að
líta á heimildir fjármálaráðherra til
að selja eignir ríkisins á Austur-
landi, en það skal tekið fram að
ráðherra er ekki skylt að selja
þessar eignir, einungis heimilt.
Fjármálaráðherra er heimilt að
selja eftirfarandi húseignir eða
húshluta á Austurlandi: Eignarhlut
ríkissjóðs í fjölbýlishúsinu Mið-
garði 4 á Egilsstöðum, eignarhlut
ríkissjóðs í gamla súkrahúsinu á
Seyðisfirði eða semja um hugsan-
lega yfirtöku eignarinnar, selja
sinn hlut í læknisbústað við Laufás
4, Egilsstöðum og kaupa annað
hentugra húsnæði í staðinn.
Þá er fjármálaráðherra heimilt
að selja eftirtaldar jarðir á Austur-
landi: Hól í Fljótsdalshreppi, Ána-
staði í Hjaltastaðarþinghá og
Gvendarnes (Hafnarnes) í Fá-
skrúðsfjarðarhreppi. Einnig er ráð-
herra heimilt að selja hlutabréf rík-
issjóðs í Barra hf. og verja hluta af
andvirðinu í þágu Skógræktar rík-
isins og Héraðsskóga. Ráðherra
má og afhenda safnaðarstjórn
Eiðaskóknar Eiðakirkju.
Undir liðnum ýmsar heimildir er
fjármálaráðherra heimilt að “ráð-
stafa, að fengnum tillögum iðnað-
arráðherra, allt að 80 m,kr. til
verkefna á sviði atvinnuþróunar og
nýsköpunar í atvinnulífinu. Sér-
staklega skal huga að atvinnusköp-
un á þeim landssvæðum sem ekki
njóta góðs af atvinnustarfsemi sem
tengist uppbyggingu á orku- og
stóriðjusviði.
Sl. ár var það besta í útgerðar-
sögu Hraðfrystihúss Eskifjarðar hf.
Heildaraflaverðmæti hinna 5 skipa
félagsins nam 984 milljónum
króna.
Hólmaborgin sló Islandsmet
hvað landað magn varðar og kom
með að landi 61.500 tonn af loðnu,
síld og kolmuna. Er það langmesta
magn sem íslenskt skip hefur kom-
ið með að landi á einu ári. Heild-
arverðmæti afla var 384 milljónir
króna og hásetahlutur 6.084.000,-
. Uthaldsdagar voru 211.
Jón Kjartansson SU kom með
39.500 tonn að landi. Verðmæti
aflans var 231 milljón króna og
hásetahlutur 3.657.000, kr. Út-
haldsdagar voru 140, en skipið
hefur verið í Póllandi síðan í byrj-
un september sl., í gagngerum
breytingum og endurnýjun. Reikn-
að er með að verkinu ljúki í lok
mars nk.
Heildarafli Guðrúnar Þorkels-
dóttur SU var 22.900 tonn og verð-
mæti aflans 154 milljónir króna.
Hásetahlutur var 3.042.000, kr. Út-
haldsdagar voru 167.
ísfisktogarinn Hólmatindur SU
kom með 2.098 tonn að landi og
var verðmæti aflands 132 milljónir
króna, og hásetahlutur 2.500.000,
kr. Úthaldsdagar voru 178.
Heildarafli ísfisktogarans
Hólmanes SU var 1.258 tonn, mest
rækja. Verðmæti aflans var 84
milljónir króna og hásetahlutur
2.329.000, kr. Úthaldsdagar voru
207.
Til sölu er hringlaga eldhúsborð og fjórir
stólar. Upplýsingar í síma: 471-1671 eftir
klukkan 18.00
Til sölu hjónarúm. Uppl. í síma 471-2191
Fjögurra herbergja íbúð til leigu á
Egilsstöðum, frá og með 1. febrúar. Uppl. í
síma 471-1024 eða í farsíma 853-2397