Tilvera - 15.03.1998, Blaðsíða 2

Fréttir frá barnastarfi
Árið 1997 komu 116 böm til dvalar í Kvennaathvarfið
þ.a. 55 drengir og 61 stúlka. Meðalaldur þeira var 5.8 ár. Það
yngsta var 3. vikna og það elsta 19 ára. Að meðaltali dvöldu
um 5,3 böm í athvarfinu á dag og meðaldvalartími var um 17
dagar. Lengsta dvöl barna í Athvarfinu voru 74 dagar.
Á haustmisseri voru ekki margir nemendur sem sóttu
skóla Athvarfsins en þeim mun fleiri böm sem nýttu sér leik-
skólann og annað barnastarf. Kemur það til vegna þess að
haustið og fyrri partur vetrar einkenndist af vem ungra bama í
Athvarfinu sem og að eldri börnin sóttu sína eigin skóla sem er
ætíð það besta í stöðunni.
Um jólin var líf og fjör í Athvarfinu. Þar lögðu margir
hönd á plóginn til þess að gleðja börnin og gera jólin þeirra sem
hátíðlegust. Á Þorláksmessu birtust þrír svartlæddir "jóla-
sniglar" með jólatré sem þeir færðu okkur frá Bifhjóla-
samtökum Lýðveldisins og Flugbjörgunarsveitinni í Reykjavík.
Þá var nú hægt að byrja að skreyta tréð og ekki dró úr fögnuði
barnanna þegar þeir þeyttust í burtu með miklum vélagný á
fákum sínum. Fram eftir aðfangadegi vom ýmsir aðilar bæði
samtök og einstaklingar að koma við hjá okkur með sittlítíð í
poka til bamanna sem og gjafir sem biðu þeirra undir jólatrénu
frá velunnumm Athvarfsins. Ekki er hægt að segja annað en að
það voru sæl og mett börn sem fóru í rúmin á aðfaranótt
jóladags. Að lokum var árið kvatt með viðeigandi ljósadýrð og
sprengingum.
Eftir mikið bolluát á bolludag var vömbin enn á ný
þanin sem aldrei fyrr á sprengidag og áthátíðinni lauk með
húllum-hæ á öskudag í Fjölskyldugarðinum ásamt hundruðum
annara barna. Þegar upp var staðið skemmtu allir sér vel og
hægt er að fara að huga að næstu hátíð, páskunum.
Þegar fer að vora verður stefnan tekin, eins og áður, að
bóndabýlinu Grjóteyri í Kjós. Hjónin á bænum hafa undanfarin
ár tekið á móti okkur og öðrum leikskólabömum úr Reykjavík
og nágrenni og boðið þeim í hlöðu til sín að sjá og heilsa upp á
nýfædda vorboða.
Með hækkandi sól lítum við bamastarfsmenn með til-
hlökkun í hjörtum til komandi vors og sumars með von um að
viðri vel til útiveru og skemmtiferða.
Kær kveðja !
Bamastarfsmenn Kvennaathvarfsins.
Kvennaathvarfsbæklingurinn
þýddur á
fimm tungumál
Túlkaþjónusta Upplýsinga- og Menningarmið-
stöðvar Nýbúa tók að sér að þýða Kvennaathvarfs-
bæklinginn á fimm tungumál og er hann nú til auk
íslenskunnar á ensku, frönsku, víetnömsku, rússnesku
og norsku. Þessar þýðingar skipta miklu máli fyrir þær
erlendu konur sem leita til Kvennaathvarfsins en til
stendur að fá bæklinginn þýddan á fleiri tungumál í
nánustu framtíð.
Útskiptareglan
framhald afbls. 1.
tilkomu framkvæmdastjóra sem bæri ábyrgð á starfinu
og kosin hefði verið hefðbundin stjórn til að fram-
kvæma stefnu Samtakanna og bera ábyrgð á eignum
þeirra og rekstri.
Að mati stjórnar em þessar breytingar spor í rétta átt,
en hún telur þó nauösynlegt að ganga lengra og afnema
regluna. Samtökin standa í dag frammi fyrir því
vandamáli að missa hæft starfsfólk vegna reglunnar og
hefur stjórnin samþykkt að framvegis verði gerðir
ótímabundnir ráðningasamningar við starfsfólk. Þau rök
sem studdu útskiptaregluna era ekki fyrir hendi lengur.
í dag er Athvarfið rekið með launuðu starfsfólki og á
faglegum grundvelli. Þess er gætt að launakjör séu
þokkaleg miðað við það sem gerist á vinnumarkaðnum
og séð er til þess að starfskonur njóti handleiðslu, sem
er nauðsynlegt vegna eðlis starfsins. Einnig hafa starfs-
konur möguleika á að þroskast í starfi með þátttöku í
námskeiðum og þjálfun.
Ráðstefnan Norrænar konur
gegn ofbeldi
haldin á Grænlandi
Ráðstefnan Norrænar konur gegn ofbeldi 1998
verður haldin í bænum Ilulissat á Norður Grænlandi
dagana 18.-23. september n.k.
Undirbúningur grænlensku kvennanna er að fullu
hafinn og er gert ráð fyrir að hægt sé að taka á móti
100-120 ráðstefnugestum. Þema ráðstefnunnar verður
að þessu sinni „Afbrýðisemi“.
Þetta verður í fimmta sinn sem ráðstefnan Norrænar
konur gegn ofbeldi er haldin en sú fyrsta var haldin í
Noregi fyrir fimm árum síðan. Samtök um kvenna-
athvarf stóðu fyrir ráðstefnunni árið 1995, sem haldin
var í Munaðarnesi en á næsta ári verður hún haldin í
Finnlandi.