Alþýðublaðið - 24.01.1998, Blaðsíða 6

6
ALÞYÐUBLADIÐ
Janúar1998
Stiórnmál móta lífsskilyrði fólks!
Einn af ffambjóðendum Alþýðuflokks-
ins í prófkjöri Reykjavíkurlistans er
Magnea Marinósdóttir verslunarstjóri í
The Body Shop í Reykjavík. En hver er
hún? Hvaðan kemur hún? Hvers vegna
er hún að skipta sér af póhtík? Hér
kemur stutt viðtal.
Hver ertu?
„Eg er 29 ára og bý ásamt syni mín-
um í Vesturbænum í Reykajvík. Ég
vinn í miðbænum sem er mjög hentugt
með tilliti til vegalengda því allra
minna ferða fer ég gangandi, hjólandi
eða í strætó. Einkar umhverfisvænt."
Hvaðan ertu og hverjir eru foreldrar
þínir?
„Ég ólst upp á Akurreyri en annars
er ég ættuð úr Þingeyjarsýslum. Móðir
mín er Dómhildur Lilja Olgeirsdóttir
sjúkraliði en faðir minn er Marinó
Jónsson húsasmíðameistari. Ég er elst
þriggja systkina. Bróðir minn heitir 01-
geir Þór, prentsmiður í Reykjavík, og
systir mín heitir Þórunn Osk, lágfiðlu-
leikari í Belgíu.“
Hvers vegna fluttir þú til Reykjavík-
ur?
„Eftir stúdentspróf frá Menntaskól-
anum á Akureyri fór ég einn vemr til að
kenna unglingum í grunnskólanum
Lundi, Öxarfirði. Ein meginástæða
þess að ég fór út á land var til að geta
sinnt syni mínum í ró og næði fjarri ys
og þys. Dvöldin í Öxarfirði var með
eindæmum indæl en hins vegar stefndi
hugur minn til höfuðborgarinnar þar
sem ég vildi hetja nám við Háskóla ís-
lands.“
Hyaðfórstu að kera þar?
„Ég hóf nám í stjómmálafræði og út-
skrifaðist árið 1995 eftir nokkuð
skrykkjóttan námsferil. Ég var reyndar
í fullu námi í tvö ár en eftir að reglum
Lánasjóðs íslenskra námsmanna var
breytt 1992 hætti ég að taka námslán
og fór að vinna með náminu. Ástæðan
var sú að með því að taka námslán var
ég að setja mig og mína nánustu í veru-
lega fjárhagslega tvísýnu. Annars átti
það almennt við um foreldra, hvort
sem þeir voru einstæðir eða ekki, þar
sem hinar nýju úthlutunarreglur tóku
ekki tillit til veikinda bama á prófatíma
og sá sveigjanleiki, sem námsmönnum
var boðið upp á með að taka haustpróf,
var afnuminn í reynd. Niðurstaðan var
að 25-30% námsmanna með böm,
fyrst og fremst einstæðir foreldrar eða
mæður, hættu námi. Ég skrifaði heil-
mikla grein um málið á sínum tíma
enda stórlega misboðið; jafnræði til
náms var afnumið með einu penna-
striki
Þannig að menntamálaráðherra
hraktiþigfrá námi?
„Nei, hvorki hann persónulega né
þáverandi og núverandi fjármálaráð-
herra en þessi ákvörðun leiddi mig í
sannleika um vald stjómmálamanna;
þeir geta ráðið ótrúlega miklu um örlög
fólks. í raun get ég sagt að þessi reynsla
mín hafi orðið til þess að ég fór að
hugsa mikið um póhtík og hversu
miklu máli skiptir hvaða hugmynda-
fræði og verðmætamat ríkir hjá þeim
sem stjóma.“
En hvenœr hófust afskipti þín afpóli-
tík?
„Þau hófust með beinum hætti þegar
ég gekk til liðs við Alþýðuflokkinn í
upphafi árs 1995. Síðan 1996 hef ég
setið í stjóm Alþýðuflokksfélags
Reykjavíkur og í fyrra var ég kosin í
framkvæmdastjóm sambands ungra
jafnaðarmanna. Hins vegar er því við
að bæta að allt frá því ég komst til vits
og ára hef ég aðhyllst hugmyndafræði
jafnaðarstefnunnar. Tregðu mína til að
taka þátt í pólitík fyrr en nú með afger-
andi hætti má aftur á móti rekja til
þeirra tvíeggjuðu tilfinninga sem ég
ber í garð stjórmála. I gegnum tíðina
hef ég einatt haft andúð á stjómmálum
vegna alls hins ófagra sem hefur litað
hana. Á sama tíma heillast ég af stjóm-
málum sem vettvangi til þess að láta
gott af mér leiða “
Nú ertu að bjóða þigfram íprófkjöri
Reykjavíkurlistans, hvaða málefhi ætl-
ar þú að leggja áherslu á?
„Ég legg mikla áherslu á menntamál
og umhverfismál. Eftir að gmnnskól-
inn var fluttur frá ríki til sveitarfélaga
hafa opnast stórkostlegir möguleikar á
því að auka fjölbreytni í skólastarfi og
einnig að færa ákvarðanir í skólamál-
um nær íbúum hverfanna. Vægi sveit-
arstjómanna er alltaf að aukast - sem
betur fer - en um leið skiptir nú meira
máli en áður hveijir halda um stjómar-
taumana því fleiri ákvarðanir, sem
skipta fólk máli, em nú teknar í sveitar-
stjómum. Auknu valdi fylgja auknar
skyldur og ábyrgð og ég tel að félagar
mínir í Reykjavíkurlistanum hafi sýnt
það að mikill munur er á stefnu okkar
og Sjálfstæðisflokksins - nú em byggð-
ir leikskólar en ekki minnismerki. Mér
finnst líka að leggja eigi meiri áherslu á
umhverfismál, sérstaklega þann þátt
sem lýtur að heimilunum sjáífum. Fólk
er orðið meðvitað um umhverfi sitt og
vill vera umhverfisvænt, eins og það er
kallað, en það þarf að gera því kleift að
vera það í meira mæli en nú er. Þama á
ég við hluti eins og að fólk hafi aðgang
að sorptunnum fyrir flokkað msl við
heimili sín. Mér finnst einnig mengun
frá bílaumferð allt of mikil en fólk
skortir raunverulega valmöguleika.
Það má einfaldlega bæta með því t.d.
að leggja reiðhjólastíga sem myndu
gera fleirum kleift að hjóla í vinnuna en
í dag er það stórhættulegt, a.m.k. ef þú
ert út á götu!“
Þannig að þetta er það sem þú vilt
takaþátt íbreyta?
,Já, og raunar margt fleira en merg-
ur málsins er sá að stjómmál móta lífs-
skilyrði fólks og það skiptir máli hveij-
ir stjóma. Þess vegna styð ég Reykja-
víkurlistann og vill leggja mitt af mörk-
um til þess að hann fái tækifæri á að
stjóma áfram enda margt ógert því það
tekur meira en fjögur ár að ná þeim
markmiðum sem Reykjavíkurlistinn
stefnir að. Ég held raunar að Ingibjörg
Sólrún sé besti borgarstjóri sem setið
hefur í Reykjavík í langan tíma.“
Jœja en þá er bara þetta klassíska,
eitthvað að lokum?
,Já. Mig langar að hvetja þá sem
þetta lesa til að íhuga það að koma og
taka þátt í prófkjörinu þann 31. janúar
n.k. því lýðræði gengur jú út á það að
fólk taki þátt. Þegar í prófkjör er komið
gilda atkvæði allra jafnt hvort sem það
er ég, Ingibjörg Sólrún eða einhver sem
aldrei hefur komið nálægt pólitík. Póli-
tík skiptir alla máli.“
Stefán Jóhann Stefánsson, hagfræðingur:
Tryggjum velferð - treystum grunn
Stefán Jóhann Stefánsson, hagfræðingur.
Velferð verður að byggja á trausti.
Aukin verkefni sveitarfélaga með
sjálfsstjóm þeirra í mörgum málum
gefur velferðarmálum aukið vægi með-
al borgarbúa, þar sem sambandið á
milli Ijármögnunar og þjónustu í formi
umönnunar, heilsugæslu og skóla-
göngu er skýrt og greinilegt. Jafnframt
eiga borgarþúar að geta verið í nánum
tengslum við þá sem taka endanlegar
ákvarðanir í málefnum þeirra. Þess
vegna á lýðræðisleg stjómun sveitarfé-
laga að vera einn af homsteinum vel-
ferðarstefhu jafnaðarmanna.
Kjörin borgarstjóm á að vera trygg-
ing okkar fyrir því að íbúar hafi áhrif á
eigin mál, og um leið trygging fyrir
ábyrgð stjómmálamanna.
Stefna jafnaðarmanna í sveitar-
stjórnarmálum
Þörfin fyrir þjónustu sveitarfélaga á
væntanlega eftir að aukast á næstunni.
Öldruðum fjölgar og þeim þarf að veita
viðunandi þjónustu. Aukin þörf fyrir
þekkingu og menntun kemur til með að
auka væntingar í garð skólanna. Þess
vegna verður að nýta sem best þær
tekjur sem verða til í borginni. Það
verður að leggja áherslu á að halda
uppi atvinnu til að auka tekjur og draga
úr þörf fyrir fjárhagslega aðstoð vegna
atvinnuleysis. Það verður að styðja at-
vinnulausa til að komast aftur í vinnu.
Borgin verður að ganga á undan með
góðu fordæmi hvað varðar starfs-
mannastefhu.
Lykilatriði:
Fjölskyldumál eiga að vera í forgrunni.
Halda skal áfram uppbyggingu í leik-
skólamálum. Þar stíga bömin fyrstu
skrefin á menntabrautinni. Öll böm
eiga að hafa jafna aðstöðu til að nýta
sér það sem samfélagið býður upp á.
Skapa þarf feðrum aukinn rétt til að
taka þátt í uppeldi bama sinna strax frá
fyrstu mánuðum. Næg dagvistarrými
og góð þjónusta leikskóla stuðlar enn-
fremur að jafnrétti kynjanna.
Grunnskólinn á að vera góður vinnu-
staður fyrir nemendur og kennara,
hann þarf að vera fær um að sinna þörf-
um allra nemenda og efla þroska þeirra
og færni, þeim sjálfum og íslensku
samfélagi til heilla. Við þurfum því að
halda áfram uppbyggingu skólakerfis-
ins. Þar á ég m.a. við einsetningu
grunnskólans, lengda viðvem og aukin
gæði í skólastarfi.
Tómstundastarf bama og unglinga
verður að vera fjölbreytt. Efla má sam-
starf við félagasamtök í þessu skyni.
Vekja þarf áhuga bama fyrir íþróttum
og ýmsum Iistgreinum og gera þeim
kleift að sinna sínum hugðarefnum.
Tölvutækni ber að nýta á uppbyggileg-
an hátt. Bæta þarf aðstöðu nokkurra
íþróttagreina yfir vetrarmánuðina með
því að byggja fjölnota íþróttahús.
Fjölgun hjúkrunarrýma fyrir aldraða
er eitt brýnasta úrlausnarefni borgar-
stjómar. Áldraðir verða að geta notið
eins góðrar umönnunar og hægt er með
heimilishjálp og hjúkmn.
Aukið lýðræði og opnari stjómsýsla
verður keppikefli mitt í borgarstjóm.
Það má efla áhrif félagasamtaka, og
hverfasamtaka og -stjóma, svo að
ákvarðanir sem snerta fólk verði teknar
sem næst því. Auka þarf upplýsinga-
streymi frá borginni, bæði í formi
prentaðs máls, og svo má nýta heima-
síðu borgarinnar betur en nú er gert.
Það verður þó ætíð að taka mið af
heildarhagsmunum borgarbúa, og
kostnaður við þjónustu og rekstur má
ekki vera í miklu ósamræmi við tekjur
borgarsjóðs.
Jafnaðarmenn vilja traustan
grunn
Velferðarsamfélag verður að byggja á
traustum gmnni. Jafnaðarmenn hafa
verið í fararbroddi í velferðarhugsun.
Við gemm okkur grein fyrir því að til
þess að við getum sýnt í verki þá sam-
kennd sem í bijósti okkar býr verðum
við að tryggja ákveðnar efnislegar
framfarir. Velferð kostar fé og fyrir-
höfn.
Atvinna
Þess vegna leggjum við jafnaðarmenn
áherslu á frelsi fólks til orðs og æðis,
svo fremi það valdi ekki öðmm skaða.
Við viljum veita athafnamönnum frelsi
til að beita hugviti sínu og verkhyggju
við framleiðslu og þjónustu, því það
skapar atvinnu og tekjur fyrir einstak-
linga, ljölskyldur og borgina alla. Jafn-
framt viljum við að samtök launafólks
hafi góða möguleika til að beijast fyrir
sanngjömum og réttlátum kröfum sín-
um, hvort sem þær varða kjaramál eða
aðbúnað á vinnustað. En án auðugs at-
vinnulífs þrífst ekki velferð. Atvinna
fyrir alla sem vilja og geta unnið er því
ein af fmmkröfum jafnaðarmanna.
Festa í fjármálum
Jafnframt verður fjármálastjóm borg-
arinnar að vera með skynsamlegum
hætti.
Varast ber skuldasöfnun, einkum
þegar góðæri er í efnahagslífi. Skulda-
söfnun sjálfstæðismanna hefur á vissan
hátt sett okkur stólinn fyrir dymar. Ef
ekki hefði komið til hinn gífurlegi fjár-
austur á síðustu ámm Sjálfstæðis-
flokksins í borgarstjóm væri borgar-
sjóður nú rekinn með þokkalegum af-
gangi.
Sátt við íbúa og lífríki
Byggingar-, skipulags- og samgöngu-
mál verða að valda sem minnstri rösk-
un á umhverfinu. Aðstaða Reykvík-
inga til útivistar er að mörgu leyti góð.
Brýnustu úrlausnarmálin em fráveitu-
mál. Þar náðist nýlega mikilsverður
áfangi undir forystu núverandi meiri-
hluta borgarstjómar sem skilur að það
getur kostað töluvert að hreinsa um-
hverfið. Það verður að halda áfram á
þessari braut. En í þessu eins og svo
mörgu öðra verðum við að líta okkur
nær og forðast óþarfa sóun.
Að endingu
Það er keppikefli okkar að Alþýðu-
flokkurinn fái tvo fulltrúa í borgar-
stjóm. Þess vegna er mikilvægt að allir
stuðningsmenn flokksins taki þátt í
prófkjörinu og greiði flokknum at-
kvæði sitt. Ég vonast til þess að sjónar-
mið mín og málflutningur verði til þess
að Alþýðuflokksmenn velji mig sem
annan af tveimur fulltrúum í borgar-
stjóm. Ég treysti mér til verksins og til
samstarfs við Alþýðuflokksfólk og
aðra smðningsmenn Reykjavíkurlist-
ans til að vinna að velferð borgarbúa á
komandi kjörtímabili.
Stefán Jóhann Stefánsson