Bæjarins besta - 10.08.1989, Qupperneq 8

8
BÆJARINS BESTA
Skák:
Helgarskákmót á Flateyri
Glæsileg verðlaun 1 boði
Skákmenn á Vestfjörðum eru hvattir til að taka þátt í Helgar-
skákmótinu sem haldið verður á Flateyri á vegum Tímarits-
ins SKÁK.
TÍMARITIÐ Skák gengst
fyrir sínu 37. Helgar-
skákmóti 18. - 20. ágúst í
samvinnu við Taflfélagið á
Flateyri og staðaryfirvöld.
Þetta er í fyrsta sinn sem
mótið er teflt á Flateyri en
áður hafa farið fram helgar-
skákmót fyrir vestan á Pat-
reksfirði, Núpi, Bolungar-
vík, ísafirði og Hólmavík.
Teflt verður með hefð-
bundnum hætti.
Þrjár umferðir verða tefld-
ar á föstudag og hefst mótið
kl. 17. Laugardag og sunnu-
dag hefst fyrri umferðin kl
10. Mótinu lýkur svo með
samsæti og verðlaunaaf-
hendingu.
Glæsileg verðlaun eru í
boði, 1. verðlaun eru 50.000
kr., 2. verðlaun 25.000 kr.,
3. verðlaun 15.000 kr. og 4.
verðlaun eru 10.000 kr. Þá
verða veitt unglinga-,
kvenna- og öldungaverðlaun
sem eru boð á næsta helga-
skákmót auk bókaverð-
launa. Að venju verða sér-
stök verðlaun fyrir bestan
árangur í hrinunn sem hefst
með þessu móti og stendur í
fimm mót. Þar er keppt um
60.000 kr. Til að vinna þá
upphæð þarf keppandi að
hafa verið á öllum mótunum
fimm en fari svo að sá sem
bestan árangur fær hafi ekki
verið með í öllum mótunum
getur sá sem næstbestum ár-
angri nær í heildina hreppt
það sem eftir er.
Eftir fyrsta mót hrinunn-
ar, sem teflt var á Djúpa-
vogi, er Helgi Ólafson efst-
ur, Jón L. Árnason annar og
Davíð Ólafsson þriðji. Þarna
verða því mættir margir af
snjöllustu skákmönnum
landsins en þess ber að geta
að allir sem áhuga hafa eru
hvattir til að taka þátt enda
| m.a. tilgangurinn að efla
I skáklíf á landsbyggðinni.
I Þátttökutilkynningar þurfa
| að berast tímaritinu Skák í
síma 31335 og 31975 sem
allra fyrst. Menn geta þó
mætt á eigin ábyrgð til skrán-
ingar á mótsstað. Nauðsyn-
legt er að keppendur hafi
með sér tafl og klukku.
Fréttatilkynning
Golfkennsla
Pat Smillie golfkennari verður
áTungudalsvelli 14.-17. ágúst.
Síðasta tækifæri sumarsins til
að fá tilsögn í golfi.
Ókeypis unglingatímar sömu
daga kl. 16-17.
Innritun í síma3035.
Golfklúbburinn.
Pistillinn:
Fjölmiðlafólkið og silfurskotturnar
Á miðvikudag var haldinn lokaður bæjar-
stjórnarfundur í Stjórnsýsluhúsinu á ísafirði.
Það þykir svo sem ekki fréttnæmt lengur, lok-
aðir fundir hafa verið haldnir reglulega á ísa-
firði síðan Hlífarmálið kom upp og svo rammt
að kveðið að menn eru sagðir stundum ekki
vissir um hvort þeir eru á fundum Frímúrara-
reglunnar eða bæjarstjórnar, svo mikil er
þagnarskyldan og trúnaðurinn. Alltaf lekur þó
einhver öðru hverju eins og sjá má á fréttum
BB um málið og ekki bregst að menn fara þá í
hár saman um hver lak í hvern og hvers vegna.
Lokaðir fundir heyra jafnan til undantekninga
hjá bæjarstjórnum nema þegar er fjallað um
persónuleg málefni, svo sem niðurfellingu
útsvara eða „sjóðþurrðir" en á ísafirði er
undantekningin orðin að reglu.
Það sem helst er merkilegt við þennan fund
er að fyrir hádegi á miðvikudag var fjölmiðla-
fólki á ísafirði sérstaklega boðið að koma í
Stjórnsýsluhúsið kl. 14.00. Ekki þó til að sitja
lokaðan fund, nei guð sé oss næstur, heldur til
að sitja framan við læstar dyrnar og fá „frétt-
næmt efni“ þegar fundi væri lokið. Hvort það
yrði fyrri eða seinni part dags var ekki látið
uppi, enda trúnaðarmál eins og allt annað
viðkomandi Hlífarmálinu. Þetta hlýtur að vera
í fyrsta skipti í sögu bæjarstjórnar sem fjöl-
miðlar eru boðaðir til að vera viðstaddir
frammi á gangi á meðan lokaður fundur fer
fram.
Eftir tæplega klukkutíma bið fór fjölmiðla-
fólkinu að leiðast, enda fleiru að sinna en horfa
á lokaðar dyr á vinnutíma, og spurðist fyrir um
hvort fundinum færi nú ekki að ljúka. Bæjar-
stjóri varð fyrir svörum og hafði greinilega átt
slæman dag: „Þið getið beðið ef þið viljið en
þið megið líka fara ef þið viljið! “
Þetta þótti fjölmiðlafólkinu dæmalaus ókurt-
eisi og lét það í ljósi en bæjarstjórinn var
horfinn inn á lokaða fundinn á ný og lokaði fast
á eftir sér.
Skömmu síðar stikuðu út af fundi fjórir
Djúpmenn og kváðust fullkomlega sammála
fréttamönnum um að bæjarstjórn ísafjarðar
væri margt betur lagið en að koma kurteislega
fram við fólk.
Það þótti fjölmiðlafólkinu ákaflega athyglis-
vert og steinhætti við þá ákvörðun sína að yf-
irgefa marmarahöllina í fússi enda hér greini-
legt fréttaefni í uppsiglingu. Og sjá, eftir
tveggja tíma bið lukust upp dyrnar og fjöl-
miðlamenn sagðir meir en velkomnir að stíga
inn fyrir. Djúpmönnum var tjáð að þeir mættu
koma inn líka en þeir afþökkuðu pent og sátu
sem fastast frammi á gangi, bersýnilega búnir
að fá nóg þennan daginn af samskiptum við
bæjarstjórn ísfirðinga.
Fjölmiðlafólk tyllti sér vonglatt á áhorf-
endastólana en ekki var að sjá á bæjartjórnar-
fulltrúum né gestum þeirra, formanni fjárveit-
inganefndar, heilbrigðisráðherra og
starfsmanni stjórnar Hlífar, að þeim liði neitt
alltof vel. Reyndar voru þeir eins og hálf-
skömmustulegir að sjá. Svo kom fréttnæma
efnið: Undirritaður var samningur um pen-
ingaframlag frá hinu opinbera til bæjarsjóðs
ísafjarðar til þess að forða Bsvf. Hlíf frá gjald-
þroti og bæjarstjórn frá skömm. Að lokinni
undirskriftinni þökkuðu allir öllum fyrir hve vel
hefði tekist til og óskuðu sjálfum sér og öðrum
til hamingju með „farsæla lausn málsins."
Að því búnu bauð forseti bæjarstjórnar fjöl-
miðlamönnum að bera upp spurningar ef þeir
vildu og sleit svo fundi. En þá bar nokkuð
merkilegt við: Eins og silfurskottur sem
skjótast í felur þegar ljós eru kveikt skutust
fundarmenn í allar áttir burt frá fjölmiðlum og
ótuktarlegum spurningum þeirra.
Með hrópum tókst þó undrandi fréttamönn-
unum að vekja athygli á tilveru sinni og því að
þeim hefði verið boðið sérstaklega að bera upp
spurningar sínar. Forseti bæjarstjórnar bar við
skertri heyrn en flestir þeirra sem enn voru
eftir kváðust þurfa að fara á fundi eftir örfáar
mínútur. Nokkrir stöldruðu þó stundarkorn við
en fátt var um svör þegar spurt var hvar stjórn
Hlífar væri á þessarri sögulegu stund. Helst var
að skilja að þetta væri eiginlega svona prívat-
mál heilbrigðisráðuneytisins og bæjarstjórnar
sem kæmi stjórn Hlífar svo til ekkert við. Þar
að auki væri þetta svo gott mál að það væri
ástæðulaust að fetta nokkuð fingur út í það,
það væri bara til þess að hræða gamla fólkið.
Þegar spurt var hvers vegna svona gott mál
þyrfti sífellt að ræðast fyrir luktum dyrum var
því svarað til að ef BB hefði fengið allar upplýs-
ingar um málið og skrifað um það að vild þá
hefði aldrei fundist nein lausn á því. Það var
nebbilega það. Ekki vissi blaðamaður BB fyrr
að slíkt vald væri í höndum hans að hann gæti
hindrað að heil brú kæmist á hugsanir og
ákvarðanir heilu bæjarstjórnanna.
Formaður fjárveitinganefndar hinkraði þó við
um stund í kurteisisskyni, eða allt þar til hann
var spurður að því hvort þessi ákvörðun um
fjárframlög úr opinberum sjóðum væri til
komin til að skera kratana niður úr snörunni
sem þeir hefðu sjálfir hnýtt um háls sér. Þá var
honum nóg boðið og hann hraðaði sér í humátt
á eftir félögum sínum sem þegar voru horfnir
niður marmaratröppur Stjórnsýsluhússins.
V.D.