Lögmannablaðið - 2019, Blaðsíða 28

28 LÖGMANNABLAÐIÐ TBL 01/19
Danskt dómskerfi, ólíkt því íslenska, er að öllu leyti rafrænt,
sem er nokkuð sem mætti skoða að bæta úr á Íslandi.
Jafnframt eru lögfræðingar í Danmörku skyldugir til
að starfa sem fulltrúar í þrjú ár áður en þeir geta öðlast
lögmannsréttindi. Að lokum er starf lögmanna í Danmörku
að jafnaði bundið við tiltekið, þröngt réttarsvið, þar sem
viðkomandi öðlast mikla sérhæfingu. Það er heldur ólíkt því
sem þekkist heima, en muninn má rekja til stærðar íslensku
þjóðarinnar, þar sem erfitt er að halda uppi samskonar
sérhæfingu í landi með sextán sinnum færri íbúa.

Á undanförnum fjórum árum hafa undirritaðar fengið
tækifæri til þess að kynnast því hvernig er að starfa sem
lögfræðingar á lögmannsstofum í Kaupmannahöfn, eftir
að hafa fengið örlitla reynslu sem laganemar á Íslandi.
Guðrún hefur starfað frá sínum fyrsta degi í Danmörku á
lögmannsstofunni NJORD Law Firm í málflutningsdeild,
sem leggur áherslu á Evrópu­ og samkeppnisrétt, enda
var það eina sérsviðið sem ekki krafðist móðurmálsfærni í
dönsku. Þorbjörg hefur öðlast sína reynslu á einni af stærstu
lögmannsstofum Danmerkur, Kromann Reumert, þar sem
yfir 550 manns starfa, þar af rúmlega 300 lögfræðingar og
lögmenn.

Rafrænt dómskerfi
Í byrjun árs 2018 var tekið í notkun rafrænt dómskerfi í öllum
dómstólum Danmerkur, með það að markmiði að gera
réttarkerfið skilvirkara og einfaldara. Einkamál eru höfðuð
með þeim hætti að lögmaður stefnanda eða stefnandi sjálfur
GUÐRÚN ÓLÖF OLSEN OG
ÞORBJÖRG ÁSTA LEIFSDÓTTIR
Ljóst er að náin tengsl Íslendinga og
Dana í gegnum tíðina hafa gert það
að verkum að réttarkerfi þessara
tveggja landa eru náskyld. Þegar
kemur að starfsumhverfinu á
lögmanns stofum landanna má þó
finna nokkurn mun sem helgast
kannski helst af sérhæfingu danskra
lögmanna.
STARFS UMHVERFI
LÖGMANNA Í DANMÖRKU