Lögmannablaðið - 01.12.1995, Síða 5

W
Ur gömlum gerðarbókum
Þegar flett er í gegn um gerð-
arbækur félagsins frá fyrri
áratugum kemur í ljós að fé-
lagið á sér merka sögu að mörgu
leyti, sérstaklega að því er varðar
málefni og stöðu lögmannastéttar-
innar, eins og gefur að skilja, en
einnig að ýmsu öðru leyti, þ. á m.
vegna baráttu féiagsins fyrir endur-
bótum á réttarfarslöggjöfinni.
Félagið var stofnað síðla árs 1911
og voru ritaðar fundargerðir þess
allt frá upphafi. Því miður virðist
fyrsta fundargerðarbókin vera glöt-
uð, en hún nær yfir tímabilið 1911
til 1925. Allar síðari gerðarbækur
félagsins eru til. Árið 1936, þegar
félagið var 25 ára, ritaði Theodór
B. Líndal, sem þá var .formaður
þess, um sögu félagsins. Er þar að
finna ýmsar upplýsingar, sem ella
er hætt við að hefðu glatast með
hinni týndu gerðarbók, t.d. orðrétt-
ar fyrstu tvær fundargerðirnar af
stofnfundi og framhaldsstofnfundi
félagsins.
Hugmyndin er sú að birta á síð-
um LÖGMANNABLAÐSINS efni úr
gömlum gerðarbókum félagsins
lesendum til fróðleiks og skemmt-
unar. Frásögn af fyrstu fjórtán árum
í sögu félagsins byggist að mestu
leyti á fyrrgreindu afmælisriti
Theodórs B. Líndals.
Þann 27. nóvember árið 1911 var
haldinn fundur á Hótel Reykjavík
af málfærslumönnum og öðrum
embættislausum lögfræðingum.
Var fundurinn haldinn að frum-
kvæði þeirra Eggerts Claessens og
Sveins Björnssonar. Fundarmenn
voru 14. Eftir kosningu fundar-
stjóra og fundarritara las Eggert
Claessen upp frumvarp til laga fyr-
ir væntanlegt málflutningsmanna-
félag, en frumvarpið hafði hann
samið. Eftir upplesturinn var hver
einstök grein rædd og eftir atvikum
breytt áður en hún var samþykkt. í
umræðu um 1. gr. frumvarpsins
taldi Gísli Sveinsson rétt að félagið
yrði látið heita lögmannafélag en
ekki málflutningsmannafélag. Egg-
ert Claessen tók þá frarn að hann
væri hlyntari því nafni, sem upp á
hefði verið stungið, þar sem orðið
lögmaður næði ekki aðeins til mál-
flutningsmanna heldur einnig tii
annarra löglærðra manna. Var til-
laga Eggerts að heiti félagsins í
frumvarpinu, Málflutningsmanna-
félag íslands, samþykkt. Eftir um-
ræður og atkvæðagreiðslur um
hverja grein frumvarpsins var það
borið upp í heild sinni og sam-
þykkt. Þá var kosin fyrsta stjórn fé-
lagsins, sem skipuð var Eggerti
Claessen, formanni, Sveini Björns-
syni, ritara og Oddi Gíslasyni,
gjaldkera.
Sveinn Björnsson lagði frarn til-
lögu að gjaldskrá félagsins, sem
hann hafði samið, m.a. að danskri
fyrirmynd. Nefnd var skiptið til að
fjalla um tillöguna og var fundi síð-
an frestað til 11. desember.
Mánudaginn 11. desember 1911
var haldinn framhaldsstofnfundur
Málflutningsmannafélags Islands.
Var þá lagt fram frumvarp að gjald-
skrá félagsins, sem fyrrgreind
nefnd hafði búið til og fóru fram
umræður um hana. Setti Einar Arn-
órsson ýmislegt út á frumvarpið,
sérstaklega þar sem honum þótti
taxtinn of lágur. Formaður félags-
ins andmælti því og urðu um þetta
nokkrar umræður. Var gjaldskráin
síðan samþykkt með einhverjum
breytingum.
Þó samþykktir félagsins hafi ver-
ið samþykktar á fundinum 27. nóv-
emlrer 1911 og fyrsta stjórnin kos-
in þá, hefur dagsetning stofnunar
félagsins ávallt verið miðuð við 11.
desember 1911, enda má segja að
þá hafi stofnfundinum í raun lokið.
MM

&

Úr gerðabók Málflutningsmannafélags íslands
5