Bæjarins besta - 27.10.2016, Page 15

FIMMTUdagUr 27. OKTÓBER 2016 15
Vinstri græn:
Fjölbreyttar leiðir til lýðræðis-
þátttöku, svo sem íbúafundir,
þjóðfundir, opin umræða og
rökræðukannanir styrkja lýð-
ræðislegt samfélag. Í samræmi
við áherslur um aukið lýðræði
um árabil og starf og feril vinnu
við gerð nýrrar stjórnarskrár
tökum við undir kröfuna um
aukna möguleika á þjóðarat-
kvæðagreiðslum að frumkvæði
þjóðarinnar sjálfrar. Brýnt er
að klára nýja stjórnarskrá sem
byggir á tillögum Stjórnlagaráðs.
Afhjúpun Panama-skjalanna
minnti okkur öll á mikilvægi öfl-
ugra og óháðra fjölmiðla í samfé-
laginu. Lækkum virðisaukaskatt
á fjölmiðla með það að markmiði
að bæta rekstrarforsendur þeirra.
Tryggjum faglegt og fjárhagslegt
sjálfstæði Ríkisútvarpsins og
breiða aðkomu í stjórn þess.
Setjum á laggirnar sjóð fyrir
rannsóknablaðamennsku.
Stefna og áhersluatriði í lýðræði,
stjórnarskrá og spilling
Sjálfstæðisflokkur:
Stjórnarskrá verður með
ákveðnum hætti líka að vera
brjóstvörn fólksins og byggð-
anna. Við bendum á að í stefnu-
skrá Pírata og Viðreisnar er
lagt til að gjörbylta aðstæðum
okkar sem búum langt frá hinu
samþjappaða stjórnvaldi á SV-
horninu. Í raun má segja að
stefna þessara framboða færi
okkur frá því að vera þjóðríki
yfir í það að vera borgríki. Þar
sem lífsbarátta okkar á lands-
byggðinni verður afgangsstærð.
Þetta er mjög hættulegt og
ástæða til að vekja athygli á
því. Spilling og leyndarhyggja
eru ólíðandi með öllu í íslensku
samfélagi. Jafnrétti fyrir lögum
er grundvallarregla í allri stjórn-
skipun og stjórnsýslu landsins.
Mestu skiptir að lagaumgjörð
samfélagsins sé skýr, byggð á
gegnsæi, jafnræði og skilvirkni.
Réttaröryggi borgaranna verður
þannig betur tryggt sem og eftirlit
stjórnvalda gegn hvers konar
brotum og undanskotum.
Samfylking:
Jafnaðarmenn berjast fyrir
valddreifingu, lýðræðisumbótum
og breytingum á stjórnarskránni.
Við leggjum áherslu á að Ísland
vinni að mannréttindamálum
á alþjóðlegum vettvangi sem
málsvari mannúðar, jafnréttis og
lýðræðis. Ísland á að beita rödd
sinni gegn hvers kyns mann-
réttindabrotum og til stuðnings
réttindabaráttu minnihlutahópa,
vegna kynferðis, kynhneigðar,
kynþáttar, skoðana eða trúar.
Við höfum lagt á það áherslur
að ný stjórnarskrá tryggi eign
almennings á auðlindum og
sjálfbæra nýtingu þeirra. Þá er
aðgreining valdþátta, ekki síst
löggjafarvalds og framkvæmdar-
valds mikilvæg. Það er mikilvægt
að stjórnvöld virði og standi
vörð um sjálfstæði dómstóla og
ákæruvalds. Að staðinn sé vörður
um faglegar ráðningar í embætti
og opinber störf.
Viðreisn:
Viðreisn vill hefja vinnu við
heildarendurskoðun stjórnar-
skrárinnar og dreifa þeirri vinnu
yfir fleiri en eitt kjörtímabil. Þar
skal hafa í huga bæði tillögur
stjórnlagaráðs, en einnig tillögur
og athugasemdir sem komið hafa
á seinni stigum. Við teljum að
betra sé að gera litlar breytingar
en að allt sigli í strand í óeiningu.
Viðreisn vill að þjóðarat-
kvæðagreiðsla fari fram um
framhald viðræðna við ESB,
og verði sú kosning jákvæð
verði kosið aftur um fyrirliggj-
andi samning. Þetta er mikið
lýðræðismál og prófmál á lýð-
ræðisást flokkanna. Fólk hefur
mismunandi skoðun á ESB, en
hlýtur að vera sammála um að
þetta sé sanngjörn leið fram á við.
Píratar:
Gagnsæi er nauðsynleg
forsenda fyrir ábyrgð og upp-
lýstri þátttöku almennings í lýð-
ræðinu. Til að fyrirbyggja spill-
ingu þarf ábyrgðin að vera skýr
og upplýsingar um ákvarðanir
aðgengilegar öllum. Stjórnskipan
landsins byggist á túlkunum,
hefð og hentistefnu stjórnvalda.
Almenningur þarf alvöru verk-
færi til að stöðva lög sem sett eru
í óþökk þjóðar án þess að þurfa
að efna til mótmæla. Til að geta
haft áhrif á forgangsröðun mála
á þingi þarf almenningur að geta
lagt fram mál á Alþingi. Mál-
skotsréttur þjóðarinnar veitir að-
hald og tryggir bætt vinnubrögð
á þingi og frumkvæðisréttur
þjóðarinnar færir vald og ábyrgð
í hendur fólksins. Hvort tveggja
er tryggt í nýju stjórnarskránni.
Framsókn:
Ísland er meðal þeirra landa þar
sem spilling er hverfandi. Áfram
þarf að tryggja aðgang að upp-
lýsingum og gegnsæi og þannig
gera enn betur. Framsóknarmenn
vilja enga kollsteypu með stjórn-
arskrá lýðveldisins enda hefur
hún virkað vel. Helst viljum við
sjá skýrara ákvæði um auðlindir
landsins, að þær séu þjóðareign.
Lýðræði á Íslandi er virkt þar sem
fulltrúalýðræðið hefur sannað
sig en við erum opin fyrir því að
íbúar landsins geti fengið aukið
svigrúm til að segja álit sitt á
umdeildum málum.
Björt framtíð:
Björt framtíð leggur þunga
áherslu á að breytingar verði
gerðar á stjórnarskrá Íslands í
samræmi við vilja þjóðarinnar,
eins og hann birtist í þjóðarat-
kvæðagreiðslu um stjórnarskrár-
breytingar haustið 2012.
Björt framtíð vill auka
ákvörðunartöku nær fólkinu í
landinu m.a með því að færa fleiri
verkefni til sveitarfélaganna
og með eflingu sveitarstjórnar-
stigsins og frekari sameiningu
sveitarfélaga.
Björt framtíð er stjórnmálaafl
sem er laust við sérhagsmuni. Í
Bjartri framtíð er venjulegt fólk
sem vill láta gott af sér leiða.
Góð mál verða betri ef fleiri
koma að þeim. Skoðanir, þekk-
ing og kunnátta fólks með alls
konar bakgrunn og menntun eru
fjársjóður. Upplýsingar eru gull.
Björt framtíð þorir að leiða hin
stærstu og erfiðustu deilumál til
lykta með gögnum, rannsóknum,
opnu samtali og lýðræðislegum
aðferðum. Við höfum okkar
sannfæringu og stöndum á henni.
En við höfum líka kjark til að
hlusta á aðra.