Víðförli - 01.06.2001, Blaðsíða 3

JUNI 2001
VÍÐFÖRLI
3
is þess sem okkur er nákomið og skiptir okkur máli, hvort
sem um er að ræða ástvini, vini, heilsu, starf eða æru. MáL
stofan er í umsjón sjúkrahúspresta. Þjónusta þeirra beinist
mikið að fólki í sorg og hvernig megi vinna með sorgina.
Umsjón: Sr. Bragi Skúlason og sr. Guðlaug Helga Ásgeirs-
dóttir sjúkrahúsprestar. Kl. 14.30, stofu 4 í Vörðuskóla.
Innflytjendur og samræður milli trúarbragða
Fjölgun innflytjenda
„Þeir sáu þau álengdar og fögnuðu þeim og játuðu, að þeir
væru gestir og útlendingar á jörðinni.“ (Heb. 11:13) Er
fjölgun innflytjenda á Islandi áhætta fyrir kirkjuna og
hvert er hlutverk hennar eða er þetta ný blessun á nýrri
öld? Málið verður sérstaklega skoðað í því samhengi sem
mismunandi trúarbrögð innflytjenda skapa. Málshefjandi:
Sr. Toshiki Toma, prestur innflytjenda. Kl. 10.00, stofu 3 í
Vörðuskóla.
Utfararsiðir annarra trúarbragða
Fjallað verður um áþreifanleg dæmi sem varða málefni
innflytjenda. Samtökin Ný dögun efndu nýlega til máh
þings um sorg og útfararsiði þar sem þetta mál vakti mikla
athygli. Spurt var hvort framandi siðvenjur og hugmyndir
um sorg og útför sem innflytjendur flytja með sér endurnýi
samskipti kirkjunnar við önnur trúarbrögð? Málshefjandi:
Sr.Toshiki Toma, prestur innflytjenda. Innlegg frá málþingi
Nýrrar dögunar. Kl. 11.00, stofu 3 í Vörðuskóla.
Samtal mismunandi trúarbragða á Islandi
Hvers konar trúarbrögð eru iðkuð í þjóðfélagi okkar? Hver
er kjarni þeirra? Hvernig eru samskipti þeirra við þjóðkirkj-
una? Hvernig rækir fólk trú sína hérlendis. Pallborðsum-
ræður fólks af ólíkum trúarbrögðum. Þátttakendur: Akiko
Hasegawa, búddisti frá Japan, Lindita Óttarsson, Bahá’i frá
Albaníu, og Salmann Tamini, formaður Félags múslima á
íslandi. Umræðustjóri: Sr. Kristín Þórunn Tómasdóttir,
héraðsprestur Kjalarnessprófastsdæmis. Kl. 16.00, stofu 3 í
Vörðuskóla.
Trúaruppeldi
Samstarf kirkju og skóla um kristinfræði
Gerð verður grein fyrir niðurstöðum könnunar f grunnskól-
um í Eyjafjarðarprófastsdæmi vorið 2000 um viðhorf og
framkvæmd kennslu í kristinfræðum og dregnar ályktanir
út frá þeim um skólastarf og kirkjustarf. Ennfremur verður
greint frá reynslu af slíkum samstarfsverkefnum annars
staðar (sjá www.ismennt.is/not/gg/Konnun2000/byrja.htm).
Málshefjendur: Guðmundur Guðmundsson, guðfræðingur
og kennari á Akureyri, og Guðlaug Björgvinsdóttir, formað-
ur Félags kennara í kristinfræði, siðfræði og trúarbragða-
fræðum. Kl. 14.30, stofu 7 í Vörðuskóla.
Eru stelpur trúaðri en strákar?
Hvers vegna eru fleiri stelpur en strákar þátttakendur í
kristilegu æskulýðsstarfi? Af hverju biðja stelpur oftar en
strákar? Þurfa heimilin og kirkjan að huga sérstaklega að
þeim mun sem virðist vera á strákum og stelpum í þessu
efni? Fjallað verður um ofangreindar spumingar í ljósi
rannsóknar á trúarafstöðu, trúariðkun og trúarskilningi
grunnskólabarna í 5., 7. og 9. bekk. Umsjón: Gunnar J.
Gunnarsson lektor. Kl. 13.30, stofu 1 í Vörðuskóla.
Vandi strákanna í kirkjunni
Hvernig á að bregðast við þeim ábendingum að kirkjan
þurfi að sinna þörfum drengja betur. Rætt verður um
drengjakreppuna, fyrirmyndir, ímyndir og hugmyndir um
„drengskapinn" í kirkjunni. Málshefjandi: Dr. Sigurður
Árni Þórðarson. Kl. 14-30, stofu 1 í Vörðuskóla.
Trúaruppeldi barna í fjölhyggjuþjóðfélagi
Rætt verður almennt um hlutverk foreldra í trúarlegri upp-
eldismótun og áhrifavalda utan fjölskyldu, svo sem kirkju,
leikskóla, skóla, fjölmiðla o.s.frv. Sérstaklega verður rætt
um vanda sem blasir við trúarlegri uppeldismótun í þjóðfé-
lagi sem einkennst af vaxandi fjölbreytileika að því er
varðar trú, lífsviðhorf og siðferði. Málshefjandi: Sr. Sigurð-
ur Pálsson. Kl. 10.0, stofu 1 í Vörðuskóla.
Trúarþroski barna
Rætt verður um helstu kenningar uppeldis- og sálarfræða
varðandi trúarþroska barna og unglinga og hvað einkennir
hvert þroskaskeið um sig. Þá verður rætt um hvaða gagn
megi hafa af þessari vitneskju varðandi trúaruppeldi og trú-
fræðslu í kirkju og skóla. Málshefjandi: Sr. Sigurður Páls-
son. Kl. 11.00, stofu 1 (Vörðuskóla.
Kirkjustarfið vítt og breitt
Það vex sem að er hlúð - tilgangur og eðli kirkjustarfs
Til hvers erum við að þessu? Hvernig getur kirkjan hlúð að
trúarþroska? Rætt verður um þessar og fleiri spurningar og
leitast við að svara því hvernig kirkjan geti verið þroska-
vænlegt samfélag þar sem fólki gefst tækifæri á að rækta
trú sína. Fyrirlestrar um grundvallaratriði kirkjustarfs. Fyr-
irlesarar: Petrína Mjöll Jóhannesdóttir fræðslufulltrúi og sr.
Þorgrímur Daníelsson á Grenjaðarstað. Kl. 16.00-18.00,
stofu 1 í Vörðuskóla.
Hvers vænti ég af presti mínum?
Hvaða hugmyndir höfum við um prestsþjónustu og presta?
Vita prestar um væntingar íslendinga til þjónustu þeirra?
Eru þær hinar sömu og áður eða hafa þær breyst í tímans
rás? Eru væntingar mismunandi eftir aldri eða búsetu?
Prestafélag íslands gengst fyrir málstofunni og þar hlusta
prestar á hvaða væntingar fólk hefur til þjónustu þeirra - og
allir geta lagt orð í belg! Málshefjendur: Gísli Guðmunds-
son, garðyrkjubóndi að Kaldá á Héraði, Guðrún Ögmunds-
dóttir, háskólanemi Reykjavík, Hrafnhildur Ásta Þorvalds-
dóttir, viðskiptafræðingur Reykjavík, Kjartan Magnússon,
borgarfulltrúi Reykjavík, Kristjana Kjartansdóttir, skóla-
stjóri Garði. Fundarstjórar: Sr. Bára Friðriksdóttir og sr.
Ólafur Jóhannsson. Kl. 16.00, stofu 6 í Vörðuskóla.
Þjónusta djákna
Fjallað verður um guðfræði djáknaþjónustu, sögu hennar,
nýungar í safnaðarstarfi og þjónustu djákna innan stofnana.
Djáknaþjónustan felur m.a. í sér að verja rétt þeirra sem
minna mega sín og styðja þá sem eru einmana, sjúkir eða fé-
lagslega einangraðir. Djákni er meðalgangari milli mismun-
andi hópa í samfélaginu og hann veitir fræðslu og leiðsögn.
Málshefjendur eru djáknarnir: Fjóla Haraldsdóttir, Pétur