Bæjarins besta - 14.05.2003, Blaðsíða 2

2 MIÐVIKUDAGUR 14. MAÍ 2003 Lestu nýjustu fréttir daglega á www.bb.is
ÚTGÁFAN
ISSN 1670 - 021X
Útgefandi:
H-prent ehf.
Sólgötu 9, 400 Ísafjörður
Sími 456 4560,
Fax 456 4564
Ritstjóri:
Sigurjón J. Sigurðsson,
sími 892 5362, bb@bb.is
Blaðamaður:
Kristinn Hermannsson
sími 863 1623
kristinn@bb.is
Ritstjóri netútgáfu:
Hlynur Þór Magnússon
sími 892 2240
hlynur@bb.is
Ljósmyndari:
Halldór Sveinbjörnsson
sími 894 6125,
halldor@bb.is
Ábyrgðarmenn:
Sigurjón J. Sigurðsson og
Halldór Sveinbjörnsson
Fréttavefur: www.bb.is
Önnur útgáfa:
Á ferð um Vestfirði
Umboðsaðilar BB:
Eftirtaldir aðilar sjá um
dreifingu á blaðinu á þétt-
býlisstöðum utan Ísa-
fjarðar: Bolungarvík:
Sólveig Sigurðardóttir,
Hlíðarstræti 3, sími 456
7305. Súðavík: Sólveig
Gísladóttir, Arnarflöt 7, sími
456 4106. Suðureyri:
Deborah Anne Ólafsson,
Aðalgötu 20, sími 898
6328. Flateyri: Gunnhildur
Brynjólfsdóttir, Brimnesvegi
12a, sími 456 7752.
Þingeyri: Anna Signý
Magnúsdóttir, Hlíðargötu
14, sími 456 8233.
RITSTJÓRNARGREIN
Morgungjöfin gleymdist ekkibb.is
pú
lsi
nn
fy
rir
ve
sta
n
Sölustaðir á Ísafirði:
Hamraborg, Hafnarstræti
7, sími 456 3166. Flug-
barinn, Ísafjarðarflugvelli,
sími 456 4772. Bónus,
Ljóninu, Skeiði, sími 456
3230. Bókhlaðan, Hafn-
arstræti 2, sími 456 3123.
Bensínstöðin, Hafnarstræti,
sími 456 3574. Samkaup,
Hafnarstræti 9-13, sími 456
5460. Krílið, Sindragata 6,
sími 456 3556.
Lausasöluverð er kr. 250
eintakið m.vsk. Áskriftarverð
er kr. 215 eintakið. Veittur
er afsláttur til elli- og
örorkulífeyrisþega. Einnig
sé greitt með greiðslukorti.
Flosi Arnórsson stýrimaður frá Ísafirði
Hefur það gott í Dubai
nema hvað honum leiðist
Flosi Arnórsson stýri-
maður á Ísafirði hefur nú
setið í gæsluvarðhaldi í Du-
bai við Persaflóa í rúman
hálfan mánuð, sakaður um
ólöglegan vopnaburð. Hann
hefur það bærilegt ef frelsis-
skerðingin er frátalin enda
munu mannréttindi og með-
ferð handtekinna manna
vera í betra horfi í Samein-
uðu arabísku furstadæmun-
um en víða annars staðar.
Helst er að honum leiðist bið-
in. Hann fær að hringja sem
snöggvast með ákveðnu milli-
bili og raunar oftar en reglur í
fangelsinu segja til um. Flosi
hefur nú fengið lögmann en í
þessari viku á að koma í ljós
hvort ákæra verður gefin út í
málinu.
Meðferð mála virðist vera
fremur hægvirk á þessum
slóðum en þeir sem til þekkja
telja afar ólíklegt að Flosi fái
þungan dóm, verði hann á
annað borð sakfelldur og
dæmdur. Líklegast sé þó að
málið verði látið niður falla.
Ef ákæra verður gefin út má
hins vegar búast við að enn
muni reyna talsvert á þolin-
mæðina hjá Flosa.
Fram hefur komið í fréttum
hérlendis að Flosi hafi verið
fluttur til Abu Dhabi, höfuð-
borgar Sameinuðu arabísku
furstadæmanna, en það er
rangt. Hann var og er enn í
sama flugvallarfangelsinu í
Dubai.
Flosi var handtekinn á flug-
vellinum í Dubai á heimleið
með fjórum íslenskum skips-
félögum sínum eftir að hafa
komið fiskiskipinu Svani RE
til nýrra eigenda. Hann hafði
Flosi Arnórsson stýrimaður.
í fórum sínum gamlan rúss-
neskan riffil úr eigu eins af
skipverjunum á Júlíusi Geir-
mundssyni ÍS. Flosi reyndi
ekki að leyna rifflinum þeg-
ar hann fór í gegnum eftir-
litskerfið á flugvellinum í
Dubai heldur lét vita af hon-
um að fyrra bragði.
Snjóflóðavarnir við Seljaland á Ísafirði
Vesturvélar buðu lægst
Vesturvélar ehf. áttu læg-
sta tilboð í gerð snjóflóða-
varna við Seljaland á Ísafirði
eða 239,7 milljónir króna.
Það eru 69,6% af kostnaðar-
áætlun sem var 344,3 millj-
ónir króna.
Sex tilboð bárust og voru
fimm þeirra undir kostnað-
aráætlun. Aðrir sem buðu í
verkið voru Kubbur ehf.
(269,4 mkr), Íslenskir aðal-
verktakar hf. (316,6 mkr),
Ístak hf. (317,2 mkr), Afrek
ehf. og ET ehf. (329 mkr) og
Suðurverk hf. (354,5 mkr).
Um er að ræða 650 m langan
leiðigarð og níu snjóflóðakeil-
ur. Reiknað er með að verkið
geti hafist um næstu mánaða-
mót og taki tvö ár.
Verkið hefst með því að
gróðurþekja verður fjarlægð
úr garðstæði og flóðafarvegi
og geymd til síðari nota. Leiði-
garðurinn verður byggður að
öllu leyti úr efni á staðnum
sem fæst við gröft og mótun
flóðafarvegar. Þá ber verk-
taka að ganga frá yfirborði
leiðigarðs og flóðafarvegar,
gera göngustíga og nauð-
synlega vegslóða, gera frá-
rennslisskurð og breyta
farvegi Seljalandsár á tveim-
ur stöðum. Þá skal verktaki
leggja nýjan aðkomuveg að
skíðasvæðinu á Seljalands-
dal í gegnum leiðigarðinn.
Loks skal hann ganga frá
lögnum veitustofnana sam-
kvæmt fyrirmælum þeirra.
Ríkisstjórnin hélt velli í kosningunum á laugardaginn. Sjálfstæðisflokkurinn
tapaði umtalsverðu fylgi og fjórum þingmönnum. Framsókn vann „varnarsigur“
eins og það heitir í boltanum þegar menn ná markalausu jafntefli, hélt fastafylginu,
þ.e. þeim kjósendum sem flokkarnir telja sig geta gengið að á garðanum. Frjálslyndi
flokkurinn náði góðum árangri, tvöfaldaði þingmannatölu sína á landsvísu og í
kjördæmi formannsins. Vinstri-grænir stóðu nánast í stað en misstu eigi að síður
mann fyrir borð. Samfylkingin komst yfir „múrinn“ og þar á bæ fjölgaði þing-
mönnum um þrjá. Aðrir höfðu ekki erindi sem erfiði.
Atinu á hringleikasviði stjórnmálanna er lokið að sinni. Við töku hasarmynda
standa hinir vígamóðu ósárir að mestu upp að leik loknum. Eins er í pólitíkinni. Þó
er sá munur á að leikaraskarinn kemst allur á Óskarshátíðina meðan föllnu þing-
mannsefnin híma álengdar.
En það er fleira í spilunum. Morgungjöf Kjaradóms er orðin föst ábót í buddur
embættismanna að loknum þingkosningum.
Morguninn eftir alþingiskosningarnar 1999 vöknuðu nýkjörnir þingmenn upp
við það að Kjaradómur hafði fært þeim morgungjöf í tilefni dagsins; nær þriðjungs
launahækkun, sem ákveðin hafði verið daginn áður, en ekki kunngjörð af einskærri
tillitssemi! Að þessu sinni lá morgungjöfin ekki á náttborðum þingmanna og ann-
arra æðstu embættismanna þjóðarinnar strax að morgni fyrsta dags eftir kosningar,
þótt ákveðin hafi verið á kjördag. Kjaradómur brennir sig ekki tvisvar á sama soð-
inu. Nú var beðið fram á hinn annan dag, þegar mesta víman var runnin af mönnum.
Alvaran tekin við. Viðræður hafnar um stjórnarmyndun. En, nú var reyndar ekki
fyrir að fara fyrri rausn: Hækkun frá tíund að fimmtungi á gildandi laun var nú látin
nægja í stað þriðjungs fyrir fjórum árum. Þrátt fyrir nánasarháttinn verður þó ekki
annað sagt en að Kjaradómur sjái um sína.
Viðræður stjórnarflokkanna eru raunsæ fyrstu viðbrögð við niðurstöðum kosn-
inganna. Hvernig fer skal ósagt látið. Harla ólíklegt er þó að umfang skattalækkana
og breytingar á kvótakerfinu, svo dæmi séu tekin, standi í vegi fyrir endurnýjun
stjórnarsáttmálans. Og eru einhverjar líkur á að til ágreinings komi um leiðarljós
Kjaradóms, sem mælistiku að kjarabótum til annarra þegna þjóðfélagsins?
Bíðum og sjáum hvað setur.
s.h.
Faktorshúsið í Hæstakaupstað á Ísafirði opnað á ný
Næstbesti kaffibarþjónn í
heimi starfar sem gestur
Veitingastaðurinn í Faktors-
húsinu í Hæstakaupstað á Ísa-
firði verður opnaður á ný eftir
vetrarlokun kl. 14 á föstudag.
Þá um kvöldið verður þar við
kaffigerðina Ása Jelena Pett-
erson, sem er ekki aðeins Ís-
landsmeistari kaffibarþjóna
2003 heldur varð hún í öðru
sæti í Heimsmeistarakeppni
kaffibarþjóna sem haldin var
í Boston í síðasta mánuði. Ása
verður einnig við störf í Fakt-
orshúsinu á laugardag, 17.
maí, sem er þjóðhátíðardagur
Norðmanna. Hún er uppalin í
Norður-Noregi en af sænsk-
um ættum og starfar að jafnaði
sem kaffibarþjónn á Kaffitári
í Bankastræti í Reykjavík.
Eins og í fyrra vonast gest-
gjafar í Faktorshúsinu í
Hæstakaupstað til að sjá sem
allra flest norskættað fólk og
tengt Noregi og Norðmönnum
á þjóðhátíðardaginn. Á norð-
ursvæði Vestfjarða hefur
margt manna af norskum
ættum búið um langan aldur.
Má þar minnast á ættarnöfn
eins og Aspelund, Lyngmo,
Hestnes, Lyngmo, Olsen og
Överby og fleiri. Auk þeirra
eru á svæðinu fjölmargir sem
hafa stundað nám í Noregi.
Faktorshúsið í Hæstakaupstað á Ísafirði.
Tónlistarhátíðin Við Djúpið
Haldin á Ísafirði og
í Bolungarvík í júní
Dagana 19.-23. júní nk.
verður haldin tónlistarhátíð og
námskeið á Ísafirði og í Bol-
ungarvík sem ber nafnið „Við
Djúpið“. Aðalskipuleggjend-
ur hátíðarinnar eru þau Pétur
Jónasson, gítarleikari og Guð-
rún Birgisdóttir, flautuleikari,
en auk þeirra koma þar fram
Jónas Ingimundarson, píanó-
leikari og Ólafur Kjartan Sig-
urðarson, baritonsöngvari.
Þau eru öll löngu lands-
þekktir og reyndir tónlistar-
menn og munu kenna í báðum
bæjarfélögunum og halda
ferna stórtónleika auk þess
sem haldnir verða minni tón-
leikar, nemendatónleikar og
aðrar uppákomur og skemmt-
anir.
Meðan á hátíðinni stendur
verður leitast við að kynna
Djúpið fyrir þátttakendum.
19.PM5 18.4.2017, 11:032