Bæjarins besta - 14.05.2003, Blaðsíða 13
MIÐVIKUDAGUR 14. MAÍ 2003 13Lestu nýjustu fréttir daglega á www.bb.is
Svipmyndir frá Alþingiskosningum 2003 í Ísafjarðarbæ
Ólafur Helgi Kjartans-
son, sýslumaður á Selfossi
og áður lengi sýslumaður
á Ísafirði, var kynnir og
gestasöngvari á kosninga-
vöku allra flokka á Vagn-
inum á Flateyri að kvöldi
kjördags. Hljómsveitin
Cor skemmti lét á vökunni
og var lögð áhersla á tón-
list bresku rokkhljóm-
sveitarinnar Rolling Stones,
eins og vænta mátti þegar
Ólafur Helgi átti hlut að
máli. Eins og alþjóð veit er
hann aðdáandi Rolling
Stones númer eitt á Íslandi,
betur að sér en flestir aðrir í
öllu sem varðar sveitina og
hefur sótt fjölmarga tónleika
hennar. Fjölmenni var á
kosningavökunni og tónleik-
unum á Vagninum og
stemmningin prýðisgóð.
Marga eldheita fylgjendur
Rolling Stones er að finna
á norðursvæði Vestfjarða.
Stundum kom fyrir að
sýslumaðurinn þáverandi
tók lagið á skemmtunum
helguðum þessari kraft-
mestu rokksveit allra
tíma.
Gamli sýslumaðurinn
söng á kosningavöku
Ólafur Helgi og Ásgeir Guðmundsson í Cor þenja raddböndin á Vagninum. Mynd: Páll
Önundarson.
Kjörgögn suður
með áætlunarflugi
Síðdegis á kjördag voru
kjörkassar fluttir frá Ísafirði
til Reykjavíkur með áætlunar-
vél Flugfélags Íslands. Þaðan
var þeim ekið upp í Borgarnes
þar sem öll atkvæði úr Norð-
vesturkjördæmi voru talin.
Þess vegna voru atkvæði frá
Vestfjörðum með í fyrstu töl-
um úr kjördæminu en upp-
haflega var áformað að svo
yrði ekki og olli það nokkurri
óánægju.
Eftir að kjörfundi lauk var
flugvél tilbúin á Ísafjarðar-
flugvelli til að flytja kjörgögn
suður í Borgarnes og kom hún
við á Bíldudalsflugvelli og tók
þar kjörkassa. Á öðrum svæð-
um Vestfjarða annaðist lög-
regla söfnun og flutning kjör-
gagna og gekk það allt mjög
vel.
Lögreglan kemur kjörgögnum fyrir í Fokker Flugfélags Íslands
á Ísafirði um kl. 15 á kjördag. Mynd: Þorsteinn J. Tómasson.
Björn Jóhannesson, lögfræðingur og Fylkir Ágústsson, sem eiga sæti í yfirkjörstjórn Ísa-
fjarðarbæjar innsigla kjörgögn í viðurvist lögreglu. Mynd: Þorsteinn J. Tómasson.
Guðjón Arnar með
einkaflugmann
Guðjón A. Kristjánsson,
formaður Frjálslynda flokks-
ins, var sá eini af formönnum
stjórnmálaflokkanna sem
kaus á kjörfundi í heimabyggð
úti á landi. Hann var á ferð og
flugi milli Reykjavíkur og Ísa-
fjarðar og annarra staða í kjör-
dæminu dagana fyrir kjördag
og á kjördaginn sjálfan, eink-
um þó flugi eftir að hann lenti
í því að aka á hest eina nóttina.
Eftir það hafði hann einka-
flugmann til að skutla sér á
milli. Einkaflugmaðurinn var
systursonur hans, útvarps-
maðurinn góðkunni Jóhannes
Bjarni Guðmundsson úr
Hnífsdal, sem um skeið var
flugmaður á Fokkerum Flug-
félags Íslands.
Aðspurður um flugvélina
sagðist Guðjón ekkert spekú-
lera í henni. „Ef hún er með
vængi og Jói Baddi flýgur, þá
er mér alveg sama. Þetta er
eins og með skipstjórann.
Hann ætlast til þess að fólk
treysti honum til að sigla skip-
inu og ég ætla ekki að hafa
áhyggjur af fluginu hjá Jóa
Badda. Flugmennirnir sjá um
flugið“, sagði Guðjón Arnar.
Guðjón Arnar og Jóhannes Bjarni við flugvélina á Ísafjarð-
arflugvelli ásamt Pétri Bjarnasyni fyrrum fræðslustjóra á
Vestfjörðum, sem skipaði fjórða sætið á lista Frjálslyndra.
Hann var með í einni flugferðinni. Mynd: Þorsteinn J.
Tómasson.
19.PM5 18.4.2017, 11:0313