Dagblaðið Vísir - DV - 12.02.2021, Blaðsíða 8
JÓN BALDVIN MÆTTI
DÓTTUR SINNI Í RÉTTARSAL
Mikill hiti var í dómsal í vikunni þegar skýrslutökur stóðu yfir í
meiðyrðamáli Jóns Baldvins Hannibalssonar. Dómari þurfti ítrekað
að hafa afskipti af málsaðilum og munaði litlu að upp úr syði.
F yrri hluti aðalmeðferð-ar fór fram í vikunni í meiðyrðamáli Jóns Bald-
vins Hannibalssonar, fyrrum
sendiherra og utanríkisráð-
herra, gegn dóttur sinni, Aldísi
Schram, Sigmari Guðmunds-
syni og RÚV. Málið varðar út-
varpsviðtal Sigmars og kollega
hans, Helga Seljan, við Aldísi,
sem spilað var á Rás 2 þann 17.
janúar 2019.
Í þættinum sagði Aldís að
Jón Baldvin, faðir hennar,
hefði í fjölmörg skipti sigað
lögreglu á hana og fengið hana
nauðungarvistaða án þess að
sú vistun færi rétta leið í rétt-
arkerfinu. Þá kom einnig fram
í þættinum að Jón Baldvin
hefði framið sifjaspell þegar
hún var fullorðin kona.
Auk aðilanna þriggja í mál-
inu gáfu fimm vitni skýrslur í
málinu, þau Bryndís Schram,
eiginkona Jóns, og dóttir
þeirra, Kolfinna Baldvins-
dóttir, Margrét Schram, systir
Jóns Baldvins, dóttir Margrét-
ar og loks vinkona Aldísar.
Blaðamaður DV var á staðn-
um þegar Jón Baldvin mætti
í dómshúsið við Lækjargötu
ásamt Kolfinnu. Í anddyri
dómshússins mætti Kolfinna
frænku sinni sem komin var
til þess að vitna fyrir Aldísi
og kallaði að henni yfir and-
dyrið: „Ég veit ekki hvað í
andskotanum þú ert að gera
hér.“ Segja má að atvikið hafi
lagt línurnar fyrir daginn.
„Trúði varla mínum
eigin eyrum“
Jón Baldvin hóf leik og sat
undir svörum lögmanns í
tvær klukkustundir. Hafði
dómarinn þá orð á því að dag-
skrá dómsins væri fokin út í
veður og vind. Lýsti Jón upp-
lifun sinni af viðtali Aldísar:
„Ég var varnarlaus, orðlaus,
ég trúði varla mínum eigin
eyrum.“ Jón sagðist vanur
árásum eftir langan feril í
stjórnmálum, en ásakanirnar
á Rás 2, „útvarpi allra lands-
manna“, hafi komið aftan að
honum.
Jón þverneitaði fyrir að
hafa staðið að baki frelsis-
sviptingu Aldísar og sagðist
aðeins hafa staðfest tillögur
lækna. Það hafi hann gert í
umboði Aldísar.
Aldís Schram sagði fram-
burð föður síns, sem hún
kallar þó ekki föður sinn,
alrangan. Flutti hún í löngu
máli rök fyrir því, og vísaði til
fjölmargra gagna um það, að
Jón hefði vissulega átt frum-
kvæðið að því að láta nauð-
ungarvista hana.
„Eldhúsréttarhöldin“ í
sendiherrabústaðnum
Mikið var rætt um meintan
geðsjúkdóm Aldísar í tengsl-
um við nauðungarvistanirnar,
en Aldís sagði greiningar geð-
lækna á sér rangar og illa
að þeim staðið. Það hafi hún
svo fengið staðfest með bréfi
Páls Matthíassonar, forstjóra
Landspítalans, um að skýrslur
lækna sem voru nýttar sem
grundvöllur fyrir nauðungar-
vistanir væru „ekki hafnar
yfir allan vafa“.
Aldís vísaði í þessu sam-
bandi til uppgjörsins milli
hennar og foreldra hennar
árið 2002 í sendiherrabú-
staðnum í Washington D.C.
Hafði Aldís þá heimsótt for-
eldra sína til borgarinnar
með barnungri dóttur sinni
og gistu þær á heimili Jóns og
Bryndísar. Lýsti Aldís því þá
hvernig hún hafi á föstudag-
inn langa það ár „sprungið“
og sagði móður sinni frá því
að hún vissi að Jón Baldvin
hefði verið sakaður um kyn-
ferðisofbeldi. „Ég bara spring
þarna og bunaði þessu út úr
mér og frú Bryndís brást
við grátandi. Þetta var einn
af eftirminnilegustu dögum
lífs míns,“ sagði Aldís í vitna-
stúkunni.
Uppákomuna kallaði Jón
Baldvin „eldhúsréttarhöldin“.
Jón Baldvin var þá kall-
aður heim úr vinnu. „Við
förum upp á efri hæð í sendi-
herrabústaðnum þar sem við
áttum munnlegt einvígi þar
sem hann ýmist sór fyrir þær
sakir eða bar því við að hann
hefði verið fullur.“
Aldís segir sannað að Jón
hafi látið leggja sig inn
Aldís og dóttir hennar flugu
heim til Íslands þar sem við
tók áreiti frá læknum á geð-
deild. „Ég vakna svo við það
að mér sé sagt að Jón Baldvin
hefði kært mig til geðdeildar
Jón Baldvin
ásamt lög-
manni sínum
Vilhjálmi H.
Vilhjálms-
syni í dómsal
Héraðsdóms
Reykjavíkur í
gær.
MYND/
SIGTRYGGUR ARI
Heimir
Hannesson
heimir@dv.is
Jón Baldvin
Hannibalsson
Stefnandi
Aldís
Schram
Stefnda
Sigríður Hulda
Richardsdóttir
Vitni
Bryndís
Schram
Vitni
Kolfinna
Baldvinsdóttir
Vitni
Margrét
Schram
Vitni
Hildigunnur Fönn
Hauksdóttir
Vitni
Sigmar
Guðmundsson
Stefndi
SVONA TENGJAST VITNIN JÓNI BALDVINI
vinkonur
og félagsþjónustunnar,“ sagði
Aldís. Að hennar sögn sanna
sjúkraskýrslur, sem hún fékk
síðar aðgang að, að Jón Bald-
vin og Bryndís hefðu átt frum-
kvæði að því að geðlæknar
höfðu samband við hana. Í
sjúkraskýrslunni kemur fram
að veikindi Aldísar hafi hafist
einmitt á föstudaginn langa.
„Það er náttúrlega augljóst,
herra virðulegur dómari, það
er ekki geðlæknir og spítali
sem hugsar með sér strax:
„Best að nauðungarvista Al-
dísi.“ Hann þarf að fá einhverj-
ar upplýsingar. Atburðarásin
er einmitt þannig að það er
fyrst Jón Baldvin eða Bryndís
sem hefur samband. Ég vissi
þá ekki hvers lags foreldra ég
ætti. Ég vissi ekki að þau væru
að bera í mig gegndarlausa
geðveiki,“ sagði Aldís.
Spennuþrungið
andrúmsloft í réttarsal
Kolfinna Baldvinsdóttir hafði
aðeins setið í vitnastúku í
nokkrar mínútur þegar hún
kallaði systur sína „djöfulinn
í mannsmynd“. Nokkrum mín-
útum síðar greip Aldís orðið
af systur sinni og spurði dóm-
arann hvort hann ætlaði að
láta lygarnar í henni yfir sig
ganga. Bað dómarinn Aldísi
um að hafa sig hæga og leyfa
vitninu að svara spurningum
lögmanna í friði.
Ljóst var að köldu andaði á
milli systranna og má segja
að soðið hafi upp úr þegar
systurnar tóku báðar stefn-
una á dyragætt réttarsalar-
ins og rákust á hvor aðra af
talsverðu afli. Kolfinna féll
við og þurfti að grípa í hurð-
ina til að halda jafnvæginu.
Mátti heyra Aldísi kalla að
systur sinni: „Þú ert svo við-
bjóðsleg.“ Kolfinna svaraði
um hæl: „Á ég að segja þér
hvað þú ert?“
Síðari hluti aðalmeðferð-
arinnar er á dagskrá í dag,
föstudag. Málið verður svo
dómtekið, eins og sagt er.
Dóms er að vænta eftir að há-
marki fjórar vikur. n
systur
8 FRÉTTIR 12. FEBRÚAR 2021 DV