Fréttablaðið - 17.02.2021, Síða 6

Það er ekkert
kraftaverk á ferð-
inni hér.
Dr. Shahid Jameel
veirufræðingur
INDLAND COVID-19 faraldurinn er
á niðurleið á Indlandi samkvæmt
fréttum frá Associated Press og
BBC. Nú greinast um 11 þúsund
ný smit á dag í landinu en voru 100
þúsund á dag þegar faraldurinn
stóð sem hæst.
Í miðri síðustu viku voru engin
dauðsföll skráð í meira en helmingi
28 fylkja Indlands og á þriðjudag
var ekkert dauðsfall skráð í Delí í
fyrsta sinn í 10 mánuði.
Alls hafa greinst tæplega 11
milljón smit í Indlandi og meira en
155.000 dauðsföll, þó vísindamenn
telji að dauðsföll séu f leiri en opin-
berar tölur gefa til kynna.
Faraldurinn var sérstaklega
slæmur síðastliðið haust og voru
virk smit milljón í september 2020.
Í nóvember sama ár voru 90 prósent
allra gjörgæsluplássa með öndun-
arvél upptekin í höfuðborginni
Nýju-Delí en aðeins 16 prósent á
þriðjudaginn í síðustu viku.
Indverska ríkisstjórnin hefur
viljað rekja niðursveif luna til
árangurs í sóttvarnaaðgerðum en
grímuskylda er á almannafæri í öllu
landinu.
Ýmsir sérfræðingar vilja þó
meina að ekki sé hægt að rekja
orsökina til þess, þar sem greina
megi hana þvert yfir landið, jafnvel
þar sem grímunotkun sé ábótavant.
Ekki sé heldur hægt að rekja niður-
sveif luna til bólusetninga þar sem
Indverjar hafi ekki hafið þær fyrr
en í janúar.
Einhverjir vilja rekja þetta til
hjarðónæmis en það er sagt verða
að teljast afar ólíklegt þar sem nýj-
ustu rannsóknir á mótefnum bendi
aðeins til þess að 21 prósent fullorð-
inna og 25 prósent barna hafi þegar
sýkst af veirunni.
„Orsakasamhengið liggur ekki
fyrir, en við vitum að Indland sem
þjóð er langt frá því að öðlast hjarð-
ónæmi,“ segir Bhramar Mukherjee,
prófessor í lífmælingum og faralds-
fræði við Háskólann í Michigan.
Ein tilgáta er sú að Indverjar séu
betur í stakk búnir til að takast á
við COVID-19 vegna þess hversu
útsettir þeir eru fyrir öðrum smit-
sjúkdómum á borð við kóleru,
taugaveiki og berkla en ekkert
hefur þó verið staðfest í þeim
efnum.
Þó að faraldurinn sé á undan-
haldi á Indlandi er ljóst að of
snemmt er að hrósa happi. Sumir
sérfræðingar óttast að smit muni
aukast með komu monsúntíma-
bilsins sem byrjar í júní og markar
upphaf f lensutímabilsins í landinu.
Aðrir telja  jafnvel að ekkert
óvanalegt sé við niðursveif luna
sem endurspegli kúrfu faraldursins
víðs vegar um heim.
„Það er ekkert kraftaverk á ferð-
inni hér,“ segir veirufræðingurinn
Dr. Shahid Jameel. – þsh
Sérfræðingar undrast
indverska niðursveiflu
Niðursveifla COVID-19 faraldursins á Indlandi vekur furðu sérfræðinga. Engin
dauðsföll voru skráð í rúmum helmingi indverskra fylkja í síðustu viku. Ekk-
ert dauðsfall vegna veirunnar var í Delí á þriðjudag í fyrsta sinn í tíu mánuði.
 Mótmælt með hljóðfærum í Mjanmar
Hópur mótmælenda lék á hljóðfæri fyrir utan bandaríska sendiráðið í Yangon í Mjanmar í gær og mótmælti þannig á friðsamlegan hátt valdaráni
hersins í byrjun febrúar og því að lögð var fram ákæra gegn Aung San Suu Kyi, leiðtoga landsins, í annað sinn. Þúsundir hafa mótmælt í Mjanmar
undanfarna daga og eiga mót mælendur yfir höfði sér allt að tuttugu ára fangelsis dóm ef þeir standa í vegi fyrir her landsins. FRÉTTABLAÐIÐ/GETTY
Sextíu pör voru vígð á einu bretti í Kolkata á sunnudag. FRÉTTABLAÐIÐ/GETTY
VARNARMÁL Norðmenn munu sinna
loftrýmisgæslu í mars með F-35 orr-
ustuþotum sínum, en norski f lug-
herinn frumsýndi orrustuþotuna
á Íslandi fyrir ári síðan. Er þetta í
sjötta skiptið sem Norðmenn vakta
íslenska lofthelgi en hin skiptin voru
árið 2009, 2011, 2014, 2016 og 2020.
130 manns fylgja orrustuþotun-
um, bæði hermenn og annað starfs-
fólk. Mun það vinna í samstarfi við
starfsfólk Landhelgisgæslunnar og
Keflavíkurflugvallar.
Nokkur spenna hefur verið á
norðurslóðum undanfarið. Í síðustu
viku greindi Fréttablaðið frá því að
þotur norska flughersins hefðu bægt
tveimur rússneskum sprengjuvélum
frá í Noregshafi, sem virtust stefna á
Ísland. Hugsanlegt er að Rússar hafi
verið að senda NATO skilaboð um
loftrýmisgæsluna og herhæfingar
bandaríska f lughersins í Noregi í
næsta mánuði. – khg
Norski flugherinn kemur
aftur til landsins í mars
Orrustuþota af gerðinni F-35. FRÉTTABLAÐIÐ/GETTY
AUSTURLAND Hættustigi var lýst
yfir á Seyðisfirði í gær vegna hættu á
skriðuföllum og voru ákveðin svæði
í bænum rýmd. Rýmingu var lokið
klukkan sjö í gærkvöldi en sam-
kvæmt upplýsingum frá lögregl-
unni á Austurlandi voru 46 heimili
rýmd og hundrað manns var gert að
yfirgefa heimili sín.
Fjöldahjálparstöðin í Herðubreið
verður opin eins og þörf þykir og
búist var við um fimmtíu manns í
kvöldmat þar í gær. Staða rýmingar
verður endurmetin í dag en búist er
við hægt kólnandi veðri á miðviku-
dag og á fimmtudag verður aftur
komið frost til fjalla. Rýmingin var
gerð í varúðarskyni þar sem óvissa
ríkir um stöðugleika hlíðanna í
Botnabrún eftir skriðuföllin í des-
ember 2020 og það hvernig jarðlög
bregðast við ákafri úrkomu. Spáð
er að uppsöfnuð úrkoma á Seyðis-
firði geti jafnvel orðið yfir 60 milli-
metrar sem leggst við 70 millimetra
úrkomu. – bdj/uö
Hundrað manns gert að
yfirgefa heimili sín
46 heimili voru rýmd á
Seyðisfirði og hundrað
manns gert að yfirgefa
heimili sín.
Í síðustu viku bægði
norski flugherinn tveimur
rússneskum sprengjuvélum
frá í Noregshafi
Marsjeppinn Þrautsegja. MYND/NASA
TÆKNI Marsjeppinn Þrautseigja, eða
Perseverance á ensku, lendir á Mars
næsta fimmtudag, þann 18. febrúar,
eftir sjö mánaða ferðalag frá jörð-
inni, allt samkvæmt áætlun. Þraut-
seigja mun leita að ummerkjum
lífs á botni ævaforns, uppþornaðs
stöðuvatns í gíg sem heitir Jezero.
Þyrlan Hugvit, eða Ingenuity,
lendir á rauðu plánetunni með
Marsjeppanum en með henni ætlar
mannkynið að framkvæma sína
fyrstu tilraun með loftfari á ann-
arri plánetu.
Lendingin tekur sjö mínútur og
kalla verkfræðingar NASA þennan
glugga „sjö mínútur í helvíti“. Geim-
farið mun koma inn í lofthjúp Mars
á tæplega tuttugu þúsund kílómetra
hraða og verður að hægja niður í 2,7
kílómetra hraða til þess að geta lent
farinu. Margt getur farið úrskeiðis
og er ekki hægt að stýra farinu í
rauntíma, þar sem upplýsingar taka
ellefu mínútur og 22 sekúndur að
berast frá Mars til jarðar. – ilk
Lenda á Mars
á fimmtudag
1 7 . F E B R Ú A R 2 0 2 1 M I Ð V I K U D A G U R6 F R É T T I R ∙ F R É T T A B L A Ð I Ð