Heilbrigðisskýrslur - 01.12.1977, Page 178

176
mælum frá ýmsum vinnustöðum, þar sem álitin var þörf á sérfræðilegri
aðstoð, og var þá sem fyrr hafður með í ráðum efnaverkfræðingur. Eins
og undanfarin ár var lagt til margs konar efni í fræðsluskyni, þar á
meðal nýr bæklingur um heilsufarslega áhættuþætti á bifreiðaverkstæðum.
Undirbúin var endurskoðuð útgáfa af bæklingnum Hávaði á vinnustað, og
verður hann tilbúinn til dreifingar í janúar 1978. Ennfremur var unnið
að þýðingu á fræðslukvikmynd um hávaða og heyrnartjón, og verður leitast
við að setja við kvikmyndina íslenskan texta. Fram var haldið athugunum
á blýsvörun í blóði starfsmanna, sem vinna við framleiðslu, þar sem blý
er notað, og einnig var starfsfólki á vinnustöðum vísað til ýmiss konar
læknisskoðunar, eftir því sem við átti.
Starf félagsráðgjafa
Félagsráðgjafi hóf störf við H.R. um miðjan september 1977.
Heimahjúkrun
Heimahjúkrun fengu á árinu 373 sjúklingar eða 1 fleiri en árið áður.
Af þeim voru 157 nýir. Vitjanir voru alls 18148 eða 1295 fleiri en árið
áður. Unnt var að sinna öllum beiðnum sem bárust.
Fræðslustarfsemi fyrir almenning
Námskeið fyrir verðandi foreldra hófust að nýju og voru fimm á árinu.
Efni fyrirlestranna var sem hér segir: Líkamsæfingar og slökun, nytsemi
þeirra á meðgöngutíma og í fæðingu. Mataræði. Mikilvægi rétts matar-
æðis. Öndun og gangur fæðingar. Gildi öndunar í feeðingu. Brjóst og
meðferð þeirra. Undirbúningur fyrir heimkomu barnsins. Sýnikennsla á
böðun barnsins. Meðferð ungbarna. Þjónusta barnadeildar Heilsuvernar-
stöðvar Reykjavíkur.