Bæjarins besta - 19.12.1997, Síða 20

20 FÖSTUDAGUR 19. DESEMBER 1997
Vestfirzkir slysadagar
1880-1940
er ómissandi uppflettirit
fyrir vestfirsk heimili
og fyrirtæki
Fæst í bókaverslunum
Starfshópur framsóknarmanna á Vestfjörðum
5% opinberra starfa verði
unnin sem fjar-
störf árið 2007
Í framhaldi af fundi for-
manns og þingflokks Fram-
sóknarflokksins á Ísafirði og
Patreksfirði s.l. sumar, hefur
starfshópur framsóknar-
manna á Vestfjörðum sett fram
hugmyndir sínar og sjónarmið
í byggðamálum.
Í minnisblaði starfhópsins
segir að fjölmargar byggðir
standi nú frammi fyrir al-
varlegri stöðu í kjölfar umtals-
verðrar fækkunar íbúa. Ljóst
þyki að ríkisvaldið eitt og sér
geti ekki komið í veg fyrir
frekari byggðaröskun. Vald-
svið Alþingis og stjórnmála-
manna til að grípa inn í
atburðarrásir með beinum
aðgerðum virðist stórlega
skert frá því sem áður var.
„Meðal íbúa í þéttbýli ber
nú meira á óþoli en áður
gagnvart sértækum aðgerðum
sem ætlaðar eru til að rétta
hlut landsbyggðar og því erf-
iðara en áður að ná samstöðu
um slíkar aðgerðir. Sú stað-
reynd verður heldur ekki um-
flúin að fólksflótti úr dreifbýli
til þéttbýlis á sér stað þrátt
fyrir bættar samgöngur og og
samfélagslega þjónustu í
dreifbýli. Orsaka vandans og
lausna verður því að leita víðar
en hjá ríkisvaldinu.“
Einhliða glansmynd
fjölmiðla af þéttbýlinu
Starfshópurinn bendir á að
„Fjórða valdið“ í samfélaginu,
fjölmiðlar, dragi oft upp mjög
einhliða glansmynd af lífi
þéttbýlisbúa, meðan líf og
störf landsbyggðarfólks eru
túlkuð á minna spennandi
hátt. Ljóst sé að stjórnvöld
eigi enga möguleika á að
bregðast gegn slíkri „sköpun
ímyndar.“ Lausnin á þeim
þætti vandans liggi fyrst og
fremst hjá íbúum landbyggð-
arinnar sem verði að samein-
ast um að skapa jákvæða
ímynd af sínu nánasta um-
hverfi.
Starfshópurinn telur að
nálgast beri lausn vandans
eftir þremur megin leiðum.
Með sköpun jákvæðrar
ímyndar af lífi og störfum á
landsbyggðinni, á vettvangi
sveitarstjórna og á vettvangi
Alþingis og þjóðmála. Lagt
er til að komið verði á vinnu-
hópi með fulltrúum þing-
flokks og fulltrúa úr öllum
landsbyggðarkjördæmum,
sem setja myndi upp vinnu-
áætlun þar sem lýst yrði
hvernig standia skuli að
sköpun jákvæðs viðhorfs
meðal landsbyggðarfólks til
búsetu í heimabyggð. Jafn-
framt er lagt til að sett verði af
stað víðtæk skoðun meðal
sveitarstjórna á hvern hátt þær
geti lagt sitt af mörkum til að
skapa íbúum landsbyggðar-
innar umhverfi sem orðið gæti
mótvægi við höfuðborgar-
svæðið.
Starfshópur vestfirskra
framsóknarmanna telur að í
stað prósentuskiptingar sem
nú ræður skiptingu vegafjár á
kjördæmi, verði leitað sam-
stöðu um ný viðhorf við skipt-
ingu vegafjár, með sérstöku
tilliti til þess að vegasam-
göngur verði tryggðar allt árið
milli þéttbýlissvæða landsins.
Sett er fram hugmynd um
byggðarstyrki til afskekktra
byggðarlaga þar sem sveitar-
stjórn væri í sjálfsvald sett
hvernig styrknum yrði varið,
t.d. til veiðiheimilda, greiða
kostnað við snjómokstur, eða
til að laða að kennara til starfa.
Einn milljarður króna í
fyrirtæki á landsbyggðinni
Vakin er athygli á að sam-
þykkt hefur verið að setja einn
milljarð króna í hlutafjársjóð
sem eingöngu er ætlað að
leggja fram hlutafé í fyrirtæki
á landsbyggðinni með sér-
stakri áherslu á uppbyggingu
rekstrar sem byggir á hátækni.
Sjóðurinn tekur til starfa um
næstu áramót en samhliða
honum tekur til starfa Ný-
sköpunarsjóður atvinnulífsins
sem mun hafa fjóra milljarða
króna í eigið fé. Starfshópur-
inn hvetur landbyggðarfólk til
að bera sig eftir fjármunum úr
sjóðnum sem fyrst eftir stofn-
un hans.
Fleiri hugmyndir er settar
fram á minnisblaði starfs-
hópsins, en hann vekur sér-
staka athygli á þeim tækifær-
um sem landbyggðinni hafa
opnast með tilkomu nýrrar
tölvu- og fjarskiptatækni. Sett
er fram hugmynd um þróun
fjarstarfa, að ákveðið verði að
ákveðin prósenta af heildar-
fjölda opinberra starfa verði á
hverjum tíma veitt fólki sem
býr á landsbyggðinni, sem
sinni starfi sínu þar með
aðstoð tölvu og nútíma fjar-
skiptatækni.
„Markmiðin gætu verið:
Tvö opinber störf verði færð
með þessum hætti yfir í hvert
landbyggðarkjördæmanna og
næsta eitt og hálft ár notað til
að meta hvernig til tekst. Á
grundvelli þeirrar reynslu
verði stefnan á næsta kjör-
tímabili sett á það að 2% allra
opinberra starfa verði færð út
á landsbyggðina og að árið
2007 verði ekki færri en 5%
opinberra starfa unnin sem
„fjarstörf.“
Sú óvissa sem ríkir víða í
tengslum við hugsanlega sölu
aflaheimilda úr byggðarlag-
inu hefur orðið til að ýta undir
brottflutning fólks af viðkom-
andi svæðum. Starfshópurinn
telur að draga verði úr þeirri
óvissu sem heimild til fram-
sals aflaheimilda hefur í för
með sér fyrir þá sem eiga allt
undir því að sjávarfangi verði
áfram landað til vinnslu í
heimabyggð.
Viðskiptavaki auð-
veldar sölu eigna
Starfshópurinn vill að kann-
að verði hvort núverandi lög
og reglugerðir séu ívilnandi
fyrir sjófrystingu samanborið
við landfrystingu.
Athyglisverðar eru hug-
myndir starfshópsins um
svokallaðan Viðskiptavaka-
sjóð. Slíkir sjóðir yrðu stað-
settir í öllum kjördæmum og
myndu kaupa fasteignir þegar
verð þeirra færi niður í ákveð-
ið lágmark, en seldu aftur á
hærra verði þegar markaður-
inn jafnaði sig að nýju. Verð-
bréfafyrirtæki eru fyrirmynd
Viðskiptavakasjóðsins sem
gera myndi húseiganda kleift
að selja þegar markaðurinn
væri í lægð að því metnu hvort
hann tæki lágmarkstilboði
Viðskiptavakans eða biði eftir
aukinni eftirspurn. Að mati
starfshópsins er grundvallar-
atriði að fasteignareigandi á
landsbyggðinni hefði val sem
í mörgum tilvikum er ekki til
staðar í dag.
Á Suðureyri, sem og víðast á Vestfjörðum, hefur húseigend-
um gengið illa að selja hús sín. Athyglisverðar eru hugmyndir
starfshópsins um svokallaðan Viðskiptavakasjóð. Slíkir sjóð-
ir yrðu staðsettir í öllum kjördæmum og myndu kaupa
fasteignir þegar verð þeirra færi niður í ákveðið lágmark,
en seldu aftur á hærra verði þegar markaðurinn jafnaði sig
að nýju.