Börn og menning - 01.09.2004, Blaðsíða 37

IBBY fréttir
35
Heimsþing í Höfðaborg
Heimsþing IBBY-samtakanna var að þessu
sinni haldið í Höfðaborg í Suður-Afríku
dagana 5.-9. september síðastliðinn. Þótt
um langan veg væri að fara vorum við fjórar
stöllurnar sem flugum frá íslandi að morgni
4. september:
Sólveig Ebba Ólafsdóttir, formaður IBBY á
íslandi, Iðunn Steinsdóttir, varaformaður,
Kristín Steinsdóttir, rithöfundur, sem
IBBY á íslandi hafði tilnefnt á heiðurslista
samtakanna þetta árið fyrir bókina Engill I
Vesturbænum, og undirrituð. Það tók okkur
u.þ.b. sólarhring að komast á áfangastað sem
liggur nánar tiltekið nálægt 30° suðlægrar
breiddar en þar er nú vor í lofti. Höfðaborg
stendur við lítinn flóa við Atlantshafið og
er fjallið Table Mountain helsta kennileiti
borgarinnar. Borgin er byggð alveg að
rótum fjallsins sem er ívið hærra en Esjan.
Borgarbúar eru á milli 4 og 5 milljónir.
Heimsþingið hófst að kvöldi 5. september
með hátíðardagskrá og afhendingu H.C.
Andersen verðlaunanna. Martin Waddell
og Max Velthuijs, handhafar verðlaunanna,
héldu báðir glimrandi góðar ræður og þegar
gestir gengu út úr salnum stóðu félagar
úr IBBY í Hollandi í dyrunum og færðu
hverjum og einum bók að gjöf eftir landa
sinn Velthuijs. Kom þessi höfðingskapur
skemmtilega á óvart auk þess sem bókin var
hin besta kvöldlesning þegar heim á hótel var
komið.
Næsta morgun hófst eiginleg dagskrá
þingsins undiryfirskriftinni „Booksfor Africa"
og var boðið upp á fyrirlestra, vinnustofur,
pallborðsumræður o.fl. næstu þrjá daga
frá kl. 9 á morgnana til kl. 5 síðdegis.
Eins og gefur að skilja var hinum afrísku
þinghöldurum mikið í mun að kynna fyrír
þinggestum aðstæður í barnabókageiranum
í Afríku, þar sem víða ríkir gífurleg fátækt
auk þess sem fjöldi tungumála í sumum
löndunum gerir mönnum enn erfiðara um
vik.
Ýmislegt var einnig til gamans gert
en í því sambandi vil ég sérstaklega
nefna sagnaskemmtun sem var í
hádegisverðarhléum. Var gestum þá boðið
að segja sögur upp á gamla mátann (ekki
lesa) og virðist þessi forna list lifa góðu lífi
víða um heim ef marka má þátttökuna.
Á mánudeginum var heiðurslisti IBBY-
samtakanna kynntur og biðum við íslensku
konurnar eftir þeim atburði með nokkurrí
eftirvæntingu enda eini dagskrárliðurinn
þar sem við áttum fulltrúa. Lena Maissen,
fyrrverandi framkvæmdastjóri IBBY, byrjaði
á því að kynna heiðurslistabækurnar og
síðan voru allir viðstaddir sem áttu verk á
heiðurslistanum kallaðir upp á svið til að taka
við viðurkenningu. Það var að sjálfsögðu
skemmtileg stund fyrir okkur þegar Kristín
Steinsdóttir tók við sinni viðurkenningu og
ekki var síður gaman að sjá íslensku bækurnar
innan um aðrar heiðurslistabækur sem stillt
var upp á einum gangi þingstaðarins. Fyrir
utan Engil I Vesturbænum með gullfallegum
myndskreytingum Höllu Sólveigar Þorgeirs-
dóttur voru þar Krakkakvæði eftir Böðvar
Guðmundsson og Áslaugu Jónsdóttir, sem
var tilnefnd fyrir myndskreytingarnar, og
þýðing Guðna Kolbeinssonar á Artemis Fowl.
Virtist okkur sem íslensku bækurnar stæðu
öðrum ekkert að baki hvað varðar útlit og
frágang nema síður væri.
Á þessum sama gangi mátti sjá verk eftir
handhafa H.C. verðlaunanna og var mikið um
að gestir færu þangað milli dagskráratriða til
að skoða bækur. Við höfðum haft með
okkur að heiman dálítið af kynningarefni um
íslenskar barnabækur sem við stilltum upp
þarna og var það fljótt að hverfa.
Þingið sóttu 573 gestirfrá 69 löndum, þar
af komu 30 frá Norðurlöndunum. Að venju
var haldinn norrænn fundur til að stilla saman
strengi fyrir aðalfundinn þar sem stjórnarkjör
Sólveig Ebba Ólafsdóttir, Guðlaug Richter, Iðunn Steinsdóttir, Kristin Steinsdóttir