Félagstíðindi Starfsmannafélags ríkisstofnana - 10.03.2002, Blaðsíða 21

Skýrsla sljórnar SFR 2 0 0 1 IB|
alfundar 23. mars 2002
Fjölskyldan og samfélagið
Aðalfundur SFR vekur athygli á að þrátt fyrir að skatt-
byrði hér á landi sé lægri en í flestum viðskiptalöndum
okkar og umtalsverð tekjujöfnun eigi sér stað í gegn um
skattakerfið þá er ennþá óleystur sá mikli vandi að fólk
með lágar millitekjur og þunga framfærslubyrði verður
harðast fyrir barðinu á jaðaráhrifum skatta- og bóta-
kerfis.
Aðalfundur SFR skorar á ríkisstjórnina að skera upp
herör gegn svartri atvinnustarfsemi og koma þannig í
veg fyrir að sífellt minni hluti landsmanna greiði til sam-
félagsins.
Aðalfundur SFR fagnar framkominni þingsályktunar-
tillögu um að tryggja betur rétt foreldra til launa í fjar-
veru úr vinnu vegna veikinda barna og skorar á Alþingi
að veita tillögunni brautargengi. Með samþykkt hennar
yrði stigið stórt skref til að bæta aðstæður barnafólks á
vinnumarkaði.
Félagsmál-símenntun
Aðalfundur SFR lýsir ánægju sinni með þann árangur
sem náðst hefur á sviði starfs- og símenntunar fyrir fé-
lagsmenn. (sífellt flóknara samfélagi eru gerðar auknar
kröfur til starfsmanna sem best verður mætt með fjöl-
breyttri starfs- og símenntun og þar hefur félagið verið í
fararbroddi. í Ijósi þessa er nauðsynlegt að standa vörð
um starfsmenntunarsjóðina og efla þá enn frekar.
Þá fagnar fundurinn einnig þeim áfanga sem náðst
hefur í baráttunni fyrir auknum réttindum félagsmanna
með stofnun Styrktar- og sjúkrasjóðs SFR.
Aðalfundur SFR vill að aukin áhersla verði lögð á
fræðslu trúnaðarmanna og í því sambandi verði rýmk-
aður réttur þeirra til fjarvista frá vinnu vegna trúnaðar-
mannastarfa og að núverandi sjö daga tímabil verði
lengt.
Fundurinn lýsir ánægju sinni með trúnaðarmanna-
fræðslu sem veitt er í samstarfi við Starfsmannafélag
Reykjavíkurborgar og hvetur trúnaðarmenn til að taka
þátt í fræðslunni.
Verkalýðsbaráttan -alþjóðleg
mannréttindabarátta
Baráttan um bætt kjör og réttindi er ekki einskorðuð við
fsland. Þessi barátta er alþjóðleg, hún er háð í okkar
heimshluta og hún er háð í fjarlægum löndum. Við vilj-
um í verki sýna bræðrum og systrum sem heyja mann-
réttindabaráttu í nafni verkalýðshreyfingar stuðning.
Mikilvægi fjölþjóðlegs samstarfs hefur verið að
aukast, m.a á sviði vinnumarkaðsmála, og mun í fyrir-
sjáanlegri framtíð ráða miklu um þróunina hér á landi.
Það felur í sér hættur en líka möguleika fyrir íslenskt
launafólk. SFR krefst þess að íslensk stjórnvöld beiti sér
fyrir því að verkalýðshreyfingin og önnur frjáls félaga-
samtök, eftir því sem við á, komi að borðinu þar sem
fjallað er um ákvarðanir um þróun, skipulag og reglur
hins alþjóðlega efnahagskerfis.
ísland og Evrópa
íslenskt launafólk hefur margvísleg samskipti við samtök
launamanna í öðrum ríkjum. Á vettvangi Evrópu erum
við í margþættu samstarfi sem leitt hefur til þess að
verkalýðshreyfingin í Evrópu hefur átt auðveldara með
sókn og vörn gagnvart sífellt fjölþjóðlegra ríkisvaldi og
atvinnurekendum sem í vaxandi mæli eru skipulagðir
þvert á landamæri. Evrópusambandið er mikilvægasti
samningsvettvangur Evrópuríkja. Við eigum sjálfkrafa
aðild að flestum samningum en höfum nær engin áhrif
á gerð laga, reglugerða og tilskipana sem þó öðlast
gildi á íslandi. Ljóst er að á næstu misserum verður um-
ræðan um EES-samninginn og Evrópuaðild fyrirferðar-
mikil. Það er afar nauðsynlegt að umræðan verði háð á
grundvelli einstaklingsréttar, félagaréttar og mannrétt-
inda en ekki einvörðungu á efnahagslegum forsendum.
Þess vegna hvetur aðalfundurinn verkalýðshreyfinguna
til þátttöku í umræðunni. Þannig getur hún haft mikils-
verð áhrif á þann feril ákvarðana sem framundan er.
Félagstfðindi - mars 2002
21