Fréttablaðið - 30.03.2021, Side 44

ÞAÐ ER MJÖG LÍTIL
EFTIRSPURN Á MÉR Á
ÍSLANDI OG ÉG ER EKKI SPÁ-
MAÐUR Í MÍNU FÖÐURLANDI.
AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Lengstu kaflarnir í bókinni eru um Friedrich von Hayek og Milton Friedman sem eru tveir af fimm í bókinni sem
Hannes kynntist persónulega. Hinir eru Karl Popper, James M. Buchanan og Robert Nozick. FRÉTTABLAÐIÐ/ERNIR
Hu g v e i t a n N e w Direction í Brüssel hefur gefið út bók-ina Twenty-Four C o n s e r v a t i v e -Liberal Thinkers
eftir stjórnmálafræðiprófessorinn
Hannes Hólmstein Gissurarson
en eins og titillinn gefur til kynna
fjallar hann þar um á þriðja tug
íhaldssamra frjálshyggjukarla og
eina konu, Ayn Rand.
„Ég var nú beðinn um að skrifa
þetta og svo varð þetta nú að heilli
bók og meginstefið, eða boðskap-
urinn, í bókinni er að frjálslyndi
og íhaldssemi þurfa ekkert að vera
neinar andstæður. Og þær eru ekki
andstæður ef íhaldssemin er fólgin
í að reyna að halda í frelsið,“ segir
Hannes.
Sjálfur Snorri Sturluson er fyrsti
hugsuðurinn sem þú tekur fyrir í
bókinni. Hvernig tekst þér að draga
hann í þennan f lokk?
„Ja, ef þú lest rit Snorra Sturlu-
sonar; Heimskringlu, Eddu og Eglu,
þá sérðu að þar ber mjög mikið á
tortryggni gagnvart konungsvaldi.
Þannig að ég held að Snorri Sturlu-
son sómi sér mjög vel sem einn af
frumkvöðlum frjálshyggjunnar þó
að frjálshyggjan verði ekki til sem
stjórnmálastefna fyrr en með bylt-
ingunni 1688 í Bretlandi.“
Íslensk áhrif
Hannes hafði sínar ástæður þegar
hann fékk skopmyndateiknarann
Halldór Baldursson til þess að gera
kápumynd bókarinnar. „Mér finnst
hann nú bara mjög góður teiknari
og mér fannst að það væri dálítið
gaman ef að við Íslendingar gætum
lagt eitthvað til þessarar bókar.
Kaf linn um Snorra Sturluson
er auðvitað eitt dæmið. Teikning
Halldórs Baldurssonar er annað
dæmið og þriðja dæmið er að ég
vík á nokkrum stöðum að Íslandi
og tek íslensk dæmi. Þá kannski til
þess að reyna að bæta einhverju við.
Einhverju sjónarhorni sem enginn
annar hefur.
Ég held að margt af því sem ég er
að segja í þessari bók hafi komið
fram víða annars staðar en það er
tvennt sem hvergi kemur fram ann-
ars staðar. Það er í fyrsta lagi þetta
íslenska sjónarhorn og í öðru lagi
persónuleg kynni mín af fimm af
þessum mönnum sem ég skrifa um,“
segir Hannes og nefnir sérstaklega
þá Friedman og Hayeck.
Heimildagildi minninganna
„Þeir sögðu mér margt sem var mjög
merkilegt og greyptist í minni mér
og síðan auðvitað var Friedman
náttúrlega svo skemmtilegur og
orðheppinn að mér fannst rétt að
færa í letur margt af því sem hann
sagði.“
Þér leiðist nú ekkert þegar þú
get ur komið að persónuleg um
kynnum og þú „neimdroppar“ svo-
lítið í bókinni.
„Ég velti þessu mikið fyrir mér.
Hvort ég ætti að segja frá persónu-
legum kynnum mínum af þessum
mönnum mörgum,“ segir Hannes og
leggur mikla áherslu á að þetta hafi
kostað hann mikla yfirlegu.
„En ég komst að þeirri niður-
stöðu að ég ætti að gera það því það
getur verið að það bæti einhverju
við vitneskju okkar og þekkingu
um þá. Þannig að bókin verði eitt-
hvað annað og meira heldur en
bara endurtekning á því sem hefur
komið fram í ótal öðrum bókum og
sannleikurinn er sá að ég kynntist
vel mörgum þessara manna.“
Upphefð að utan
Bókin er á ensku eins og reyndar
miklu fleiri greinar og bækur Hann-
esar á undanförnum árum enda
virðist eftirspurnin eftir Hann-
esi meiri úti í hinum stóra heimi.
„Það er mjög lítil eftirspurn á mér á
Íslandi og ég er sko ekki spámaður
í mínu föðurlandi. En það getur vel
verið að ég sé spámaður þegar er
komið út fyrir föðurlandið. Ég skal
bara ekki um það segja. Ætli það
komi ekki bara í ljós með þessari
bók,“ segir Hannes.
Eru þessi skrif þín á ensku drjúgur
tekjupóstur?
„Ja, ég kvarta ekki,“ svarar Hann-
es mátulega dularfullur og við tekur
þögn sem sýnir svo ekki verður um
villst að þetta verður ekki rætt
frekar.
Bókinni hefur verið dreift í bóka-
búðir á Íslandi en hana má einn-
ig nálgast ókeypis á netinu á vef
útgefandans Newdirection.online.
Hvernig stendur á því? Það getur
nú varla talist góður bissniss?
„Það er bara vegna þess að útgef-
andinn vill að þetta verði sem
aðgengilegast fyrir sem flesta,“ segir
Hannes hlæjandi. „Og nútíminn er
þannig að þú prentar hluti og þú
setur þá líka á netið og ég tel að
næsta skref væri að gera þetta að
hljóðbók,“ segir Hannes en hann
ræðir bókina í mun lengra máli á
vef Fréttablaðsins, frettabladid.is.
toti@frettabladid.is
Heimskringla hugsuða
Hannesar Hólmsteins
Hannes Hólmsteinn taldi óhjákvæmilegt annað en að segja frá
persónulegum kynnum af Friedman, Hayek og fleirum í nýrri bók
um Snorra Sturluson og 23 aðra íhaldssama frjálshyggjuhugsuði.
Halldór Baldursson teiknaði hóp-
myndina sem prýðir bókakápuna.
BARBER’S
AGED RED
LEICESTER
1599
KR/PK
FORD FARM
TRUFFLE
CHEDDAR
1699
KR/PK
FORD FARM
CARAMELIZED
ONION CHEDDAR
1699
KR/PK
OSTAR
Kemur með Costco til þín...
.........................
Barónsstígur
8-24
Keflavík og Akureyri
opið allan sólarhringinn.
Opið alla páskana
3 0 . M A R S 2 0 2 1 Þ R I Ð J U D A G U R24 L Í F I Ð ∙ F R É T T A B L A Ð I Ð