Rit Mógilsár - 2013, Page 4

4 Rit Mógilsár 28/2012

Samantekt
Verið er að kanna möguleika á því að
Landsvirkjun fjármagni nýskógrækt á
völdum svæðum á löndum Skógræktar
ríkisins og geti á móti talið sér til tekna
kolefnisbindingu sem á sér stað í 50 ár
eftir gróðursetningu. Fjögur svæði hafa
verið valin til nánari skoðunar og fyrir
þau hafa verið unnar ræktunaráætlanir.
Hér er kynnt spá um kolefnisbindingu
nýskógræktar og arðsemi hennar á
þessum svæðum. Kolefnisforðaferlar,
sem voru gerðir út frá fyrirliggjandi
gögnum sem safnað var um síðustu
aldamót vegna vinnu við úttekt á
skógræktarskilyrðum, voru nýttir til að
gróskuflokka þær trjátegundir sem á að
gróðursetja á þessum svæðum. Grósku-
flokkar fyrir hvert svæði voru síðan
ákvarðaðir eftir grósku skógarreita sem
mældir voru í úttekt á skógræktar-
skilyrðum á eða í næsta nágrenni við
áformuð skógræktarsvæði.
Munur var á metinni grósku milli
svæðanna, fyrir stafafuru var t.d. árleg
meðal binding CO2 á 50 árum fyrir þann
stað með lökustu gróskuna 4,2 tonn á
ha. en þar sem gróskan var mest 6,5
tonn. Munur á milli trjátegunda var mun
meiri, t.d. var meðalsársbinding birkis
2,5 tonn CO2 en hjá alaskaösp 8,0 tonn í
lakaska gróskuflokki. Þannig getur
trjátegund skipt mun meira máli en
svæðaval þegar gerður er samanburður
á þessum fjórum stöðum.
Meðalársbinding CO2 var metin um
4.400 tonn á öllum fjórum svæðunum.
Bindingin mun samt ekki ná hámarki
fyrr en á árabilinu 2043-2052 og verður
þá að meðaltali um 8.000 tonn CO2.
Þeir kostnaðarliðir sem taldir eru með í
stofnkostnaði og stærðarhagkvæmni
hafa áhrif á meðaltals stofnkostnað á
flatareiningu sem liggur á bilinu 239 til
374 þús. kr. á ha. Aftur á móti hefur
stofnkostnaður á flatareiningu minni
áhrif á arðsemi kolefnisbindingar en
þreföldun á verði á hverju bundnu tonni
af kolefni. Þannig var mestur munur á
arðsemi milli svæða 3,8% en á milli
verðflokka á bundnu kolefni 5,9%.