Morgunblaðið - 08.02.2021, Side 11

FRÉTTIR 11Innlent
MORGUNBLAÐIÐ MÁNUDAGUR 8. FEBRÚAR 2021
Sigtryggur Sigtryggsson
sisi@mbl.is
Seltjarnarnesbær hefur á vef sínum
kynnt tillögu á vinnslustigi um
breytingu á aðalskipulagi vegna
byggingar leikskóla við Suður-
strönd. Allir þeir sem vilja koma
ábendingum á framfæri vegna tillög-
unnar geta gert það í síðasta lagi 21.
febrúar nk.
Bæjarráð Seltjarnarnesbæjar
ákvað árið 2017 að skipa starfshóp til
að skoða og koma með tillögur að því
með hvaða hætti því markmiði bæj-
arstjórnar verði náð að taka inn börn
frá 12 mánaða aldri í leikskóla bæj-
arins. Starfshópurinn skoðaði ýmsar
leiðir til að mæta þörf fyrir allt að
300 leikskólapláss frá árinu 2022.
Niðurstaða starfshópsins var að
leggja til byggingu á nýjum leik-
skóla og sameina um leið alla starf-
semi leikskólans í einni starfsstöð.
Bæjarráð lagði til á fundi í júlí
2018 að staðarval nýs leikskóla verði
á núverandi svæði leikskólans,
ásamt svæði sem gengið hefur undir
nafninu Ráðhúsreitur. Reiturinn
liggur á horni Suðurstrandar og
Nesvegar og afmarkast af þeim göt-
um svo og Selbraut til suðurs.
Seltjarnarnesbær bauð í nóv-
ember 2018 til tveggja þrepa opinn-
ar hönnunarsamkeppni um nýbygg-
ingu leikskóla bæjarins í samstarfi
við Arkitektafélag Íslands.
Andrúm arkitektar fengu fyrstu
verðlaun í hönnunarsamkeppninni
en innsendar tillögur voru 27 talsins,
frá innlendum og erlendum arkitekt-
um. Vinningstillagan heitir Undra-
brekka og eru höfundar hennar arki-
tektarnir Haraldur Örn Jónsson,
Hjörtur Hannesson og Kristján
Garðarsson. Nýi leikskólinn ásamt
geymslum og snyrtingum á lóð verð-
ur um 3.700 fermetrar, og yfir-
byggður hluti bíla- og hjólastæða er
um 1.400 m², samtals 5.100 m².
Á svæðinu eru nú starfræktar
þrjár af fjórum starfsstöðvum Leik-
skóla Seltjarnarness í þremur hús-
um. Það eru Sólbrekka, reist árið
1981, Mánabrekka, reist árið 1996,
og Fagrabrekka, reist árið 2018.
Reiknað er með því að þessi hús víki
fyrir hinum nýja skóla.
Teikning/Andrúm arkitektar
Undrabrekka Nýbyggingin mun rísa á horni Suðurstrandar og Nesvegar.
Nýi leikskólinn
fer í kynningu
 Undrabrekka mun rísa á Nesinu
Sigurður Bogi Sævarsson
sbs@mbl.is
„Ungt fólk þarf að geta aflað sér
og nýtt upplýsingar og öðlast getu
til að vinna með tækni sem þróast
hratt. Þessir þættir þurfa að vera
leiðarljósið í menntastefnu nú-
tímans,“ segir Ingibjörg Ösp Stef-
ánsdóttir hjá Samtökum atvinnu-
lífsins. „Huga verður að félags-
legri færni og þáttum sem greina
mannfólkið frá sjálfvirkni og vél-
mennum sem taka æ fleiri störf yf-
ir. Ný störf verða til og við þurfum
færni til að takast á við þau. Í dag
þarf fleiri í iðn-, verk- og tækni-
greinar í framhaldsskólum og sem
betur fer hefur nemendum þar
fjölgað síðustu ár. Styrkja þarf há-
skólanám í verkfræði og líkum
fögum. Mikilvægast er þó til fram-
tíðar, þvert á greinar að fólk
styrki færni í því að afla sér frek-
ari þekkingar í stað þess að leggja
svör á minnið.“
Fyrir helgina var haldinn
Menntadagur atvinnulífsins, á veg-
um Samtaka atvinnulífsins og að-
ildarsamtaka þeirra. Við þetta til-
efni voru Íslandshótel voru valin
Menntafyrirtæki ársins 2021, en
leiðarljós í fræðslu fyrirtækisins til
starfsmanna er að tryggja gæði
ánægju gesta hótela fyrirtækisins
sem eru alls sautján. Mennta-
sprotann 2021 fékk Dominos sem
rekur alls 23 pítsastaði með alls
um 650 starfsmönnum sem margir
eru um tvítugt. Dominos hefur lagt
mikið upp úr rafrænni fræðslu og
þar eru nýttar aðferðir sem ungt
fólk þekkir úr heimi vefjar og
leikjafræði. Reynslan er góð.
Nýsköpunarhæfni,
virkni og lausnamiðun
„Á hverjum tíma höfum við
hjá SA reynt að lesa í þróun sam-
félagsins og mótað okkar áherslur
í menntamálum samkvæmt því,“
segir Ingibjörg Ösp. Hún segir
lista frá The World Economic For-
um vera þýðingarmikið gagn í
stefnumótun, en þar séu góð
tæknimenntun og færniþjálfun of-
arlega á blaði. Hún vísar þar til
svonefnds STEAM-lista (e.
Science, Technology, Engineer-
ing, Art, Mathematics), það er að
áhersla skuli lögð á vísindi, tækni,
verkfræði, listir og stærðfræði.
Stikkorð úr erindunum sem
flutt voru á Menntadeginum af
áhrifafólki í atvinnulífinu segja
margt. Þar koma fyrir orð eins og
nýsköpunarhæfni, virkni, lausna-
miðun, gagnrýni hugsun, sköpun,
frumkvæði, forysta, tæknihönnun,
seigla og rökhugsun. Aðspurð við-
urkennir Ingibjörg að margt af
framangreindu hljómi sem vél-
rænar lausnir. Slíkt merki þó ekki
að mennskan megi ekki vera ráð-
andi í atvinnulífi framtíðar.
Skapa nýtt starfsumhverfi
við óvenjulegar aðstæður
„Sennilega tölum við ekki nóg
um siðferðileg sjónarmið og
mennskuna. Í tækniframförum
reynir meira á slíkt áður,“ segir
Ingibjörg Ösp og heldur áfram:
„Hluti af mennsku er einfald-
lega að bjóða vinnufélögum sínum
góðan daginn; svo innihaldsrík
eru þau orð í raun. Við sættum
okkur ekki við að aðeins sé starfað
samkvæmt reglum. Samfélagið,
og við sjálf, gerum kröfur um sam-
félagsábyrgð, siðferði og mannleg
gildi í orðum og athöfnum. Síðasta
árið hafa allir í heiminum verið
áfram um að skapa nýtt starfsum-
hverfi við óvenjulegar aðstæður.
Við sjáum getu atvinnulífsins til að
mæta nýjum árskorunum því gera
þarf betur á mörgum sviðum. Í
verkið þarf hugvit, reynslu og
vinnufærar hendur. SA hefur lagt
áherslu á að í atvinnulífinu séu
verkefni fyrir alla og við verðum
þá að skapa slíkar aðstæður.“
Meðal tillagana í mennta-
stefnu SA sem gefin var út á síð-
asta ári og ber yfirskriftina
Menntun og færni við hæfi er lagt
til að grunnskólinn verði styttur
um eitt ár. Fleiri járn segir Ingi-
björg Ösp mikilvægt að hamra
áfram. Meðal annars sé sláandi að
um 12% 15 ára íslenskra stúlkna
og 30% drengja geta ekki lesið sér
til gagns og öflugir nemendur fái
ekki tækifæri við hæfi.
„Námskrám er gjarnan
breytt, en hér þarf kannski að
endurskoða kerfislega þætti.
Skólastarfið er að mörgu leyti fast
í viðjum þeirra 40 mínútna sem
hver kennslustund er. Kjarasamn-
ingar kennarar eru takmarkandi
þáttur þegar kemur að þróun
skólastarfs. Endurskoða mætti til
dæmis löng sumarfrí í skólum.
Eins þarf að grípa til ráðstafana til
að mæta betur börnum af erlend-
um uppruna, sem nú eru 11% nem-
enda grunnskóla landsins,“ segir
Ingibjörg sem horfir á skólamál
bæði í starfi sínu og sem foreldri.
Börn eru glöð
„Börnin mín bæði fara og
koma úr skólanum glöð. Af
ánægju sprettur árangur. Samt
þurfum við sem samfélag að gera
betur þegar kemur að menntun,
svo sem undirstöðugreinum eins
og lestri og stæðfræði. Mestu
skiptir samt að í skólanum sé já-
kvæður andi og að börnum líði þar
vel. Slíkt er undirstaða góðs ár-
angurs í námi, starfi og í atvinnu-
lífinu þegar þar að kemur,“ segir
Ingibjörg Ösp að síðustu.
Frumkvæði, seigla og rökhugsun mikilvæg á vinnumarkaði sem breytist hratt
Morgunblaðið/Golli
Fiskvinnsla Sjávarútvegurinn er atvinnugrein sem breytist hratt, svo sem færibandavinna. Huga verður að
félagslegri færni og þáttum sem greina fólkið frá sjálfvirkni og vélmennum sem taka æ fleiri störf yfir.
Mennska ráði í tækni-
væddu atvinnulífinu
 Ingibjörg Ösp Stefánsdóttir
er fædd 1976, viðskiptafræð-
ingur að mennt auk þess að
hafa gráður í stjórnun og
stefnumótun. Var nýlega ráðin
forstöðumaður samkeppnis-
hæfnissviðs Samtaka atvinnu-
lífsins. Þar er haldið utan um
verkefni sem snúa að starfs-
umhverfi íslensks atvinnulífs,
s.s. menntamál,
 Ingibjörg hefur starfað hjá
SA frá 2019. Stýrði undirbún-
ingi og opnun Menningarhúss-
ins Hofs á Akureyri og var
framkvæmdastjóri. Nú stjórn-
arformaður Hörpu.
Hver er hún?
Morgunblaðið/Sigurður Bogi
Viðhorf Hluti af mennsku er einfaldlega að bjóða vinnufélögum góðan
daginn; svo innihaldsrík eru þau orð, segir Ingibjörg Ösp í viðtalinu.
Einar Hansberg Árnason sló í gær
heimsmet í réttstöðulyftu, en honum
tókst að lyfta samtals rétt rúmlega
528 tonnum með því að lyfta fyrst 60
kílóa stöng og svo 40 kílóa stöng
samtals 9.287 sinnum. Einar byrjaði
á hádeginu á laugardag og lyfti lóð-
um í rúman sólarhring. „Það er
blússandi hamingja, og mikill léttir,“
segir Einar spurður um líðan sína
eftir þrekvirkið. „En þakklæti er
mér efst í huga.“
Þrekvirkið tileinkaði Einar, sem
hefur áður vakið athygli fyrir hetju-
leg afrek sín í þágu góðgerðarmála
og velferð barna. Einar sagðist hafa
slegið heimsmetið til þess að vekja
fólk til umhugsunar um mikilvægi
góðra samskipta fullorðinna við
börn. „Við verðum að virða það að
börn hafa rödd og við skulum hlusta
á þau,“ sagði Einar og bætti við:
„Foreldrum gengur oft illa með
það, og ég er þar alls ekki undanskil-
inn. Samskiptin eru oft á forsendum
foreldranna, án þess að þau ætli sér
eitthvað með því. Þetta var bara
ákall til fólks um að líta aðeins inn á
við og skoða samskipti sín við börn-
in.“ jonn@mbl.is
Einar setti heims-
met í réttstöðulyftu
 Tileinkaði velferð barna þrekvirkið
Morgunblaðið/Sigurður Ragnars
528 tonn Einar Hansberg Árnason sló heimsmet í réttstöðulyftu í gær.