Morgunblaðið - 15.02.2021, Blaðsíða 29

MENNING 29
MORGUNBLAÐIÐ MÁNUDAGUR 15. FEBRÚAR 2021
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
VA R I E T Y C H I C AG O S U N
T I M E S
I N D I E W I R E T H E T E L E G R A P H
Hörkuspennandi og
Hrollvekjandi
Spennumynd.
M OV I E F R E A K . C O M
FRÁBÆR MYND FYRIR ALLA FJÖLSKYLDUNA
SÝND MEÐ ÍSLENSKU OG ENSKU TALI.
FRUMSÝND Á MIÐVIKUDAG.
Silja Björk Huldudóttir
silja@mbl.is
„Við erum báðar búsettar í Amst-
erdam að öllu jöfnu þegar ekki rík-
ir heimsfaraldur,“ Björk Níels-
dóttir söngkona og vísar þar til
þeirra Þóru Margrétar Sveins-
dóttur víóluleikara, en saman skipa
þær Dúplum Dúó. Nýverið sendu
þær frá sér sína fyrstu stuttskífu
sem inniheldur upptöku á verkinu
Flowers of Evil sem hollenska tón-
skáldið Aart Strootman samdi fyrir
þær.
„Við Þóra kynntumst á náms-
árum okkar í Amsterdam, en hún
var hinn Íslendingurinn í klassísku
deildinni í Tónlistarháskólanum í
Amsterdam,“ segir Björk og rifjar
upp að þær Þóra hafi byrjað að
starfa saman undir merkjum
Dúplum Dúó árið 2017. „Þóra hef-
ur starfað með Aart í hljómsveit-
inni Stargaze og það lá því beint
við að leita til hans sem tónskálds,“
segir Björk og bendir á að verkið
hafi Aart Strootman samið við þrjú
ljóð Baudelaire úr ljóðaflokki
skáldsins sem nefnist Fleur de mal
eða Blóm hins illa.
Algjör töfrakona
„Tónverkið, sem er um 15 mín-
útur að lengd, er innblásið af nú-
verandi ástandi í samfélaginu,“
segir Björk og bendir á að sá böl-
móður sem í textum Baudelaire
birtist kallist vel á við núverandi
aðstæður. Björk bendir á að í
raun hafi verkið orðið til út af
ástandinu. „Því í byrjun kófsins
var hægt að sækja um styrk í
menningarsjóð Amsterdam fyrir
verk sem henta myndu Covid-
tímanum. Þegar verkið var tilbúið
langaði okkur að taka það upp,
enda ekki hægt að flytja það á
tónleikum eftir að öllum tónleika-
sölum hafði verið gert að skella í
lás. Þóra sá um samskiptin við
stjórnendur ýmissa lista- og tón-
leikastaða og er algjör töfrakona í
sannfæringakrafti sínum, því alls
staðar opnuðust okkur dyr. Á ein-
um degi tókum við því upp flutn-
ing verksins í auðum tónleikasöl-
um og listasöfnum í Amsterdam,“
segir Björk. Upptökuna má nálg-
ast á Facebook-síðu Dúplum Dúó,
á You Tube og á vefnum
www.duplumduo.com.
Stefna á upptökur í haust
„Við vorum svo ánægð með
verk Aart að við ákváðum að gefa
það líka út á plötu. Kannski lang-
aði okkur lúmskt að vera popp-
arar og byrja á því að senda frá
okkur EP-plötu,“ segir Björk kím-
in, en vínylinn má nálgast á Band-
camp-síðu Dúplum Dúó auk þess
sem platan er aðgengileg á öllum
helstu streymisveitum, þ. á m.
Spotify. Þess má geta að vínyl-
platan skartar verki eftir mynd-
listarmanninn Hauk Óskarsson.
Að sögn Bjarkar eru þær Þóra
þegar byrjaðar að leggja drög að
fyrstu breiðskífu dúósins. „Við
fengum listamannalaun til að þróa
næstu plötu þar sem þemað verður
flóra Íslands auk þess sem ástin
svífur yfir vötnum,“ segir Björk og
tekur fram að annars vegar
íslensk-kanadíska tónskáldið Fjóla
Evans og hins vegar Hróðmar Ingi
Sigurbjörnsson séu að semja fyrir
dúóið sitt hvort tónverkið.
„Við stefnum að því að halda
tónleika í júlí þegar garðurinn er
sem grænastur og blómin
blómstra, þar sem við munum
frumflytja verkin og í framhaldinu
taka þau upp snemma í haust,“
segir Björk og tekur fram að gott
sé að spila verkin nokkuð áður en
kemur að upptökum. „Þá veit mað-
ur betur hvernig verkin virka.“
Fuglabjargið er sólargeisli
Björk ber sig vel þrátt fyrir kóf-
ið. „Þrátt fyrir heimsfaraldur hefur
ýmislegt verið hægt að gera, sem
hefði að öðrum kosti ekki orðið að
veruleika. Þannig hafa líka falist
tækifæri í þessu skrýtna ástandi,“
segir Björk sem um þessar mundir
sýnir tónleikhússýninguna Fugla-
bjargið í Borgarleikhúsinu. „Það
var einhver sólargeisli sem braust
fram að mega sýna Fuglabjargið.
Það er í raun ótrúlegt að það hafi
allt gengið eftir og á áætlun á
þessum skrýtnu tímum. Þannig
hefur sannarlega ræst úr ástand-
inu. Það er valinn maður og valin
kona í hverju einasta hlutverki í
þessari sýningu. Það hefur því ver-
ið algjör draumur að taka þátt.
Það er líka svo gaman að sjá við-
brögð barnanna og foreldra þeirra
við þessari sýningu. Það hefur ver-
ið extra gaman að fá tækifæri til
að koma fram og syngja fyrir
áhorfendur þar sem tónleika- og
sýningarhald hefur snarminnkað í
kófinu. Fuglabjargið er því algjör
gleðisprengja.“
Barnaópera um elliglöp
Sem fyrr segir býr Björk og
starfar að jafnaði í Amsterdam, en
kom til Íslands í nóvember til að
vinna að Fuglabjarginu. „Út af kóf-
inu er sýningarferlið aðeins lengra
en venjulegu. En ég nýt þess bara
að vera á Íslandi á meðan, enda
mörg ár síðan ég hef haft tækifæri
til að vera svona lengi á Íslandi í
einu. Yfirleitt er ég í mesta lagi í
mánuð hér heima og þá yfirleitt að
sumarlagi. Ég tek því þessu tæki-
færi fagnandi,“ segir Björk og
neitar því ekki að það hafi verið
svolítið skrýtið að venjast vetrar-
myrkinu eftir langa veru á megin-
landinu. „Ég naut þess hins vegar
að vera í minni jólakúlu og hafði
loks tækifæri til að gera þrjár sort-
ir af sörum og búa til tíu kíló af
jólaís í stað þess að fara á jóla-
tónleika.“
Aðspurð segir Björk erfitt að
gera langtímaplön meðan heimsfar-
aldurinn gengur yfir. „Ég er mögu-
lega að fara út í apríl til að byrja
æfingar á nýrri barnaóperu um
elliglöp hjá fjölskylduóperuleikhús-
inu Holland Opera sem frumsýna á
í haust – ef kófið leyfir,“ segir
Björk og tekur fram að enn sé
ekki vitað hvort hefja megi æfingar
með vorinu út af samkomutak-
mörkunum. „Æfingar í vor ættu að
taka um sex vikur og ég myndi
gera ráð fyrir að koma strax aftur
heim, því mig langar að vera hér í
sumar, enda hvergi betra að vera,“
segir Björk að lokum.
Dúplum Dúó Þóra Margrét Sveinsdóttir víóluleikari og Björk Níelsdóttir söngkona hafa unnið saman síðan 2017.
Tækifæri í skrýtnu ástandi
 Dúplum Dúó sendir frá sér stuttskífuna Flowers of Evil  Fengu að taka verkið upp í tómum lista-
sölum í Amsterdam í miðjum faraldri  Stefna að fyrstu breiðskífunni síðar á árinu um flóru Íslands