Morgunblaðið - Sunnudagur - 07.02.2021, Qupperneq 8

Elsku Tvíburinn minn, hugur þinn er að stríða þér núna og halda of mikið aftur af þér.
Þér finnst eins og þú sért fastur í Groundhog day sem þýðir að þú þolir afskaplega illa að upplifa að þú sért
að gera það sama aftur og aftur og dag eftir dag. Þetta gerir þráðinn þinn mun styttri og skapið stærra, en
það getur líka verið gott. Leyfðu þér bara að sofa aðeins meira og dreifðu slatta af kæruleysi út á morgun-
matinn þinn. Þegar þú gerir þetta þá munu hugmyndirnar koma svo skýrt til þín og hvernig þú getur
hreyft við lífinu þínu og uppskorið hreinan sigur. Það er nefnilega svo margt að tikka inn hjá þér um leið og
þú leyfir þér að slaka á, því þegar þú lætur eitthvað fara of mikið í taugarnar á þér þá missirðu kraftinn.
Þetta er svo sérstakur tími fyrir þig til þess að skapa og nýta augnablikin sem allra best. Í kringum 11.
febrúar eru nýjar og frábærar fréttir að koma til þín og þá geturðu sett svo margt á fulla ferð og fram-
kvæmt eins og vindurinn sjálfur. Leggðu þig fram í ástinni, sérstaklega tengt fjölskyldunni, og mundu að
þeir erfiðleikar sem þér finnst vera að sækja að munu sameina þá sem eru í kringum þig í ótrúlegri fegurð
þegar upp er staðið. Það er svolítið í þér að vilja ekki angra aðra, en tíminn er akkúrat núna til þess að pota
aðeins í fólk og láta vita af þér. Bara eitt símtal til þeirrar manneskju sem leitar á huga þinn segir þér að þú
átt að hringja STRAX, því eitthvað merkilegt og mikilvægt tengist þeim skilaboðum sem þú færð til þín.
Ég dreg fyrir þig tvö spil úr töfrabunkanum og fyrsta spilið gefur þér töluna sex sem táknar fjöl-
skylduna, ástina og frjósemi. Þar er líka mynd af orkustöðinni sem heitir þriðja augað eða Chakra og
skilaboðin eru þau að þú búir yfir svo miklu innsæi, sem þýðir einfaldlega að sjá inn í sjálfan sig og
finna á sér líkt og þú værir spámaður. Spil númer tvö er með töluna þrjá og það færir þér aðlögunar-
hæfni kamelljónsins sem gefur þér sameiningu hvort sem það tengist ástinni eða góðu samstarfi sem
stækkar hjarta þitt.
Sofa meira og slaka á
TVÍBURINN | 21. MAÍ 20. JÚNÍ
Elsku Nautið mitt, það kemur alltaf öðru hvoru inn í líf okkar og ég segi okkar því
að ég er sjálf Naut, að við verðum hrædd og skiljum ekki alveg hvert við erum að
fara. Styrkur þinn er hins vegar fólginn í þeim hæfileiikum að setja þig í annað sætið þegar þú þarft
þess. Að vera auðmjúkur og biðja uppsprettuna eða almættið um auðmýkt og hjálp, því þá verða næstu
spor auðveld. Það er svo margt í lífinu sem er bláköld staðreynd sem þú þarft að sjálfsögðu að horfast í
augu við. Og um leið þú sérð hvað þú ert sterkur, verður eftirleikurinn eins og smurður.
Þú ert umvafinn englum, svo taktu ákvarðanir núna, en að taka ákvörðun hvort sem það er í smáum
eða stórum málum breytir öllu og gefur þér kraft. Ef þú tekur ekki ákvörðun þá missirðu máttinn.
Þetta þýðir samt að þú getur breytt ákvörðuninni ef eitthvað betra kemur í ljós. Svo slepptu tökunum
og hættu að stjórna öðrum og það eru svo sannarlega margir í þessu merki sem vita að það er besta
ákvörðunin. Ef þú ert í einhverri keppni eða ert keppnismanneskja af einhverjum toga get ég sann-
narlega sagt að þú spilir á heimavelli og ert með aðdáendur frá ólíklegustu stöðum. Þú þarft að hætta
að segja orðið ég nenni ekki, sem er eitt hið versta orð í hinni dásamlegu íslensku, það gerir þig bara
flata. Þú þarft ekki að tímasetja hvenær hitt eða þetta verður betra, hvort sem þú flytjir, færir þig til
eða ferð í nýtt samband. Því næstu þrír mánuðir eru öflugri en allt síðasta ár samanlagt til þess að færa
þér á silfurbakka það sem þú óskar heitast. Lífið er eins og þú sért að opna stóran pöntunarlista, þú
þarft að ákveða hvað þú ætlar að panta þér og senda svo bara pöntunina af stað. Þú þarft ekki að hugsa
margoft um það sem þú vilt í lífinu, heldur þarftu frekar að hugsa, trúa og sleppa og vita að þú hafir
pantað rétt. Þetta er tilfinningaríkur mánuður í öllum regnbogans litum. Það finna þig eða þú munt
finna réttu manneskjurnar sem svo heilla þig upp úr skónum. Orka þín er sérstaklega björt og tær eft-
ir 5. febrúar. Þá færð þú að vita hver sannleikurinn er og hvað er rétt og satt í einhverju sem þú hefur
furðað þig á. Ég dreg eitt spil úr töfrabunkanum og þú færð töluna nítján sem er besta talan úr öllum
76 spilunum, sem segir að ljósið skíni svo sannarlega á þig og sýnir þér rétta veginn.
Englar allt um kring
NAUTIÐ | 20. APRÍL 20. MAÍ
Elsku Hrúturinn minn, þú hefur svo sérstakan kraft að ég vil líkja
þér við Snæfellsjökul. Það sem er svo merkilegt við hann er að hann
er tær orkustöð og magnar upp þær tilfinningar sem þú hefur í brjóstinu þegar þú ert í
kringum hann. Það hafa margir gift sig á þessum jökli, en líka ótalmargir framið sjálfs-
víg þar. Núna ákveðurðu hvaða afstöðu þú ætlar að taka, því þú hefur einstæða orku til
að magna upp allt sem er að gerast. Og allt er að frétta þegar þú lætur til skarar
skríða.
Þú ert frumkvöðull, en stundum finnst þér þú sért minni máttar og ef þú skoðar það
orð svolítið vandlega, þýðir það bara að máttur þinn sé minni vegna þess þú ákvaðst
það.
Ég dreg fyrir þig tvö töfraspil og fyrsta spilið færir þér töluna fimm sem gefur þér
léttara og skemmtilegra líf. Og þar er mynd af orkustöðinni (eða Chakra) sem tengir
þig við hálsinn og orðin sem þú segir. Þú hefur þessa orkustöð svo sterka, en segðu
bara skýrt það sem þú vilt. Ekki ímynda þér að fólk viti hvað þú hugsar, því það eru
ekki allir spámenn í kringum þig. Með því að gera þetta skýrist heildarmyndin, ástin og
það sem lífið er að spinna fyrir þig.
Hitt spilið hefur töluna þrjá og það er líka tákn um sérstaka orkustöð sem er
sólarplexus. Sú orkustöð er sterk hjá þér og tilfinningarnar þínar eru blíðar og fallegar,
sérstaklega næstu 90 daga. Það er svo spennandi og kraftmikið nýtt tungl þann 11.
febrúar og þar færðu sérstaklega tækifæri til þess að láta ljós þitt skína. Þeir sem um-
gangast þig munu sjá nýjan, breyttan og betri karakter. Svona magnaður sólarplexus
gefur töfra, þakklæti og frið.
Með kraft Snæfellsjökuls
HRÚTURINN | 21. MARS 19. APRÍL
Elsku Fiskurinn minn, þér finnst margt svo ósanngjarnt og að þér vegið
frá ýmsum stöðum sem þú bjóst við eða bjóst ekki við. En þar sem þú hefur verið að
styrkjast bæði í huga og anda, þá geturðu hreinsað ósanngirni eða lygi án þess að það
brjóti nokkurn hlut niður. Þú hefðir jafnvel ekki fyrir ári síðan haft þennan styrk sem þú
hefur til að bera núna. Ég sé ekki betur en þú þakkir fyrir að hafa gengið í gegnum síð-
asta ár. Og það er svo magnað og fallegt þegar þú þakkar fyrir það sem hefur jafnvel ver-
ið erfitt, því þá gengur allt svo miklu betur.
Þú verður upp á þitt besta á þessum vordögum og sættir þig svo vel við sjálfan þig, útlit
þitt og atorku. Þú læknast og lagast af alls kyns ímynduðu veseni og vælir ekki um nokk-
urn skapaðan hlut. Þú munt finna aðdáun annarra og sú tilfinning gefur þér frumkvæði og
ánægju í því að vera þú sjálfur.
Þegar hugur þinn fer á flug, þá færðu svo margar skemmtilegar og skapandi hug-
myndir, en ekki framkvæma allt í einu því þá klárarðu ekki það sem þú vilt. Það er seið-
andi gredda í ástinni svo ekkert er ómögulegt á því sviði.
Þú ert alltaf að breyta einhverju og hreyfa til heima hjá þér og einnig mikið að
spekúlera í því hvernig þú átt að klæðast. Þessi hugsun mun líka hreyfa til svo marga
hluti, því þegar þú sérð fegurðina sem þú skapar hjá sjálfum þér og í kringum þig, þá
verðurðu ekki hræddur við neitt. Það eru tvö ljós sem skína skært, ljós óttans eða ljós
ástarinnar, og þegar þú stígur út úr óttanum er ástin og kærleikurinn alls staðar í kring-
um þig.
Úr ljósi ótta í ljós ástar
FISKARNIR | 19. FEBRÚAR 20. MARS
Elsku Vatnsberinn minn, þetta er tilfinningaþrunginn mánuður sem þú ert að
fara inn í. Ég segi að tilfinningar eru yfirleitt blekking. Maður fær sterka tilfinningu og magnar
hana upp og gerir stærri og stærri. Svo útilokaðu það að mestu ef þú færð erfiðar tilfinningar og ein-
beittu huga þínum að hinu góða. Þá færðu kraftinn til að umsnúa öllu þér í vil.
Ég segi oft við sjálfa mig: þú ert bara að dekra þig niður í þunglyndi, af því að ég safna vitlausum
hugsunum saman. Og ef eitthvað potar í þig, komdu þér þá strax út úr þeim aðstæðum sem þú vilt ekki
vera í. Orkan ykkar verður sláandi falleg þegar líða tekur á mánuðinn og þú nýtur þess að efla þig með
degi hverjum. Þetta er tímabilið sem klukkar þig til þess að taka skrefið þangað sem þú vilt. Ekki
hugsa þér að þú ætlir að gera allt, heldur taktu bara eitt skref í einu og þá færðu meiri líkamlegan kraft
sem boðsendist í andlega aflið þitt. Það er mikilvægt í lífinu þínu að þú gerir þér grein fyrir hvernig þú
ætlar að hafa áhrif á aðra. Þú ert svo fljúgandi orðheppinn og hefur þá sérstöðu að fólk skynjar svo vel
hvað þú ert að segja. Svo segðu fallegri hluti en þú ætlaðir þér í raun að gera, í því er fólginn sigur. Þú
ert hér til að láta öðrum líða betur og um leið og þú gerir það, þá líður þér líka betur. Ástæðan er
einfaldlega sú að við erum öll ein heild og við ákveðum sjálf hvar í lífinu við viljum vera staðsett.
Stjörnurnar eru þér mjög hagstæðar, enda er Vatnsberaöldin að flæða yfir þig og með þér.
Það er enginn það sterkur í kringum þig að geta kúgað þig, nema þú leyfir það. Svo mundu að koma
þér úr aðstæðum ef þér líður þannig. Hvort sem þetta tengist ástinni, vinunum eða fjölskyldunni.
Þetta þýðir þó ekki þú eigir að loka á einhvern, heldur mun lífið leysa fyrir þig þrautirnar. Það
eina sem þú þarft að gera er að standa upp og fylgja leikreglunum. Ástin heimsækir þá sem eru til-
búnir að vitja hennar, því ástarengillinn Venus er við hliðina á þér.
Sláandi falleg orka
VATNSBERINN | 20. JANÚAR 18. FEBRÚAR
8 MORGUNBLAÐIÐ SUNNUDAGUR 7.2. 2021
Febrúar
Elsku Krabbinn minn, það er bara þannig að mótlætið skerpir og gerir þig sterkari,
alltaf. Breytingar sem þú varst ekki alveg búinn að sjá fyrir eru yfirvofandi og þú verður ótrúlega ánægð-
ur og hamingjusamur þegar þú sérð að þær muni gera líf þitt betra. Það kemur nefnilega fyrir þig eins og
marga að maður nennir ekki að breyta lífinu þótt það sé jafnvel til góðs. En núna stingurðu gat á búbbl-
una sem er í kringum þig og þú ert í og þú tekur áhættu sem nýtist þér svo sannarlega vel. Þú átt ekki
eftir að sjá það alveg fyrir þér hvernig þú ferð að þessu öllu saman, en það skiptir engu máli því útkoman
verður spennandi. Þú ert búinn að hafa áhyggjur af fjármálum en þú þarft að vera stórhuga. Og ef þú
skoðar aðeins betur eru miklir möguleikar á því að breyta og bæta og fá miklu betri hagnað af því sem þú
ert að gera og ætlar að framkvæma. Leitaðu svolítið ráða og skoðaðu hlutina upp á nýtt, því það er nefni-
lega eitthvað í smáa letrinu eða eitthvað sem gæti verið að fara fram hjá þér sem gæti breytt útkomunni.
Það er svo margt að gerast þegar líða tekur á þennan mánuð og í upphafi næsta mánaðar. Þú þarft
að vinna mikið að því sem er og þú vilt að komi til þín. Þú verður mjög ákveðinn í orðum og gjörðum,
svo mikið að margir verða hissa, en verða ánægðir með þig. Þú færð verðlaun eða viðurkenningu þeg-
ar líða tekur á vorið og verður alsæll með þig. Ef líf þitt er í einhvers konar stoppi og þú gengur bara í
hringi í stofunni hjá þér og ert á Facebook allan tímann sem þú hefur aflögu þá ertu svo sannarlega í
stoppi. Út með svona tímaþjófa, því þú átt að elska og næra tímann sem þér er gefinn!
Ég dreg fyrir þig tvö spil úr töfrabunkanum og fyrir ykkur sem eruð á lausu fáið þið töluna einn
sem er upphaf af mikilli ást og samheldni. Spil númer tvö hefur töluna tíu sem er í raun og veru líka
talan einn sem færir þér styrk og nýtt upphaf. Svo það er ýmislegt að gerast sem þú hefur engin
áhrif á en skreytir líf þitt og gerir það meira spennandi!
Út með tímaþjófa
KRABBINN | 21. JÚNÍ 22. JÚLÍ