Morgunblaðið - Sunnudagur - 07.02.2021, Qupperneq 28

28 MORGUNBLAÐIÐ SUNNUDAGUR 7.2. 2021
LESBÓK
Góð þjónusta í tæpa öld
10%afslátturfyrir 67 ára
og eldri
ENDURKOMA Clarice nefnist nýr framhaldsþáttur sem frum-
sýndur verður í Bandaríkjunum síðar í mánuðinum. Þar er hermt
af hinum unga alríkislögreglumanni Clarice Starling sem við
kynntumst svo eftirminnilega í kvikmyndinni Silence of the
Lambs fyrir þrjátíu árum. Það er Rebecca Breeds sem
leysir Jodie Foster af hólmi en þráðurinn er tekinn upp
ári eftir að Starling bjargaði Catherine Martin úr kjall-
aranum hjá hinum alilla raðmorðingja Buffalo Bill. Að
þessu sinni fær hún fyrirmæli frá móður Catherine,
Ruth Martin dómsmálaráðherra, sem Jayne Atkinson
leikur, um að rannsaka þrjú morð. Hannibal Lecter er
enn þá á sveimi en Starling þarf ekki að búast við sím-
tali frá honum í nýju þáttunum – vegna flókinna sjón-
varpsréttindamála.
Clarice snýr aftur
Rebecca Breeds
leikur Clarice
Starling. AFP
PRETTIR I Care a Lot eða Mér stendur ekki
á sama kallast ný kvikmynd sem frumsýnd
verður á efnisveitunni Netflix 19. þessa mán-
aðar. Rosamund Pike leikur þar samvisku-
lausa konu sem sérhæfir sig í því að smeygja
sér inn á aldraða gegnum lagakerfið – og
hefur öðru fremur augastað á bankareikn-
ingum þeirra. Helling er upp úr þessu að hafa
og allt leikur í lyndi þangað til hún svíkur
fórnarlamb sem á vini sem kunna og veigra
sér ekki við að taka fólk miðaldatökum.
Myndin er skilgreind sem svört kómedía og
leikstjóri er hinn enski J Blakeson. Þau verða
víst ekki styttri eiginnöfnin, J.
Samviskuleysi, svik og prettir
Rosamund Pike leikur aðalhlutverkið.
AFP
Vinirnir Alex Lifeson og Geddy Lee.
Rush hvergi
nærri hætt
ÁFRAM GAKK Alex Lifeson, gít-
arleikari Rush, staðfestir í samtali
við Make Weird Music að bandið sé
hvergi nærri hætt störfum en
trymbillinn, Neil Peart, féll frá á
síðasta ári. Þvert á móti þrái þeir
Geddy Lee, bassaleikari og söngv-
ari, að koma saman aftur og semja
nýja tónlist. Síðasta tónleika-
ferðalagi Rush lauk árið 2015 og
alltaf hefur staðið til að taka upp
þráðinn, að sögn Lifeson. Lee hefur
á hinn bóginn verið upptekinn við
að skrifa og fylgja eftir endurminn-
ingum sínum og síðan skall heims-
faraldurinn á. „Við vinnum mjög
vel saman og höfum gert frá því við
vorum fjórtán ára,“ segir Lifeson
en þeir Lee eru orðnir 67 ára.
Hættu að skjóta mig niður, þúert ekki James Dean þvímiður,“ syngur Bríet í einu
vinsælasta lagi seinustu mánaða á
Íslandi, Rólegur kúreki. Ég verð að
viðurkenna að ég hleypti brúnum
þegar ég heyrði þessar línur fyrst.
Hvers vegna er liðlega tvítug stúlka
á Íslandi árið 2021 (lagið kom raunar
út 2020) að vísa í bandarískan leik-
ara sem lést fyrir 66 árum?
Ég hef ekki nálgast það vísinda-
lega en ætli James Dean sé íslensk-
um ungmennum við upphaf þriðja
áratugar 21. aldarinnar almennt
hugleikinn? Eða er þetta bara ein-
hver sérviska hjá Bríeti? Veit hún ef
til vill ekki hver James Dean var,
fékk bara þessa snjöllu ábendingu? Í
öllu falli vita pottþétt fleiri ung-
menni af tilvist hans núna en fyrir
fáeinum mánuðum. Hljóta að hafa
gúglað þennan dularfulla mann sem
rólegi kúrekinn hennar Bríetar telur
sig mögulega vera.
Það yrði raunar fáránlega áhuga-
verð stúdía að fara inn í bekk í
Verzló eða Fjölbrautaskólanum í
Breiðholti með ljósmyndir af leik-
urum sem voru upp á sitt besta á
sjötta áratugi síðustu aldar. Myndu
krakkarnir þekkja einhvern? Lík-
lega Marilyn Monroe, eða hvað? Á
frægð hennar sér nokkur takmörk?
Ég myndi ekki veðja hárri upphæð á
það að þau bæru kennsl á Marlon
Þú ert ekki
James Dean!
Hvað vill bandarískur leikari sem lést árið 1955
upp á dekk í einu vinsælasta dægurlaginu á Ís-
landi um þessar mundir, sungnu af rétt tvítugri
stúlku? Er James Dean ennþá á allra vörum?
Orri Páll Ormarsson orri@mbl.is
Bríet dustaði rykið af goðsögninni James Dean í lagi sem hún gaf út í fyrra.
Morgunblaðið/Eggert
Þótt ótrúlegt megi virðast þá er þetta ekki afmælisgrein um James
Dean, ekkert frekar en Sunday Bloody Sunday með U2 er bylting-
arlag. Ég var kominn langt inn í hana þegar ég áttaði mig á því að níu-
tíu ár verða á morgun liðin frá fæðingu kappans. Hrein tilviljun.
En leyfum eigi að síður nokkrum hagnýtum
upplýsingum að fljóta hér með, úr því svona er í
pottinn búið. James Byron Dean fæddist 8. febr-
úar 1931 í borginni Marion í Indiana. Einkabarn
hjónanna Mildred Marie og Wintons Dean.
Sonurinn hélt því fram að faðir hans hefði
verið af indíánaættum og að forfeður
móður hans hefðu komið vestur með
hinu víðfræga skipi Mayflower. Svo
mikið fyrir kúrekann. Fjölskyldan
fluttist til Kaliforníu og James litli
missti móður sína úr krabbameini
aðeins níu ára sem hafði að vonum
djúpstæð áhrif á hann. Sjálfur lést
Dean í bílslysi Cholame-héraði í Kali-
forníu 30. september 1955.
Ekki afmælisgrein
Dean í Rebel
Without a Cause.