Fréttablaðið - 07.09.2021, Blaðsíða 11
KYNN INGARBLAÐ
ALLT
ÞRIÐJUDAGUR 7. september 2021
Brynja Dadda og Hafþór við pítsuofninn góða. Þau ákváðu að einfalda líf sitt og flytjast alfarið búferlum í yndislegt sumarhús sitt í Kjósinni. FRÉTTABLAÐIÐ/VALLI
Hér líður okkur best
Margir eiga sér draum um sumarhús. Hjónin Brynja Dadda Sverrisdóttir og Hafþór Bjarna-
son létu drauminn rætast þegar þau keyptu lóð fyrir sumarhús í Norðurnesi í Kjósinni. 2
thordisg@frettabladid.is
Nýstárlega og skemmtilega þjóð-
lagasveitin Brek ríður á vaðið
í fyrsta Sagnakaffi haustsins í
Borgarbókasafninu, menningar-
húsi Gerðubergi, á morgun, mið-
vikudag, klukkan 20.
Hljómsveitin Brek var stofnuð
haustið 2018. Hún tvinnar saman
áhrif frá mismunandi stílum þjóð-
laga- og dægurtónlistar, og reynir
að finna nýjar og spennandi leiðir
við notkun hljóðfæra til að skapa
grípandi og þægilega stemningu,
en jafnframt krefjandi á köflum.
Lög Breks sækja til dæmis inn-
blástur í íslenska náttúru og veðra-
brigði. Þau eru sungin á íslensku
en hljómsveitarmeðlimir leggja
áherslu á fjölskrúðugt orðbragð
og að nýta þann mikla og fallega
orðaforða sem íslenskan býr yfir.
Brek var nýverið tilnefnd til
Íslensku tónlistarverðlaunanna í
f lokki þjóðlagatónlistar, og í sumar
kom út fyrsta breiðskífa hljóm-
sveitarinnar.
Á Sagnakaffinu er reynt að
útvíkka ramma hefðbundinnar
sagnamennsku. Sagðar eru sögur
í tali, tónum, takti, ljóðum og leik.
Fólk úr ýmsum geirum þjóðfélags-
ins er fengið til leiks, svo sem tón-
listarfólk, leikarar, uppistandarar,
ljóðskáld og rapparar.
Sagnakaffið fer að þessu sinni
fram í Bergi í Gerðubergi og geta
gestir fengið sér kaffi og með því í
kaffihúsinu áður en dagskrá hefst.
Öll velkomin og ókeypis
aðgangur. n
Um nýliðinn dag
Hljómsveitin Brek. MYND/AÐSEND