Fréttablaðið - 13.07.2021, Blaðsíða 4

Okkur var bjargað úr
bankakrísunni af
eldfjalli og núna er
okkur bjargað úr
covid-krísunni af
eldfjalli!
Teitur Þorkelsson,
leiðsögumaður
K Y N N U M N ÝJ A N J E E P®
A L V Ö R U J E P P I – A L V Ö R U FJ Ó R H J Ó L A D R I F
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18
VERÐ HLAÐINN AUKABÚNAÐI
6.399.000 KR.*
N Á N A R I U P P LÝ S I N G A R Á J E E P. I S
• STÆRRI VÉL 240 HÖ
• 360° MYNDAVÉL
• LÁGT DRIF
• LEÐURSÆTI OG MÆLABORÐ
• SNERTILAUS OPNUN AFTURHLERA
• FJARLÆGÐARSTILLTUR HRAÐASTILLIR
N Ý H Ö N N U N
N Ý I N N R É T T I N G
N Ý TÆ K N I
N Ý R Ö R Y G G I S B Ú N A Ð U R
* S V A R T U R L I M I T E D. A Ð R I R L I T I R 6 . 5 6 2 . 0 0 0
PLUG-IN HYBRIDÁRA ÁBYRGÐ 8 ÁRA ÁBYRGÐ Á DRIFRAFHLÖÐU
Fleiri ferðamenn sem koma
til landsins um þessar mundir
panta sér einkaferðir eða
ferðir með fámennum hópum.
thorgrimur@frettabladid.is
FERÐAÞJÓNUSTA „Auðvitað hafa
sumir, kannski aðallega eldra fólk,
varann á út af COVID,“ segir Teitur
Þorkelsson, leiðsögumaður hjá
Fjallvegafélaginu. „En langf lestir
sem ég hitti eru frekar með áhyggj­
ur af því að festast einhvers staðar
út af reglugerðum, stjórnvalds­
ákvörðunum eða breytingum á
landamærum og ná ekki f lugi. Allir
eru rosalega glaðir með að mega
ferðast og þurfa ekki vera með
grímur þegar þeir koma hingað.“
„Bílaleigubílar eru uppseldir,“
bætir Teitur við. „Fólkið sem er
að koma er mest ágætlega stæðir
og bólusettir Bandaríkjamenn,
hlutfallslega f lestir frá „bláu“ ríkj­
unum þar sem bólusetningar eru
lengst komnar. Þetta eru mikið
fjölskyldur og hjón sem eru annars
vegar að kaupa einkaferðir og hins
vegar að leigja bíl og ferðast sjálf.
Smárúturnar eru komnar á götuna
og ein og ein stórrúta en mest eru
þetta litlar ferðir, f jölskyldur í
einkaferðum.“
Hátt hlutfall Bandaríkjamanna
meðal ferðamannanna kemur
heim og saman við nýbirta saman­
tekt Rannsóknarseturs verslun­
arinnar, þar sem kom fram að
Bandaríkjamenn hefðu staðið að
baki tæplega 60 prósentum allrar
kortaveltu á landinu í júní.
Aðrir bera svipaðar sögur af því
að margir ferðamenn forðist nú að
ferðast í stórum hópum og hneigist
fremur til einkaferða. „Við tókum
eftir því að það er eins og erlendir
gestir fari síður inn í gestastofuna
og séu að forðast aðra,“ segir Hrafn­
hildur Ævarsdóttir, aðstoðarmaður
þjóðgarðsvarðar í Vatnajökuls­
þjóðgarði. „Það er líka talsvert
meira um að fólk sé að ferðast á
húsbílum frekar en að tjalda.“
„Fólk er kannski meira að biðja
um einkaferðir og er meira hikandi
við að vera með öðru fólki sem er
ekki bólusett,“ segir Dagný Björg
Stefánsdóttir, sem rekur ferðaþjón­
ustufyrirtækið Hidden Iceland.
„Við erum líka að bjóða áætlana­
ferðir með litla hópa en fólk er
samt hikandi við að vera með fólki
í bíl í heilan dag. Ég held að það sé
meira bara að fólki finnst óþægi­
legt að vera í blönduðum hópi af
sóttvarnarástæðum.“
Viðmælendur eru sammála um
að þótt ferðaþjónustan sé ekki
komin í þann blóma sem hún var
í áður en faraldurinn byrjaði hafi
bati hennar verið óvenju skjótur
hingað til. Teitur bendir á að ferða­
menn séu að bóka ferðir með
óvenju stuttum fyrirvara og að það
hafi ollið því að viðsnúningurinn
í iðnaðinum hafi komið mörgum
í opna skjöldu. Bendir hann á að
Íslendingar hafi verið með fyrstu
Evrópuþjóðunum sem opnuðu
fyrir ferðir frá Bandaríkjunum og
að eldgosið í Geldingadölum hafi
vakið athygli. „Það vilja kannski
ekkert allir fara að eldgosinu en
Ísland komst svolítið á kortið út af
því. Okkur var bjargað úr banka­
krísunni af eldfjalli og núna er
okkur bjargað úr COVID­krísunni
af eldfjalli!“ n
Óvenju skjótur bati í ferðaþjónustu
Ferðamenn á Íslandi um þessar mundir eru aðallega Bandaríkjamenn, sem voru jafnframt í miklum meirihluta í
erlendri kortaveltu í júní. FRÉTTABLAÐIÐ/ERNIR
birnadrofn@frettabladid.is
COVID-19 Í dag á milli klukkan
10­14 verður opið hús í Laugar­
dalshöllinni þar sem öllum er
velkomið að koma og þiggja bólu­
setningu með bóluefni frá Pfizer.
Ragnheiður Ósk Erlendsdóttir,
framkvæmdastjóri hjúkrunar hjá
Heilsugæslu Höfuðborgarsvæðis­
ins, segist telja að í það minnsta
nokkur hundruð manns þiggi
boðið.
„Við búumst ekki við því að það
verði mikil örtröð, f lestir þeir sem
ætla sér að fá bólusetningu hafa
þegar fengið hana,“ segir Ragnheið­
ur en í gær voru tæplega 240 þúsund
einstaklingar hér á landi orðnir full­
bólusettir, það er 81,2 prósent allra
fullorðinna.
Í vikunni fá um sjö þúsund
Opið hús í bólusetningu með Pfizer í Laugardalshöll í dag
Ragnheiður Ósk
Erlendsdóttir
arib@frettabladid.is
LÖGREGLUMÁL Atvik sem kom upp
í fangaklefa á Selfossi um helgina
hefur verið tilkynnt til Nefndar um
eftirlit með lögreglu og óskað eftir
því að ríkissaksóknari fari með
rannsókn málsins. Maður var hand­
tekinn vegna ölvunar og óspekta á
Kótilettunni aðfaranótt sunnudags.
Samkvæmt lögreglunni á Suður­
landi kastaði hann upp í fangaklefa
og fór í öndunarstopp. Var hann
endurlífgaður af lögreglumanni og
hjúkrunarfræðingi sem var staddur
í húsinu. Maðurinn hefur nú verið
útskrifaður af Landspítala. n
Atvik í fangaklefa
til nefndar
kristinnpall@frettabladid.is
KJARAMÁL Laun launafólks í fullu
starfi voru að meðaltali 670 þúsund
krónur á mánuði á síðasta ári. Þetta
kemur fram í nýrri skýrslu Hagstofu
Íslands.
Heilt yfir var tíundi hver launa­
maður með regluleg laun undir 400
þúsund krónum og tíundi hver aðili
með yfir milljón krónur á mánuði.
Hæstu meðallaunin eru í fjármála­
og vátryggingastarfsemi. n
Einn af tíu með
yfir milljón í laun
Áhrif faraldursins á veitingarekstur
voru mjög mikil. Fréttablaðið/Ernir
manns seinni bólusetningu með
bóluefni frá Pfizer og um tvö þús­
und manns fá seinni skammt af
Moderna. Þá fá tvö þúsund seinni
sprautuna af Astra Zeneca.
Líðandi vika er síðasta vika bólu­
setninga fyrir sumarfrí en bólu­
setningar hefjast að nýju eftir fimm
vikur.
Þau sem fá fyrri skammt af Pfizer
í dag fá þann seinni að fimm vikum
liðnum en vani er að þrjár vikur líði
á milli skammta af bóluefni Pfizer.
Ragnheiður segir lengri tíma á milli
skammta ekki hafa áhrif á virkni
efnisins.
Ragnheiður hefur staðið vaktina
í Laugardalshöll frá því að fjölda­
bólusetningar hófust hér á landi.
Hún segist spennt að fara i sumarfrí.
„Ætli ég fari ekki bara norður í sveit­
ina og hafi það rólegt og gott.“ n
4 Fréttir 13. júlí 2021 ÞRIÐJUDAGURFRÉTTABLAÐIÐ