Fréttablaðið - 13.07.2021, Blaðsíða 24

Við erum eins og á
stultum, getum ekki
hallað okkur upp að
neinum.
Dúplum dúó heldur tónleika
15. júlí í Norræna húsinu. Í
Dúplum dúó eru Björk Níels-
dóttir söngkona og Þóra Mar-
grét Sveinsdóttir víóluleikari.
kolbrunb@frettabladid.is
Tónleikarnir í Norræna húsinu á
fimmtudagskvöldið hefjast klukkan
21:00 og þar verða frumflutt þrjú
verk. Eittt þeirra er nýr ljóðaflokkur
eftir tónskáldið Fjólu Evans en text-
inn er úr bókinni Íslenzk ferðaflóra
eftir Áskel Löve. Verkið er innblásið
af söngljóðum Schuberts og ást hans
til náttúrunnar.
„Fjóla er íslensk en hefur lengi
búið í Kanada. Hún samdi verkið
fyrir okkur, valdi texta úr ferða-
f lórunni og togar hann og teygir,
þannig að maður getur vel ímyndað
sér að þetta séu lýsingar á fólki en
ekki jurtum,“ segir Þóra.
Verk við ljóð Ingunnar
Annað verk sem frumflutt verður
á tónleikunum er eftir Hróðmar
I. Sigurbjörnsson, en það byggir
á nokkrum ljóðum úr ljóðabók
Ingunnar Snædal, Guðlausir menn,
hugleiðingar um jökulvatn og ást.
„Hróðmar kom á tónleika hjá
okkur í Gent og þá töluðum við um
að vinna saman. Hann var búinn að
lesa ljóðabók Ingunnar í bak og fyrir
og langaði að semja verk við ljóðin.
Þessi ljóð eru mjög skemmtileg og
hitta mann í hjartastað. Það er ótrú-
lega skemmtilegt að syngja þau, þau
eru líka svo fyndin,“ segir Björk.
„Fjóla er af okkar kynslóð og
Hróðmar aðeins eldri. Það er gaman
að sjá hvernig þau unnu með þessa
efniviði með okkur tvær í huga,“
segir Þóra.
COVID-stemning
Þriðja verkið sem frumflutt verður
á tónleikunum í Norræna húsinu
er Flowers of Evil eftir hollenska
tónskáldið Aart Strootman, samið
við ljóð Baudelaires. Í fyrrasumar
fengu Björk og Þóra styrk frá Amst-
erdamborg og gerðu tónlistarmynd-
band við verkið sem tekið var upp í
tómum tónleikasölum og söfnum í
Amsterdam. Verkið var frumflutt í
júní 2020 á netinu og smáskífa með
flutningi Bjarkar og Þóru á verkinu
kom út fyrir síðustu jól. Verkið hefur
ekki verið f lutt fyrir áheyrendur í
sal fyrr en nú í Norræna húsinu.
„Strootman samdi verk ið í
miðjum COVID faraldri í fyrra og
það var unnið í samvinnu. Hann
sendi okkar litlar skissur sem við
tókum upp og sendum til baka til
hans og hann endurvann upptök-
urnar og fékk þannig innblástur að
nýjum hugmyndum. Þannig þró-
aðist verkið á tveimur mánuðum.
Þetta er korterslangt verk og lýsir
vel stemningunni sem var í gangi
á þessum tíma; vonleysi og óþæg-
indum. Um leið er verkið óskaplega
fallegt,“ segir Þóra.
Dúplum dúó notast einungis við
söngrödd og víólu í flutningi sínum.
„Þessi samsetning er óvenjuleg og
krefjandi fyrir okkur báðar,“ segir
Þóra. „Björk bætir við: „Við erum
eins og á stultum, getum ekki hallað
okkur upp að neinum, heldur verð-
um að halda jafnvægi saman allan
tímann.“ n
Frumflutningur á þremur
verkum í Norræna húsinu
Björk og Þóra halda áhugaverða tónleika í Norræna húsinu. FRÉTTABLAÐIÐ/ERNIR
kolbrunb@frettabladid.is
Konan mín er yfirskrift sýningar
á verkum Sveins Björnssonar í
Sveinshúsi í Krýsuvík. Sýningin
er opin á sunnudögum í júlí, ágúst
og september, frá klukkan 13.00 til
17.30. Sýningarstjóri er Erlendur
Sveinsson.
Þetta er tíunda sýningin sem
Sveinssafn efnir til í Sveinshúsi
og sýningarveggirnir eru þaktir
myndum frá gólfi til lofts. Á sýn-
ingunni eru 70 myndir og 115 smá-
myndir.
Sýningin er þrískipt: Konan mín
og almættið – Konan mín á lög-
regluvakt – Konan mín umhverfis
mig. Sýningin felur í sér að list
Sveins eigi djúpar rætur í persónu-
legu líf hans þar sem eiginkonan.
Sólveig Erlendsdóttir, er mið-
punktur og hann upphefur hana
sem listagyðju.
Bræðurnir Erlendur, Sveinn
Magnús og Þórður Heimir Sveins-
synir stofnuðu Sveinssafn utan
um arfleifð föður þeirra árið 1998.
Þeir segjast vænta þess að sýningin
laði til sín ferðamenn sem koma á
Krýsuvíkursvæðið til að njóta nátt-
úrunnar. Janframt vona þeir að
sýningin höfði til
þeirra sem áður hafa lítið eða ekk-
ert vitað um listamanninn.
Nú er semsagt upplagt tæki-
færi til að sameina listupplifun og
upplifun af náttúru Krýsuvíkur og
leggja leið sína í Sveinshús. n
Listupplifun í náttúru Krýsuvíkur
Hvít nótt,
olíumálverk á
striga er eitt
af fjölmörgum
verkum sem sjá
má í Sveinshúsi.
MYND/AÐSEND
kolbrunb@frettabladid.is
Myndlistarverkefnið Staðir fer
fram í fjórða sinn á sunnanverðum
Vestfjörðum í sumar með nýjum
verkum eftir f jóra myndlistar-
menn.
Listamennirnir sem taka þátt í
sýningunni ár eru Anna Júlía Frið-
björnsdóttir, Auður Lóa Guðna-
dóttir, Eygló Harðardóttir og Stark-
aður Sigurðarson sem sýna ný verk
víðsvegar um Arnarfjörðinn.
Staðir 2021 er í höndum sýningar-
stjórana Becky Forsythe, Evu Ísleifs
og Þorgerðar Ólafsdóttur. Sýning-
arnar munu standa til loka ágústs.
Verkefnið miðar að því að skapa
tíma og rými fyrir listamenn til
að vinna að nýjum verkum, ýmist
varanlegum eða tímabundnum, í
návígi við náttúruna eða sögulega
og einstaka staði. n
Staðir á Vestfjörðum
Myndlistin nýtur sín á sunnanverðum Vestfjörðum. MYND/AÐSEND
kolbrunb@frettabladid.is
Föstudagskvöldið 16. júlí kl. 20.00
verða í Skálholtsdómkirkjutón-
leikar þeirra Hjörleifs Valssonar
fiðluleikara og Jónasar Þóris orgel-
leikara.
Tónleikarnir bera yfirskriftina
Heyr himna smiður sem vísar til
þess fallega helgidóms sem Skál-
holtsdómkirkja er og einnig til Þor-
kels Sigurbjörnssonar tónskálds, en
sálmurinn var frumfluttur í Skál-
holti fyrir 50 árum.
Dagskrá tónleikanna verður
ferðalag í tónum, 400 ára ferða-
lag frá Heinrich Iganz Franz von
Biber (1644) til Jónasar Þóris (1956),
en f luttur verður nýr sálmur eftir
Jónas, Þung er mín sorg og þraut.
Á meðal annarra tónskálda eru
J.S. Bach, Þorkell Sigurbjörnsson,
Duke Ellington, Ennio Morricone,
John Williams og Vangelis, auk tón-
listar sem sótt er í þjóðlega geymd. n
Hjörleifur og Jónas Þórir
í Skálholtsdómkirkju
Hjörleifur Valsson spilar á tónleikum.
Verkefnið miðar að
því að skapa tíma og
rými fyrir listamenn
til að vinna að nýjum
verkum,
Undirbúningsstyrkir
Styrkir til sýningaverkefna
Útgáfu-, rannsóknastyrkir
og aðrir styrkir
M
yn
dl
is
ta
rs
jó
ðu
r
Veittir verða styrkir allt að 3.000.000 kr.
Umsóknafrestur er til kl. 16:00 þann 23. ágúst 2021
Upplýsingar um myndlistarsjóð,
umsóknareyðublað, úthlutunar­
reglur og leiðbeiningar má finna
á vefsíðu myndlistarsjóðs,
myndlistarsjodur.is
Úthlutað verður í september­
mánuði. Um er að ræða seinni
úthlutun úr sjóðnum árið 2021.
Opið er fyrir
umsóknir í
myndlistarsjóð
16 Menning 13. júlí 2021 ÞRIÐJUDAGURFRÉTTABLAÐIÐMENNING FRÉTTABLAÐIÐ 13. júlí 2021 ÞRIÐJUDAGUR