Morgunblaðið - Sunnudagur - 11.04.2021, Side 2

Segðu mér frá þessu sjóbaðnámskeiði? Við
byrjuðum svolítið óvart með þessi sjóbaðnámskeið. Við
Margrét Leifsdóttir erum heilsumarkþjálfar og byrj-
uðum með föstunámskeið í fyrra. En af því við erum
báðar að stunda sjóböð settum við nokkra sjódaga
inn í föstunámskeiðið. En svo voru allir svo æstir í
sjóbaðið að það endaði með að við settum á fót
sérstakt sjóbaðsnámskeið í hverjum mánuði.
Námskeiðið heitir Glaðari þú, af
hverju? Þetta er leikjanámskeið og við vilj-
um leika og hafa gaman. Við erum að fara út
að leika á meðan við stígum út fyrir þæg-
indarammann. Sjóbað gerir mann glaðari,
vísindin segja okkur það.
Er þetta fyrir byrjendur? Já, við
sníðum námskeiðið í kringum þá sem eru að
taka fyrstu skrefin í sjóböðum. Við leggjum
líka mikla áherslu á að fólk virði sín mörk. Það
er gildi í því að hlusta á sig og líkamann því
dagsformið er svo mismunandi. Stundum erum
við lítil í okkur og þá gerum við minna, en við mæt-
um alltaf.
Hvað er gert í fyrstu tímunum? Fyrstu vik-
una erum við að vaða og prófa það áreiti sem er að
fara úti í kuldann og standa í sjónum upp að mitti. Síðar
stígum við skrefinu lengra og vöðum út í og syndum í
land en við förum rólega.
Er sjóbaðæði á Íslandi? Já, mér finnst vera algjör
sjóbaðsprengja! Það er gífurleg ásókn í þetta.
Hvað er svona gott við sjóbað? Það er gott fyrir
bólgur og verki ásamt því að efla ónæmiskerfið, en fyrst
og fremst er þetta andlega upplífgandi og maður verður
sannarlega glaðari.
Morgunblaðið/Árni Sæberg
GUÐRÚN TINNA THORLACIUS
SITUR FYRIR SVÖRUM
Sjóbaðsprengja!
Í FÓKUS
2 MORGUNBLAÐIÐ SUNNUDAGUR 11.4. 2021
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Funahöfða 7, 110 Reykjavík | Sími 577 6666
& "!(%'$#
"$&'%#!
"-+ ! !" &,'*)%(!$#
Kæli- & frystiklefar
í öllum stærðum
G
osið í Geldingadölum heldur áfram að gefa! Þetta gos hefur heldur bet-
ur lífgað upp á tilveru okkar hér á hjara veraldar þar sem við erum
enn stödd í heimsfaraldri. Fréttir skiptast í tvennt; veiran og svo gos-
ið. Áfram er rifist yfir ágæti bóluefna, réttmæti sóttvarna og pólitík sem bless-
aðri veirunni fylgir, en enginn rífst yfir gosinu. Það bara gleður! Líklega hafa tíu
prósent þjóðar nú þegar barið það augum og þvílík sjón sem það er. Upplifunin
er engri lík, það get ég vottað. Að standa fyrir framan svartan eldspúandi gíg og
horfa á glóandi hraun renna undir kolsvörtu glænýju hrauni er nokkuð sem þú
vilt ekki missa af. Hitinn er kæfandi og
brak og brestir og hvinur frá gini fjallsins
fyllir loftið. Þrátt fyrir mannfjölda er líkt
og maður sé einn í heiminum frammi fyr-
ir slíku náttúruundri. Mig dreymir gosið
á nóttinni og ég fylgist með því á daginn.
En þótt fréttamiðlar séu uppfullir af
fréttum af gosi og veiru er ein lítil frétt
líka merkileg, á öðrum skala þó. Cocoa
Puffs er horfið af íslenskum markaði!
Allra hörðustu aðdáendur þessa syk-
ursæta morgunkorns fylltu körfur sínar
áður en allt kláraðist. Ástæðan ku vera
að uppskriftin breyttist og uppfyllti ekki
kröfur sem Evrópa setur á slíka vöru.
Ekki veit ég hvað fór svona fyrir brjóstið
á matvælaeftirlitum Evrópu; það fylgdi ekki sögunni.
Uppskriftinni hefur áður verið breytt, til hins verra. Það veit ég sem ólst upp
í Bandaríkjunum á áttunda áratugnum og át margar margar skálar. Eftir
heimkomuna til Íslands árið 1977 héldum við systur áfram að gúffa í okkur
þessum sykurhúðuðu súkkulaðikúlum. En í kringum 1979 kom skellurinn.
Cocoa Puffs var ekki lengur hrímhvítt af sykri, heldur brúnt og „sköllótt“.
Bragðið var heldur dauflegt og áferðin önnur. Þrjár systur í Garðabænum voru
afar svekktar. Sú elsta tók það til bragðs að skrifa út og kvarta. Hvað eru þið
búin að gera við Cocoa Puffsið okkar? Af hverju er það sköllótt? Svar barst loks
í pósti. Ekki könnuðust þeir við að hafa breytt neinu en við vissum betur. Enda
aldar upp á Cocoa Puffsi.
„Væruð þið til í að senda okkur sýni?“ stóð í lok bréfs.
Cocoa Puffs-kúlum var troðið í eldspýtustokk og þær sendar til Bandaríkj-
anna. Enn leið nokkur tími. Þá var dyrabjöllunni hringt. Maður frá Cocoa
Puffs-umboðinu á Íslandi stóð á tröppunum. Með stóran kassa fullan af Cocoa
Puffs-pökkum í fanginu. Því miður hafði sýnið skemmst á leiðinni, sagði hann.
En til að bæta ykkur þetta upp fáið þið hér kassa af Cocoa Puffsi.
Það var auðvitað sama sköllótta Cocoa Puffsið. Svekkelsi!
Gosið og stóra
Cocoa Puffs-málið
Pistill
Ásdís
Ásgeirsdóttir
asdis@mbl.is
’
Þá var dyrabjöll-
unni hringt. Maður
frá Cocoa Puffs-umboð-
inu á Íslandi stóð á
tröppunum. Með stóran
kassa fullan af Cocoa
Puffs-pökkum í fanginu.
Harpa Einarsdóttir
Nei. Ekki enn.
SPURNING
DAGSINS
Er komið
plan fyrir
sumarfríið?
Elvis Aron Christensen
Sigurðsson
Já, ég ætla í útilegu.
Ingibjörg Helga Konráðsdóttir
Já, ég ætla á Jökulfirði.
Aðalsteinn Pétursson
Nei. Ekki farinn að hugsa svo langt.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Glaðari þú eru leikjanámskeið sem heilsumarkþjálfarnir Guðrún Tinna
Thorlacius og Margrét Leifsdóttir standa fyrir. Upplýsingar má finna á Fa-
cebook undir Margrét Leifs heilsumarkþjálfun og Til marks markþjálfun.
Guðrún Tinna og Margrét
sjá um leikjanámskeið.