Morgunblaðið - Sunnudagur - 02.05.2021, Síða 6

VETTVANGUR
6 MORGUNBLAÐIÐ SUNNUDAGUR 2.5. 2021
ÁR
1921-2021
Í Y
KKA
R ÞJÓNUSTU
10%
afsláttur
fyrir 67 ára
og eldri
E
f það er eitthvað sem maður ætti að
forðast eins og heitan eldinn þá er
það sennilega að standa í pólitískum
ritdeilum. Og þá meina ég ekki málefnaleg
skoðanaskipti, heldur leiðindi og þras. Ekki
bara eru svona deilur yfirleitt leiðinlegar
heldur skila þær sennilega sjaldnast árangri.
Ég sé að minnsta kosti ekki fyrir mér stöð-
una að einhver opni Moggann að morgni,
lesi svar við pólitísku þrasi og segi við sjálf-
an sig: „Ja hérna. Ég hef bara haft svona
svakalega rangt fyrir mér öll þessi ár. Nú
þarf ég greinilega að skipta um skoðun.“
Ég held nefnilega að besta leiðin til að ná
til fólks sé ýmist með rökum eða verkum.
Sýna fram á að það sem þú stendur fyrir sé
betra fyrir samfélagið og líklegra til að skila
árangri og allskonar dóti á borð við þægindi,
öryggi, einfaldara líf og jafnvel hamingju.
Það er líka á einhvern hátt líklegra að við
tökum meira mark á stjórnmálamönnum
sem setja mál sín fram á yfirvegaðan hátt
og einbeiti sér frekar að boltanum en mann-
inum.
Ég held að grein, sem ég las í vikunni, um
prinsessu, pjakk og rómverskan keisara
(sem var svo reyndar allt sami maðurinn) sé
ekki líkleg til árangurs. Maðurinn er sem
sagt Gísli Marteinn Baldursson. Nágranni
minn og vinur, svo það sé tekið fram. Ég er
reyndar ekkert alltaf sammála honum en ég
held að það skili afskaplega litlu að upp-
nefna hann. Mér hefur reynst miklu betur
að ræða málin og segja hvað mér finnst.
Ég get til dæmis alveg viðurkennt það að
ég var ekki spenntur þegar Hofsvallagötu
var breytt. Skildi mögulega ekki alveg af
hverju hún leit allt í einu út eins og litrík
blómabúð með fuglalausum fuglahúsum.
Fannst það líka pirrandi að geta ekki haft
þessa ágætu aukaakrein til að beygja til
austurs.
En smám saman áttaði ég mig á því að
þetta gerði hverfið betra. Það hægist á um-
ferðinni og hverfið fær yfir sig rólegri blæ.
Svona svipaðan og er einmitt mjög sniðugt
að hafa í íbúðahverfi. Hverfi þar sem fólk
hefur tækifæri til að sækja sér það sem það
þarf í nánasta nágrenni og getur stundum
skilið bílinn eftir heima.
Ég held að þetta sé nokkurn veginn
samanlagður vilji flestra á þessu svæði.
Okkur þykir vænt um Vesturbæinn. Við höf-
um ákveðið að búa hér af því að við viljum
hafa þetta svona. Geta gengið í búðina, bak-
aríið, ísbúðina, kaffihúsið og laugina. Geta
sent börnin okkar á nokkuð öruggan hátt
sömu leið.
Þess vegna verðum við pjakkarnir í hverf-
inu ekkert rosalega spenntir þegar talað er
til okkar af yfirlæti. Rétta leiðin að hjarta
fólks er sjaldn-
ast skítkast.
Það hljóta að
vera aðrar leiðir
til að koma
sjónarmiðum
sínum á fram-
færi.
Það er eflaust af nógu að taka ef fólk
vantar eitthvað til að gagnrýna meirihlutann
í borginni. Það má nefna að öll gjöld eru hér
í hæstu hæðum og alltof langir biðlistar eft-
ir leikskólaplássi, þrátt fyrir endalaus loforð
um annað. Ýmislegt í rekstri borgarinnar
mætti líka örugglega betur fara og ná betri
samningum. En þetta einstaka mál held ég
að sé ekki líklegt til árangurs.
Ég held að það séu flestir sammála um
það að þegar komið er inn í hverfi sé æski-
legt að fólk keyri hægar. Til dæmis hefði
verið gott að sá sem ók yfir köttinn minn
um daginn á Hofsvallagötunni og stoppaði
ekki einu sinni hefði ekið hægar. Þá hefði
ég mögulega ekki þurft að sækja blóði
drifna kisu sem góðar konur höfðu breitt yf-
ir.
En svo er líka alltaf í boði að vera ósam-
mála. Það er sennilega heppilegra að við
séum ekki alltaf öll á sömu skoðun. En það
væri þá betra ef við gætum í það minnsta
sleppt því að uppnefna fólk og tala niður til
þess. Það held ég að hafi aldrei skilað neinu.
’
Þess vegna verðum við pjakk-
arnir í hverfinu ekkert rosa-
lega spenntir þegar talað er til
okkar af yfirlæti. Rétta leiðin að
hjarta fólks er sjaldnast skítkast.
Á meðan ég man
Logi Bergmann
logi@mbl.is
Við pjakkarnir
S
traumhvörf hafa orðið á Ís-
landi í baráttunni gegn Covid.
Þegar þetta er skrifað hafa
um 38% þeirra sem til stendur að
bólusetja fengið að minnsta kosti
fyrri sprautuna af bóluefni, eða um
109 þúsund manns.
Í fréttum og á samfélagsmiðlum
deilir fólk með okkur almennt já-
kvæðri upplifun sinni og raunar
hrifningu af framkvæmd bólusetn-
inga, að ekki sé minnst á léttinn yfir
því að hafa fengið þessa vörn.
Á sama tíma og þessi jákvæða
þróun er á fleygiferð fékk þjóðin
annað og náskylt tilefni til aukinnar
bjartsýni síðastliðinn þriðjudag,
þegar afléttingaráætlun stjórnvalda
um sóttvarnaráðstafanir var kynnt.
Í henni kemur fram að ráðgert er að
aflétta öllum takmörkunum innan-
lands síðari hluta júní. Að sjálfsögðu
með almennum fyrirvara um stöðu
mála.
Næsta skref felst í því að fjölda-
takmörk verði
rýmkuð þannig að
þau verði einhvers
staðar á bilinu 20-
200 manns og
rýmri undanþágur
verði veittar frá
bæði nálægð-
arreglu og fjöldatakmörkunum fyrir
tiltekna starfsemi. Þetta skref mið-
ast við að 35% hafi fengið að minnsta
kosti fyrri sprautu af bóluefni, en
eins og áður segir hefur því marki
nú þegar verið náð.
Síðasti efnahagspakkinn?
Í gær, föstudag, kynnti svo ríkis-
stjórnin frekari efnahagsleg úrræði
til stuðnings einstaklingum og fyrir-
tækjum. Sem dæmi um úrræði sem
beinast að fyrirtækjum má nefna:
! Viðspyrnustyrkir framlengdir
út nóvember og rýmri viðmið tekin
upp um tekjufall.
! Lokunarstyrkir framlengdir út
þetta ár og fjárhæð hækkuð.
! Uppgjör á frestaðri stað-
greiðslu og tryggingagjaldi auðveld-
að með möguleika á fjögurra ára
greiðsludreifingu.
! Lánveitendum heimilað að
fresta endurgreiðslu stuðningslána
um eitt ár til viðbótar við núverandi
heimildir.
! Styrkur til endurráðningar
starfsfólks á hlutabótum í fyrra
starfshlutfall.
Einnig var tilkynnt um nýja ferða-
gjöf, „Ferðagjöf II“, sem gildir út
sumarið og verður með sama sniði
og ferðagjöfin í fyrra. Nú hafa 169
þúsund nýtt fyrri ferðagjöfina. Aðrir
hafa út maímánuð til að nýta hana,
en nýja ferðagjöfin gildir síðan út
sumarið eins og áður segir.
Þá miðar frumvarp mitt um nýjan
ferðatryggingasjóð að grundvallar-
breytingu á því hvernig fyrirtæki
eru tryggð og réttur neytenda var-
inn, í formi nýs samtryggingasjóðs
til hagsbóta fyrir báða aðila. Núgild-
andi kerfi felur í sér óþarflega mikl-
ar byrðar og ógnaði tilvist sumra
fyrirtækja þegar ferðalög lögðust
svo til af. Við því var brugðist með
tímabundnu úrræði, Ferða-
ábyrgðasjóði, og í lok janúar ákvað
ég að fresta fyrsta gjalddaga lána úr
þeim sjóði frá 1. mars til 1. desem-
ber til að koma til móts við fyrir-
tækin í ljósi þess hvernig faraldur-
inn hafði þróast, og um leið verja
hagsmuni ríkissjóðs.
Viðspyrnan
Aukin bjartsýni einkennir lands-
menn almennt vegna góðs árangurs
við bólusetningar og áætlunarinnar
um afléttingu
sóttvarna-
ráðstafana í sum-
ar. En bjartsýni
fer einnig vaxandi
innan ferðaþjón-
ustunnar.
Ágætur ferða-
vilji er til Íslands á okkar helstu
markaðssvæðum, ekki síst í Banda-
ríkjunum og Bretlandi, og vonir okk-
ar standa til þess að geta tekið á
móti fleiri bólusettum gestum. Um-
fjöllun um eldgosið við Fagradals-
fjall og ekki síður hin frábæra her-
ferð Húsvíkinga í tengslum við
Óskarsverðlaunin hafa glætt áhuga
á Íslandi enn frekar. Flugferðum
mun fjölga á næstu vikum og nýtt ís-
lenskt flugfélag meðal annars fara í
loftið.
Of snemmt er að segja til um
hversu öflug viðspyrnan verður í
sumar en ekki er fráleitt að for-
sendur ríkisfjármála um fjölda
ferðamanna á árinu gætu náðst. Það
er mikilvægt, enda gríðarlegt tjón
fyrir landið allt að hafa stærsta
gjaldeyrisskapandi atvinnuveg okk-
ar í lamasessi.
Eitt af því sem huga þarf að þegar
gestum fjölgar er að öll sú fram-
kvæmd verði ekki bara örugg heldur
líka skilvirk þannig að upplifun bæði
Íslendinga sjálfra og gesta okkar
verði góð.
Verum stór
Við Íslendingar getum með réttu
verið stolt af því hvernig við höfum
tekist á við faraldurinn. Óhjákvæmi-
lega hefur hann komið illa við marga
en samanburður við önnur lönd talar
sínu máli um hve vel hefur tekist að
halda þeim skaða í lágmarki.
Og ekki væru minnst verðmæti í
því fyrir íslenska þjóð að komast
þessa leið á enda án þess að til klofn-
ings komi á milli hópa í samfélaginu
á grundvelli ásakana eða jafnvel for-
dóma. Vissulega hefur aðeins örlað á
því en von mín er að við reynumst
nógu stór til að stöðva slíkt í fæð-
ingu.
Ljósið við enda
ganganna
Úr ólík-
um áttum
Þórdís Kolbrún R.
Gylfadóttir
thordis@anr.is
’
Um 38% þeirra
sem til stendur að
bólusetja hafa fengið
að minnsta kosti fyrri
sprautuna af bóluefni.
Um 109.000 manns hafa fengið í það
minnsta fyrri sprautu af bóluefni.
Morgunblaðið/Eggert