Morgunblaðið - Sunnudagur - 02.05.2021, Page 18

Eggið hans Arne Jacobsen er skúlptúr, en það má fá í fjörlegum lit til þess að bera heila íbúð.
Stílhreint þarf ekki
að vera sviplaust
Stílhreinar nútímalegar íbúðir geta verið kuldalegri en ástæða er til.
Það má laga með nokkrum vel völdum gripum.
Andrés Magnússon andres@mbl.is
Fylla mætti tvær opnur með Alvar Aalto, en þótt hann notaði ljósan við mest,
þá má fá margt eftir hann í ýmsum litum, eins og kollana hans sígildu.
Le Corbusier er einn merkasti hönnuður lið-
innar aldar og þessi legustóll sýnir vel af hverju.
(Hann er meira til að horfa á en liggja í).
Barcelona-stóll
Mies van der Rohe
og Lilly Reich er
glæný 90 ára gömul
hönnun.
En það má vel finna lausn á því án þess að umturna
íbúðunum og skipta um stíl. Oft þarf ekki nema eitt vel
valið húsgagn eða nokkra muni til þess að gerbreyta
ásýndinni og styrkja heildarsvipinn. Þar er þrennt, sem
helst ber að hafa í huga: Litur, form og staðsetning. Í
nánast svarthvítum íbúðum er auðvelt að nota djúpa eða
sterka liti til þess að lífga upp á þær, en það þarf sjaldn-
ast mikið til. Ein mubla, málverk eða jafnvel bara
gluggatjöld geta gert gæfumuninn. Sum húsgögn geta
verið svo einkennandi að þau þurfa varla lit til þess að
gera rýmið athyglisverðara. Sum raunar ekki síður
skúlptúrar en nytjamunir. Loks skiptir staðsetning máli,
því þessir húsmunir draga augað að sér og geta undir-
strikað línur eða bætt annað upp.
Hér eru nokkur dæmi, en það má finna fjölmargt ann-
að, sem gerir sama gagn, og oft verður útkoman per-
sónulegri fyrir vikið.
S
tílhreinar nútímaíbúðir á Íslandi eru með ákveðnu
sniði, rúmgóðar og bjartar, með stórum flötum,
drifhvítir veggir og harðviður eða steinn í gólfum,
stórir og háir gluggar algengir, innréttingar oft hvítar
eða í afar ljósum við. Þær eru vissulega stílhreinar, en
þær geta líka orðið sviplausar, berangurslegar og kulda-
legar. Sér í lagi þar sem tískan er að hafa ekki of mikið af
húsgögnum og munum; grátt, svart og hvítt mjög ráð-
andi í húsgögnum líka. Það gerir íbúðirnar svo ekki hlý-
legri að allir þessir hörðu fletir auka gjallanda.
Lampinn hans Paul Henn-
ingsen (PH) stendur enn fyrir
sínu, gefur jafna óbeina birtu
og er eins og lítið listaverk.
Hann má fá í alls kyns litum.
Finnski hönnuðurinn Eero
Saarinen gerði ótalmargt fal-
legt, en túlipanaborðið hans
má fá í mörgum stærðum og
er svo fallegt að það er nán-
ast synd að raða stólum um-
hverfis það.
18 MORGUNBLAÐIÐ SUNNUDAGUR 2.5. 2021
LÍFSSTÍLL
HÄSTENS VERSLUN
Faxafeni 5, Reykjavík
588 8477
AFGREIÐSLUTÍMI
Mán.–fös. 11–18 | Lau. 11–16
www.betrabak.is
Þegar þú vaknar í rúmi frá Hästens munt þú skilja
virði þess að ná fullkomnum nætursvefni.
BETRISVEFN,BETRA