Morgunblaðið - Sunnudagur - 06.06.2021, Blaðsíða 17

kjósa Íhaldsflokkinn, hver svo sem leiddi hann,
flykktust nú á kjörstað til að kjósa „íhaldið“ og Boris
Johnson, svo hann kom frá þeirri kosninganótt með
rúmlega 80 þingsæta meirihluta! Þeir, sem bæði
gleyma lykilmönnum sínum og kjósendum, þekkja
varla nema sína allra nánustu, sagði Reykás, og bætti
því við að það hefði reyndar oft komið sér vel fyrir
hann.
Flokkar, sem standa ekki
á eigin fótum, standa illa
Bakland flokka hér á landi er ólíkt og iðulega er fátt
og lítið á bak við suma þeirra, en þeir fá þó iðulega
veruleg áhrif út úr kosningum, þótt mismikið verði úr
því, þegar á þing er komið. En núverandi kerfi er
óhollt í ýmsum efnum og til að mynda er ríkisvæðing
flokka komin úr böndum. Fræðimönnum hentar ekki
að skrifa um slíkt því að þeir eru flestir staddir eins.
Til þess að sæmilega stór flokkur standi undir sér
félagslega og sem lifandi vél hugsjóna og með nægi-
legt úrval skoðana og sjónarmiða til að geta tekið þátt
í öflugri baráttu, jafnt inn á við sem út á við, þarf
hann að eiga öflugan hóp stuðningsmanna sem finna
til sín og eru um leið velviljaðir gagnrýnendur innan
frá og með þekkingu úr grasrótinni í öllum lands-
hlutum. Slíkur flokkur þarf ekki aðeins að hafa að-
gang að fólki sem veitir honum atfylgi á kjördag.
Slíkir eru auðvitað eilíft þakkarefni fyrir hvern flokk.
En sá mikilvægi hópur er þó, eðli málsins samkvæmt,
laustengdari flokknum hugmyndafræðilega og til-
finningalega en aðrir.
Hinn hópurinn, sem tengdur er flokki tryggð-
arböndum, sem halda glettilega lengi, hann er bak-
beinið. Og það má ekki bresta.
Morgunblaðið/kbl
’
Og stundum létu menn undan kvaki
„utan úr bæ“ og tóku að leiðrétta
prófkjörin. Það endaði sjaldan vel.
6.6. 2021 MORGUNBLAÐIÐ SUNNUDAGUR 17