Heilsuvernd - 01.02.1972, Page 8

Ekki skal því vorkenna hjartanu að hreyfa sig. Það er gott að
alast upp til áreynslu og erfiðis. Of mikil kyrrð getur ekki endur-
nært og uppbyggt líkamann. Ofsaáreynsla bætir ekki heldur úr
eyðandi áhrifum ofkyrrðar, heldur skynsamleg uppbygging með
hóflega vaxandi erfiði. Kapp er bezt með forsjá. Það verður því
aldrei um of brýnt fyrir fólki að fara rólega af stað í endurhæfingu,
æfa sig upp smátt og smátt, örva og dýpka andardráttinn með
eðlilegum hætti og án þess að mæða sig, ganga uppréttur, njóta
ánægju þess að vera kominn „undir blæ himins blíðan“.
Athuga skal vel. hvort ekki fáist eins heilsusamleg þjálfun út
úr sömu vegalengd á 30 mínútum eins og 20 mínútum til dæmis.
Það er nógur tími til að greikka sporið með vaxandi æfingu og
komast á skokk svona smátt og smátt.
Með göngu- og heilsu-kveðju.
Léttíst um 66 kiló
Mjög skiptir í tvö hom, hvernig feitu fólki gengur að megra
sig, jafnvel þótt það fari í öllu eftir fyrirmælum lækna sinna.
Þannig er frá því skýrt í sænska tímaritinu Halsa, að maður einn
hafi fastað hvað eftir annað og ekki nærzt á öðru en grænmetis-
og ávaxtadrykkjum, auk vatns, samtals í 143 daga eða rúmar 20
vikur, en þó ekki létzt nema um 18 kílógrömm.
Annar maður fastaði í sama skyni og á sama hátt, samtals í
97 daga eða 14 vikur, og léttist hvorki meira né minna en um
66 kg. Fyrsta fastan varaði 5 vikur, og þá losnaði hann við 26 kg.
Á milli þess sem hann fastaði, nærðist hann á mjólkur- og jurta-
fæði og borðaði mikið af ósoðnu grænmeti. Hann hafði alltaf verið
mikill matmaður, síétandi frá morgni til kvölds, þar á meðal
kökur og sætindi. Hann var bindindismaður á tóbak og áfengi.
Nú er hann læknaður af matgræðginni. Þegar hann byrjaði föst-
una, var hann 143 kg á þyngd og mittismál 162 cm, en var að
lokum kominn niður í 77 kg og 92 cm.
8
HEILSUVERND