Feykir - 08.07.2020, Blaðsíða 4

Á lokadegi Alþingis var samþykkt
þingsályktunartillaga Samfylking-
arinnar um mótun stefnu
sem eflir fólk af erlendum
uppruna til þátttöku í
samfélaginu en fyrsti
flutningsmaður er
greinarhöfundur. Þetta
var í annað sinn sem
tillagan er lögð fyrir
þingið og það ánægjulega
gerðist að hún hlaut nú
brautargengi.
Á Íslandi hafa aldrei verið
fleiri innflytjendur en nú
um þessar mundir og hefur fjölgað
býsna hratt undanfarin ár þótt eðlilega
sé eitthvert uppihald á þeirri þróun
eins og nú hagar til um gervallan
heiminn.
Hlutfall innflytjenda á Íslandi er
mjög nálægt því sem gerist og gengur
meðal annarra Evrópuþjóða eða um
14%.
Farendur og flóttafólk
Fólk er á faraldsfæti um heimsbyggð-
ina af ýmsum ástæðum. Meirihluti
innflytjenda flytur að eigin ósk eða
um 90%. Aðeins 10% flýja átök og
ofsóknir en það er átakanlegt hlut-
skipti þeirra sem í hlut eiga. Þótt við
leysum ekki þann vanda allan hér á
litla Íslandi, þá getum við ekki skellt
skollaeyrum við, látið sem ekkert sé.
Samkvæmt nýrri skýrslu Flótta-
mannahjálpar Sameinuðu þjóðanna
hefur 1% jarðarbúa eða nærri 80
milljónir manna orðið að flýja heimili
sín vegna stríðs, átaka og ofsókna.
Það er hins vegar talið að um 500
milljónir manna séu skil-
greindir sem farendur í
heiminum, sem leita
öryggis og betra lífs-
viðurværis fyrir sig og sína
nánustu, leita að skjóli og
öryggi fyrir börnin sín.
Íslendingar
jákvæðir
Íslendingar mælast með
jákvæðustu viðhorf til inn-
flytjenda og fjölmenningar
í Evrópu samkvæmt við-
horfskönnun European Social Survey.
Auk þess kemur fram að meirihluti
landsmanna vill að ríkisstjórnin veiti
mörgum hælisleitendum dvalarleyfi.
Við trón-um þarna á toppnum með
Írum og Svíum.
Þetta þarf kannski ekki að koma á
óvart ef horft er til sögu okkar í bráð
og lengd. Íslendingar hafa verið
talsvert á ferðinni og sótt heim aðrar
þjóðir og valið að búa þar um lengri
og skemmri tíma, þekkja vel þá
reynslu að setjast að á framandi
slóðum.
Hvers vegna förum við?
Oftast er þetta gert af fúsum og
frjálsum vilja, ákvörðun hins frjálsa
manns en þeir tímar hafa komið í
sögu okkar að fólk hreinlega flúði
örbirgð og vesöld, atvinnuleysi og
fátækt. A.m.k. 14.000 Íslendingar
fluttu þannig til Vesturheims á
ofanverðri 19. öldinni. Skemmst er
líka að minnast þeirra þúsunda sem
fluttu frá landinu í efnahagshruninu
fyrir rúmlega áratug til annarra landa
í leit að betra hlutskipti.
Eins og staðan er núna, þá eru
rúmlega 46.000 íslenskir ríkisborgarar
með skráða búsetu í útlöndum og
íslenska ríkisborgara að finna í 118
ríkjum af 193 aðildarríkjum Sam-
einuðu þjóðanna. Íslendingar búa því
bókstaflega um alla jörð og ekki
undarlegt að þeir taki af skilningi
nýjum þegnum sem auðgað geta og
bætt okkar samfélag um leið og sitt
eigið líf.
Skipulagður undirbúningur
Rannsóknir sýna að þær þjóðir sem
leggja áherslu á og setja í forgang
vandaða aðlögun innflytjenda að
vinnumarkaði og samfélagi uppskera
mestan ábata. Mikilvægt er því að
stjórnvöld hafi frumkvæði að jákvæðri
samfélagsumræðu. Stóra Stóra atriðið
er að aðlögun þarf að vera á forsendum
beggja, vera tvíhliða og gagnkvæm þar
sem borin er virðing fyrir menningu,
tungumáli og uppruna viðkomandi.
Í öllu þessu ferli ræður skilningur,
upplifun og viðhorf heimafólks líka
úrslitum.
Langt í land
Við eigum langt í land með að geta
sagst standa framarlega í móttöku
innflytjenda og þeir standa hér höllum
fæti eins og víða í öðrum löndum. Við
sjáum það á vinnumarkaðnum.
Atvinnuleysi er t.d. meira hér meðal
innflytjenda en innfæddra. Reynsla
annarra þjóða sýnir einnig að launa-
kjör innflytjenda eru lakari en inn-
fæddra. Skv. úttektum nemur það allt
að 20 – 30% í sambærilegum starfs-
greinum. Þá eiga innflytjendur á
brattann að sækja á húsnæðismarkaði
og við þekkjum mörg ömurleg dæmi
þess sem ratað hafa í fjölmiðla. Mun
færri hefja framhaldsnám og enn
færri ljúka framhaldsnámi en
innfæddir, hátt brottfall er staðreynd
og það er takmarkaður stuðningur í
skólakerfinu. Við metum með ófull-
nægjandi hætti menntun innflytjenda
og viðurkennum ekki vel fagleg
réttindi. Í Evrópu er áætlað að 22%
innflytjenda hafi menntun umfram
það sem krafist er í viðkomandi starfi
á móti 13% innfæddra.
Stefna um
vandaða móttöku
Fjölgun innflytjenda hefur verið mikil
hjá okkur á allra síðustu árum miðað
við nágrannalöndin og við erum
reynsluminni á þessu sviði. Svíar og
Kanadamenn hafa t.d. þróað mér sér
kerfi í sinni innflytjendastefnu og
njóta þess í betri þátttöku á
vinnumarkaði og í samfélaginu öllu og
af þeim getum við margt lært.
Við skulum vinna að því og gera
það hluta af samfélagssáttmála okkar
að vera þjóðin sem veit og skilur hvað
innflytjendur skipta miklu máli.
Guðjón S. Brjánsson
alþingismaður Samfylkingarinnar
NV kjördæmi
AÐSENT | Guðjón S. Brjánsson skrifar
Bjóðum nýja Íslendinga velkomna
Á laugardaginn fór Drang-
eyjarmótið í götuhjólreiðum
fram í Skagafirði en þetta var
annað bikarmót ársins.
Hjólreiðafélagið Drangey í
Skagafirði og Hjólreiða-
samband Íslands sáu um
framkvæmd mótsins. Það voru
Ingvar Ómarsson og Ágústa
Edda Björnsdóttir sem urðu
hlutskörpust í aðalkeppninni
sem er 124 kílómetra hringur í
Skagafirði en líkt og í fyrra
endaði leiðin á löngu klifri upp á
skíðasvæði Tindastóls.
Keppendur voru ræstir af
stað kl. 19. Þrátt fyrir hið besta
gluggaveður lengstum þá
endaði keppnin í þykkri þoku í
Stólnum. Eftir því sem leið á
daginn bætti töluvert í vind í
Skagafirði og undir kvöld var
kominn norðanstrekkingur.
Þetta leiddi til þess að kepp-
endur héldu sig meira í hópum
og ekki mikið um að reynt væri
að stinga af.
Þannig voru til dæmis enn
ellefu keppendur í hnapp í
karlaflokki þegar komið var að
brekkunni upp á skíðasvæðið
en þá setti Ingvar í túrbógír-
inn og kláraði hálfri mínútu á
undan næsta manni. Hann fór
hringinn á 3:26:33 sekúndum.
Eyjólfur Guðgeirsson varð
annar en sekúndu á eftir
honum var Birkir Snær Ingva-
son sem sigraði í mótinu í fyrra.
Keppnin hófst á Króknum
en þaðan var hjólað fram í
Varmahlíð, síðan yfir í Blöndu-
hlíð og alla leið á Hofsós þar
sem snúið var við, farið yfir í
Hegranes og á Krókinn og
lokaspretturinn var síðan upp á
skíðasvæði. 124 kílómetrar sem
fyrr segir.
Ágústa Edda sigraði í aðal-
keppni kvenna en hún kláraði á
3:57:20, Hafdís Sigurðardóttir
varð önnur á 3:58:37 og Bríet
Kristý Gunnwarsdóttir þriðja á
3:58: 56.
Á sama tíma var einnig
keppt í styttri vegalengd, 82
kílómetrum, en þeir kepp-
endur fóru sömu leið en þurftu
ekki að fara á Hofsós, tóku
snarpa vinstri beygju yfir í Nes
áður en komið var að Narfa-
stöðum.
Þá var keppt í almenn-
ingsflokki karla og kvenna að
morgni laugardags kl. 9 en sú
keppni hófst í Varmahlíð. Síðan
var hjólað yfir í Blönduhlíð og
þaðan á Krókinn og síðan fram
í Varmahlíð; alls 65 kílómetrar.
Heldur var vindur rólegri á
meðan á almenningskeppninni
stóð. /ÓAB
Ágústa og Ingvar sigurvegarar
Drangeyjarmótið í götuhjólreiðum
Frá Drangeyjarmótinu 2020. MYNDIR: BRÍET GUÐMUNDSDÓTTIR
4 27/2020