Fréttablaðið - 16.12.2021, Blaðsíða 4

arib@frettabladid.is
VIÐSKIPTI Félag atvinnurekenda, FA,
telur brýnt að ráðast í heildarendur-
skoðun á áfengislögum. Fram kemur
í bréfi sem Ólafur Stephensen, fram-
kvæmdastjóri FA, sendi Jóni Gunn-
arssyni dómsmálaráðherra í gær, að
ráðuneytið hafi ekki svarað erindum
um hvort starfsemi áfengisverslana
með erlendri kennitölu á netinu sé
lögleg hér á landi.
Ráðuneytið sagði í svarbréfi til
félagsins í október að breyta þyrfti
lögum til að reka vefverslanir með
áfengi á íslenskri kennitölu. ÁTVR
hefur stefnt eigendum verslananna
fyrir dómstóla.
Í bréfi Ólafs segir að fleiri leiðir séu
fram hjá einkarétti ÁTVR á áfengis-
sölu, þar á meðal bein sala brugg-
húsa. „Þrátt fyrir að lagaheimild
skorti er það opinbert leyndarmál
að mörg smærri brugghús selja
gestum sínum áfengi í neytenda-
umbúðum til neyzlu annars staðar,“
segir í bréfinu. „Þriðja leiðin framhjá
áfengiseinkasölunni eru svokallaðir
vín- eða smökkunarklúbbar, þar
sem meðlimir kaupa í smásölu af
innflytjendum vín, sem aldrei fara
um sölukerfi Áfengis- og tóbaks-
verzlunar ríkisins.“ Í ljósi þess að
stjórnvöld geri ekki athugasemd við
slíka starfsemi, telur Ólafur að bann
áfengislaga sé orðið býsna götótt. n
Kjósendur Sjálfstæðisflokks-
ins skera sig úr í afstöðu til
staðfestingar Alþingis á kjör-
bréfum. Sjötíu prósent þeirra
eru sáttir við niðurstöðuna.
Meiri óánægja er í öðrum
flokkum.
adalheidur@frettabladid.is
arnartomas@frettabladid.is
STJÓRNMÁL Fólk á aldrinum 25 til
44 ára er óánægðast með afgreiðslu
Alþingis á talningarmálinu svo-
kallaða, samkvæmt niðurstöðum
nýrrar könnunar Prósents. Aðeins
27 prósent þessa aldurshóps eru
ánægð með afgreiðslu þingsins.
Yfir fimmtíu prósent þessa aldurs-
hóps eru hins vegar óánægð með
lendingu málsins.
Ánægja með afgreiðslu þingsins
vex svo með hækkandi aldri en
ánægjan nær þó ekki yfir 50 prósent
í neinum aldurshópi.
Lít il l mu nu r er á afstöðu
kynjanna til málsins en karlar eru
þó ívið ánægðari með afgreiðslu
þingsins en konur. Svipaða sögu er
að segja um afstöðu eftir búsetu.
Landsbyggðin er ívið ánægðari með
niðurstöðu málsins á þingi en fólk af
höfuðborgarsvæðinu.
Ánægja mælist minnst meðal
þeirra sem minnstar hafa tekjur
en fjórðungur þeirra er einnig fjöl-
mennasti hópur þeirra sem segist
hvorki ánægður né óánægður með
afgreiðslu þingsins á málinu.
Mestan mun má sjá meðal svar-
enda könnunarinnar þegar svör
eru greind eftir því hvernig þátttak-
endur kusu í alþingiskosningunum.
Þannig eru sjötíu prósent kjósenda
Sjálfstæðisf lokksins ánægð með
afgreiðslu þingsins á málinu og
52 prósent kjósenda Framsóknar.
Aðeins 38 prósent kjósenda Vinstri
grænna eru ánægð með afgreiðslu
þingsins en 40 prósent þeirra eru
óánægð.
Þing f lok k ur VG k lof naði í
atkvæðagreiðslu um málið þar
sem nokkrir þingmenn f lokksins
greiddu atkvæði gegn því að stað-
festa kjörbréf þeirra sem náðu
kjöri vegna seinni talningar í Norð-
vesturkjördæmi, en aðrir þingmenn
f lokksins greiddu atkvæði með
staðfestingu allra kjörbréfa.
Mun fleiri kjósendur Miðflokks-
ins og Flokks fólksins eru óánægðir
en þeir kjósendur f lokkanna sem
ánægðir eru með lendingu þingsins.
Þingmenn beggja f lokka greiddu
atkvæði með staðfestingu kjörbréfa
á grundvelli seinni talningarinnar.
Mun meiri óánægja er þó með
niðurstöðu þingsins meðal kjós-
enda annarra stjórnarandstöðu-
f lokka. Mest er óánægjan meðal
kjósenda Pírata, þar sem 84 prósent
eru óánægð með niðurstöðuna.
„Ríkisstjórnarf lokkarnir eru
auðvitað ánægðari með þessar
niðurstöður, sér í lagi kjósendur
Framsóknarf lokksins og Sjálf-
stæðisflokksins,“ segir Eiríkur Berg-
mann, prófessor við Háskólann á
Bifröst. Hann segir þó koma á óvart
hve munurinn milli kjósenda flokk-
anna sé mikill.
„Þetta fellur líka saman við aðra
línu í íslenskum stjórnmálum.
Það er þessi þungamiðja í íslenska
f lokkakerfinu – fylgjendur þeirra
f lokka eru ánægðari með niður-
stöðurnar en kjósendur þeirra
f lokka sem hafa stillt sér upp sem
kerfisbreytingaf lokkar.“
Athygli vekur að rétt tæpur
helmingur þeirra sem segjast ekki
hafa kosið, eða 49 prósent, segjast
óánægð með lendingu þingsins.
Könnunin var framkvæmd dag-
ana 1. til 10. desember 2021. Um
netkönnun var að ræða meðal
könnunarhóps Prósents. Könn-
unin var send til 2.300 einstakl-
inga 18 ára og eldri. Svarendur
voru 1.141 og svarhlutfallið 49,6
prósent. n
Ríkisstjórnarflokk-
arnir eru auðvitað
ánægðari með þessar
niðurstöður, sér í lagi
kjósendur Framsókn-
arflokksins og Sjálf-
stæðisflokksins.
Viðhorf til málsins eftir stuðningi við flokka í kosningunum
100%
80%
60%
40%
20%
0%
70
%
19
%
11
%
52
%
22
% 26
%
38
%
22
%
40
%
25
%
25
%
50
%
19
%
50
%
23
%
62
%
15
%
14
%
70
%
6%
12
%
82
%
3%
13
%
84
%
n Vel n Hvorki né n Illa
14
%
31
%
UMBOÐSAÐILI JEEP® Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-17 • LAUGARDAGA 12-16
960.000 KR VSK VERÐHÆKKUN UM ÁRAMÓT*
A L V Ö R U J E P P I – A L V Ö R U F J Ó R H J Ó L A D R I F
JEEP COMPASS LIMITED
TROÐFULLUR AF AUKABÚNAÐI 6.999.000 KR.
JEEP RENEGADE TRAILHAWK
TROÐFULLUR AF AUKABÚNAÐI 6.199.000 KR.
*Verð á Compass og Renegade hækkar um 480.000-960.000 um áramótin, vegna VSK hækkana. Nánari útskýringar fást hjá sölumönnum.
ÁRA ÁBYRGÐ 8 ÁRA ÁBYRGÐ Á
DRIFRAFHLÖÐU
Skýr flokkamunur í talningarmálinu
Birgir Ármannsson, formaður kjörbréfanefndar, þótti af mörgum standa sig
vel í því hlutverki. FRÉTTABLAÐIÐ/EYÞÓR
Hjáleiðir í einkasölu opinberi götótt áfengislög
Ólafur
Stephensen,
framkvæmda-
stjóri FA
adalheidur@frettabladid.is
HEILBRIGÐISMÁL Fjölga þarf stöðu-
gildum geðlækna á Landspítalanum
um ellefu, að mati spítalans. Þetta
kemur fram í svari heilbrigðisráð-
herra við fyrirspurn þingmannsins
Önnu Kolbrúnar Árnadóttur.
Á spítalanum starfi 22 geðlæknar
í 19,7 stöðugildum. Til að tryggja
viðunandi þjónustu og til að sinna
kennslu og þjálfun, þurfi 31 stöðu-
gildi geðlæknis, að mati spítalans.
Þá segir að frá sumrinu 2020 hafi
þrisvar verið auglýst eftir geðlækni.
Einungis hafi borist umsóknir frá
erlendum aðilum en tveir voru
ráðnir og von er á að árangur verði
af þriðju auglýsingunni nú í mars
með ráðningu eins einstaklings. n
Ellefu geðlækna
vanti á spítalann
Stöðugildi geðlækna eru 19,7 en
þurfa að vera 31 að mati spítalans.
gar@frettabladid.is
VERSLUN Um tuttugu verslanir í
Skeifunni hafa tekið sig saman og
efna til sérstaks Jólakvölds í Skeif-
unni í kvöld.
Að sögn Ásthildar Elínar Einars-
dóttur hjá versluninni Home&You
er þetta í fyrsta skipti sem slíkt
Jólakvöld er í Skeifunni. Segir hún
verslanirnar sem taka þátt, bjóða
afslátt af vörum sínum í tilefni
dagsins og jafnvel verða með ýmis-
legt til skemmtunar í kvöld. Í stað
þess að loka síðdegis verður opið til
klukkan 22.
Að sögn Ásthildar sér verslunar-
fólk í Skeifunni fyrir sér að Jóla-
kvöldið marki upphaf að fleiri slík-
um viðburðum í Skeifunni á öðrum
tímum árs. n
Jólakvöld í Skeifu
Jól í Skeifunni. FRÉTTABLAÐIÐ/EYÞÓR
4 Fréttir 16. desember 2021 FIMMTUDAGURFRÉTTABLAÐIÐ