Morgunblaðið - Sunnudagur - 22.08.2021, Blaðsíða 2

Þátturinn Alls konar kynlíf, hvernig
þáttur er þetta?
Fyrst og fremst skemmtiþáttur um kynlíf en
með fræðsluívafi.
Hvaða gesti fenguð þið í þáttinn?
Við fengum Guðrúnu Ásmundsdóttur, Erp
Eyvindarson, Donnu Cruz, Gógó Starr, Baldvin
Z og marga fleiri. Gestirnir voru á mjög breiðu ald-
ursbili og úr ólíkum áttum.
Hvernig var að fá fólk til að tjá sig um mál-
efni kynlífs?
Það eru alveg málefni sem hægt er að tala um án þess að þau
séu of persónuleg, eins og fyrsti kossinn sem er oft sætur en
vandræðalegur. Það er gaman að sjá blik kvikna í augunum
á fólki þegar það er rætt.
Kom eitthvað þér á óvart?
Já, það er alltaf eitthvað sem kemur á óvart. Ég hef fjallað
mikið um nekt og viðhorf til nektar á ráðstefnum erlendis
og það kom mér á óvart hvað við Íslendingar erum spé-
hrædd. Við erum búin að taka nokkur skref aftur á bak.
Það er full ástæða til að skoða hvernig fólki líður í nekt-
inni.
Er satt að þú sért allsnakin í einum þætti?
Já, ég er það. Mér fannst það sérstakt, ég ætla ekki að
neita því. Mig langaði að stíga þangað inn og fór alveg
heilan helling út fyrir þægindarammann. Ég er að fjalla
um nekt en ekki þannig að það tengist því að vera
sexí. En ég varaði fjölskylduna fyrst við. Þetta kom
þeim ekkert á óvart!
Morgunblaðið/Eggert
SIGGA DÖGG
SITUR FYRIR SVÖRUM
Allsber að
ræða kynlíf
Í FÓKUS
2 MORGUNBLAÐIÐ SUNNUDAGUR 22.8. 2021
Ljósmyndir Rutar og Silju
Skipholti 31 | 105 Reykjavík | Sími 568 0150 | www.rut.is |
Opið alla virka daga kl. 10-17
Passamyndir
Tímapantanir
í síma 568 0150
eða á rut@rut.is
Tryggjum
tveggja metra fjarlægð
og gætum ítrustu
ráðstafana
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Í annarri af stóru greinum sunnudagsblaðsins þessa vikuna ræddi ég við fjóra
einstaklinga sem þekkja vel til andlegrar heilsu íþróttamanna. Umræðuefn-
ið hefur orðið meira áberandi síðustu árin og margir íþróttamenn hafa sýnt
mikið hugrekki, stigið fram og lýst glímu sinni við andlega kvilla. Öllum getur
nefnilega liðið illa, jafnvel íþróttamönnum sem virðist allt ganga í haginn og
koma okkur fyrir sjónir eins og ofurmenni með algjörar stáltaugar. Eitt af því
sem stóð upp úr í samtölum mínum var að það eigi ekki að skammast sín fyrir að
þurfa á hjálp að halda, en það getur oft reynst þrautin þyngri hjá íþróttamönn-
um sem alist hafa upp í umhverfi þar
sem berskjöldun er álitin veikleiki.
Eitt af því sem hefur orðið meira
áberandi í þessari umræðu undanfarið
er líðan íþróttamanna eftir að ferlinum
lýkur. Heimildamyndina The Weight
of Gold ber þar fyrst að nefna. Hana
framleiddi sundgoðsögnin Michael
Phelps sem átti erfitt uppdráttar and-
lega um langt skeið. Eins og fram
kemur í myndinni líður alltof mörgum
íþróttamönnum svo illa að þeir fremja
sjálfsmorð og skiptir þar oft engu
hvort háleitustu markmið ferilsins hafi
náðst, þegar íþróttin hverfur úr lífinu
fer tilgangurinn með og margir sjá að-
eins hyldýpið fyrir framan sig.
Það tilgangsleysi sem íþróttamenn finna fyrir er ekki aðeins bundið við þá
sem ná sem lengst í íþrótt sinni og æfa marga klukkutíma á dag. Það getur líka
komið upp hjá ungum og upprennandi íþróttamönnum sem einhverra hluta
vegna geta ekki leikið íþrótt sína lengur.
Þegar ég var 17 ára var ég einn efnilegasti handboltamaður landsins og ekk-
ert annað komst að. Jú, maður átti vini og mér gekk vel í skóla en þegar ég
meiddist alvarlega á öxl hrundi heimurinn fyrir mér. Ég skilgreindi mig sem
ekkert annað en handboltamann og það tók mig langan tíma að sætta mig við
stöðuna og átta mig á að lífið hefði upp á annað að bjóða en að verða atvinnu- og
landsliðsmaður í handbolta.
Það sem stingur mig enn í dag er að hvorki var til staðar fyrir unga leikmenn
undirbúningur fyrir þau vonbrigði að verða ekki besti handboltamaður í heimi
(eins og ég ætlaði mér) og þeir hvattir til að rækta aðra þætti í lífi sínu né fékk
ég nokkurn andlegan stuðning frá félaginu til að takast á við vonbrigðin. Þvert á
móti var frekar settur þrýstingur á mig snúa til baka á völlinn sem allra fyrst.
Og það sama var uppi á teningnum þegar ég meiddist aftur alvarlega 21 árs eftir
að hafa náð mér af meiðslunum tveimur árum áður. Þetta þarf að breytast.
Ekki bara
íþróttamenn
Pistill
Böðvar Páll
Ásgeirsson
bodvarpall@mbl.is
’
Ég skilgreindi mig
sem ekkert annað en
handboltamann og það
tók mig langan tíma að
sætta mig við stöðuna og
átta mig á að lífið hefði
upp á annað að bjóða.
Fanný Norðfjörð
Já, tvisvar.
SPURNING
DAGSINS
Hefur þú
farið í
sýnatöku?
Leifur Kolka Haraldsson
Já, tvisvar og neikvætt í bæði
skiptin.
Dagný Eva Eggertsdóttir
Já, þrisvar eða fjórum sinnum, en
aldrei lent í sóttkví.
Friðrik Oder
Já, einu sinni, en fékk neikvætt.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Alls konar kynlíf eru fræðslu- og skemmtiþættir með
Siggu Dögg kynfræðingi og Ahd Tamimi. Hófust þeir
18. ágúst á Stöð2 og eru sex talsins, á miðvikudögum.