Morgunblaðið - Sunnudagur - 22.08.2021, Blaðsíða 19

22.8. 2021 MORGUNBLAÐIÐ SUNNUDAGUR 19
Mæðgurnar Irene og hin tólf ára gamla Iskra eru frá Kró-
atíu og hafa verið á landinu í tvo daga. Fjölskyldufaðirinn
er með í för en hafði brugðið sér frá.
„Við ætlum að vera í Reykjavík þar til á morgun en þá
tökum við bíl og keyrum út á land. Reyndar þurfum við að
bíða eftir töskunum, en farangurinn skilaði sér ekki þannig
að ég þurfti að kaupa nokkrar flíkur,“ segir Irene og hlær.
„Mér skilst að við fáum töskurnar í dag,“ segir hún.
Fyrsta ferð í tvö ár
Íslandsferðin er fyrsta ferð þeirra til Íslands og eru þær al-
sælar með veðrið.
„Það er frekar kalt hér en heima er núna 35 stiga hiti
þannig að þetta er fínt. Það er allt of heitt núna í Króatíu,“
segir Irene.
„Við hlökkuðum mikið til að koma af því að við erum vön
að ferðast mikið, en þetta er fyrsta ferðin okkar í næstum
tvö ár. Við ætlum að keyra meðfram suðurströndinni að
Jökulsárlóni, en fyrst Gullna hringinn,“ segir Irene og seg-
ir þau vera að njóta þess að smakka íslenska matinn.
„Í gær fengum við plokkfisk og í kvöld ætlum við að
borða niðri við höfn.“
Hvernig finnst þér á Íslandi Iskra?
„Það er mjög fallegt hér,“ segir hún og brosir.
KRÓATÍA
Iskra og Irene frá Króatíu eru sælar með veðrið.
Töskulausar
en alsælar
Radka og Zdenek eru par frá Tékklandi og hafa þau
verið í tvær vikur á landinu.
„Þetta hefur verið frábær ferð en við förum heim í
dag. Við keyrðum um allt land í átta daga og fórum
meðal annars á Vestfirði. Við gengum mikið, bæði
styttri og lengri gönguferðir. Við gengum til að
mynda Laugaveginn,“ segir Radka.
„Við vorum fjóra daga að ganga Laugaveginn og
vorum með allt dótið okkar á bakinu og sváfum í
tjaldi. Við erum vant göngufólk en þar sem við erum
að eldast var þetta alveg erfitt,“ segir Radka og
hlær.
Ekki nógu rík
„Við höfum ferðast aðeins þrátt fyrir Covid, en þetta
er fyrsta ferð okkar til Íslands. Við höfum ekki getað
komið áður þar sem við erum ekki nógu rík. Hér er
allt mjög dýrt fyrir okkur. Nú erum við nógu rík til
að koma og sofa hér í tjaldi,“ segir hún og hlær.
„Það hefur ekki verið kalt; ég held að við séum
heppin. Sérðu andlitið á mér, ég held að ég sé sól-
brennd. Ég kom með allt nema sólarvörn til Íslands!
Við höfum fengið sól alla daga nema í dag,“ segir
hún.
„Við leituðum daglega að heitum hverum. Það var
mitt plan,“ segir Zdenek og kona hans Radka hlær.
„Við þurfum að koma aftur því við náðum ekki að
sjá Austfirði,“ segir hún.
„Eftir tvö ár viljum við fara í heimsreisu og þá
komum við aftur, ef það verður ekki Covid,“ segir
Zdenek.
TÉKKLAND
Radka og Zdenek gengu Laugaveginn og sváfu í tjaldi.
Gleymdi
sólarvörn!
Vinirnir Luigi, Kenny og Don sem eru ánægðir að losna úr hitanum í Texas.
„Við erum hér saman nokkrir vinir,
tveir frá Dallas í Texas og einn frá
San Diego. Það hefur verið draum-
ur minn alla ævi að koma hingað og
sjá landslagið og lífið hér,“ segir
Luigi.
„Og ég átti afmæli í gær, varð 39
ára. Ég verð að segja sannleikann,“
segir Kenny og hlær.
„Við komum hingað fyrir helgi og
höfum gengið á regnbogagötunni og
vorum nú að koma úr skipulögðum
matartúr. Við fengum fisk en fannst
hann ekki góður. Lambið var fínt og
pulsurnar voru góðar,“ segir Luigi
sem segist ekki viss um hvort hann
leggi í að smakka hákarl.
Vinirnir ætla að vera á Íslandi í
viku í viðbót, en Íslandsferðin er sú
fyrsta hjá þeim og eru þeir alsælir.
„Hitinn núna í Dallas er vel yfir
fjörtíu stigum. Þannig að hitastigið
hér nær ekki helmingnum af því.
Það er frábært,“ segir Don.
Enginn hér með læti
Talið berst að veirunni og segja þeir
félagar ástandið skelfilegt í Dallas.
„Ég sá frétt í morgun og þar
sagði borgarstjórinn að það væri
ekkert pláss lengur á barnagjör-
gæsludeildinni. Þetta er mjög al-
varlegt ástand,“ segir Don.
„Já, þetta er mjög sorglegt. Við
erum allir bólusettir og gerðum allt
sem við áttum að gera til að geta
komið hingað. Meira að segja fórum
við í sjálfskipaða sóttkví í nokkra
daga áður en við komum, bara til ör-
yggis,“ segir Kenny.
„Því miður eru ekki allir í Texas
sem hugsa eins og við,“ segir Don.
„Okkur líður vel hér og hér sér
maður engan vera með uppsteyt eða
læti yfir því að þurfa kannski að
setja upp grímu. Við sjáum það oft í
Texas. Ég hef ekki séð slíka sjálfs-
elsku hér,“ segir Don.
Félagarnir hafa leigt bíl og ætla
að halda út á land eftir nokkra daga í
borginni.
„Við ætlum svo sannarlega að sjá
eldgosið. Við ætlum Gullna hringinn
og svo ætlum við að keyra meðfram
suðurströndinni, framhjá Hellu og að
Vík. Og við hlökkum mikið til að sjá
suðurströndina. Ég hef séð mikið af
tónlistarmyndböndum sem voru tekin
á þeim slóðum, en tónlistaráhugi minn
er kannski ástæða þess að ég kom
hingað. Ég er alinn upp með tónlist
Bjarkar og Sigur Rósar,“ segir Luigi.
BANDARÍKIN
Tónlistarmyndbönd
kveiktu áhugann
VEFVERSLUN
www.betrabak.is
OPIN ALLAN SÓLARHRINGINN
VIÐ SENDUM FRÍTT
NÝTT FIMM STJÖRNU LÚXUS HÓTELRÚM
SERTA OCEAN SPLENDID – STILLANLEGT
Nú á kynningarverði með 20% afslætti.
Splendid Royal heilsudýnan frá Serta er fimm svæða skipt pokagorma
dýna þar sem hreyfingar þínar trufla ekki rekkjunaut þinn. Góður stuðn-
ingur er við bakið en mýkra gormakerfi er við axlir og mjaðmasvæðið.
Þannig liggur þú alltaf með beina hryggsúlu og nærð hámarks hvíld.
Hægt er að sérsníða rúmið að þínum þörfum, velja um 3 mismunandi
stífleika sem og fjórar mismunandi topp dýnur. Áklæðið utan um dýn-
una er mjúkt og slitsterkt áklæði, ofnæmisfrítt og andar vel.