Bibliotheca Arnamagnæana - 01.06.1951, Blaðsíða 258
244
GRONLANDIA
habeo tabellas qvasdam judiciales in membranå descriptas et in
consistorio ecclesiastico ab hoc Andrea eodem anno confectas,
alteras qvidem in sabbatho ante festum D. Bartholomei proximo,
alteras die Veneris festum Nativitat. Divæ Virginis antecedente.
Nec nostri annales piures Gronlandiæ episcopos numerant.
Gronlandiæ autem duos episcopatus Johannes Myritius et
alii tribuunt, ut et monasteria duo, id qvod de veteri illa Grøn-
landiå constanter negare possumus, ut et hoc, qvod eosdem
idololatras pronunciat, colentes idolum Zolotaja baba, id qvod
auream vetulam sonet, id inqvam de Gronlandis ad annum usqve
1461 verum non fuit. Qvin etiam Antonius Ienkonsonus Anglus
et Reinoldus Mercator id de idoli illius cultu Obdorianis et
Longorianis Moscoviæ aut Russiæ populis tribuunt. Et de relli-
gione Gronlandorum tantum.
CAPUT V
Deinceps actus aliqvot diversi recensentur, qvibus res Gronlandiæ
nonnihil attinguntur et illustrantur.
Si de Gronlandorum lingva, moribus et vivendi ratione aliqvid
singulare et ab Islandorum lingva, moribus, a qvibus oriundi
sunt, diversum haberemus, id mox his, qvæ de religione dicta
sunt, annecteremus. Qvod cum non suppetat, nec sane qvicqvam
qvod rerum Gronlandicarum tractatum magnopere amplificet,
seqventes actus visum est adjungere, qvibus non nulla, qvæ
Gronlandis cum vicinis aut Norvegis aut Islandis intercessére,
continentur. Et primum qvidem juxta temporum seriem de qvo-
dam Thorgisello Islando, qvi cum conjuge Thoreya et familia
reliqva haud exiguå in Gronlandiam navigaturus nescio cujus
venefici incantamentis in maximum errorem conjectus et ad littus
borealis Gronlandiæ desertum in mense Octobri navfragium
passus, ibidem in summa omnium rerum penuria hibernavit ac
1 judiciales] BC, indiciales A. 6 Myritius] Martyrius C. 7 attribuunt C (B
def.). 10 vitulara C. usque] -f- C. 11 Ienkonsinus B, Ienkonsenus C. 12 Runol-
dus B, Rumadus C. illius] istius BC. 13 Longorianis] B, Lougorianis A, Longria-
nis C. avt] et B. 16 Deinceps] -f- B. 19 lingvå] + et B. 21 cum] eam B.
suppeditat C. 24 Islandis aut Norvegis BC. 26 Thorgisello] BC, Thorgesillo A.
5
10
15
20
25
30