Feykir - 01.02.2021, Blaðsíða 2

Páll Ragnarsson, tannlæknir á Sauðárkróki og
formaður Ungmennafélagsins Tindastóls til
fjölda ára, lést á Landspítalanum 29. janúar sl.
eftir skammvinn veikindi, 74 ára að aldri.
Páll fæddist 20. maí 1946 á Sauðárkróki, sonur
Ragnars Pálssonar, útibússtjóra í Búnaðarbank-
anum, d. 1987, og Önnu Pálu Guðmundsdóttur
húsmóður, d. 2018. Páll ólst upp á Sauðárkróki,
varð stúdent frá Menntaskólanum á Akureyri
1966 og lauk prófi í tannlækningum frá Háskóla
Íslands 1972.
Páll æfði ýmsar íþróttir með Tindastóli á yngri
árum, einkum knattspyrnu, og lék síðan með
meistaraflokki Vals árin 1966 til 1974. Hann flutti
heim á Krók að loknu tannlæknanámi og spilaði í
nokkur ár með liði Tindastóls. Hann varð for-
maður félagsins 1975 og gegndi því embætti allt til
ársins 2006. Palli barðist fyrir uppgangi félagsins
og aðstöðu þess í mörgum íþróttum, óþrjótandi
allt fram á síðasta dag.
Hann fékk gullmerki ÍSÍ árið 1982, á 75 ára
afmæli Tindastóls, og gullmerki UMFÍ 2007, fyrir
störf sín í þágu Tindastóls. Sama ár varð hann
heiðursfélagi félagsins. Þá fékk hann silfur- og
gullmerki KSÍ. Páll starfrækti tannlæknastofu sína
á Sauðárkróki frá 1974 og allt til dauðadags. Páll
var virkur í starfi Sjálfstæðisflokksins á Sauðár-
króki og átti m.a. sæti á lista í bæjarstjórnarkosn-
ingum og í ýmsum nefndum fyrir flokkinn.
Eftirlifandi eiginkona Páls er Margrét Stein-
grímsdóttir hjúkrunarfræðingur. Börn þeirra eru
Ragnar, f. 1972, Helga Margrét, f. 1975, og Anna
Rósa, f. 1977. Barnabörnin eru sjö talsins. /ÓAB
Undanfarna tvo mánuði hef ég lítið verið á vaktinni hér á Feyki þar
sem ég var í leyfi en sem betur fer átti Feykir hauk í horni. Fríða
Eyjólfsdóttir leysti mig af og það með mikilli prýði og vil ég þakka
henni vel fyrir. Nú hverfur hún á braut á ný, þó er aldrei að vita
nema hún laumi einhverju efni að
okkur í framtíðinni. Og svona til að
upplýsa ykkur sem ekki vitið þá þurfti
ég að leggjast undir hnífinn þar sem
sinar og vöðvafestingar ýmist slitn-
uðu eða trosnuðu í annarri öxlinni
eftir að ég datt í körfubolta, (þrátt
fyrir að fallið væri ekki hátt). Nú er
allt á batavegi og lífið heldur áfram.
Það var nú svo sem ekki það sem
ég ætlaði að skrifa um heldur átti
pistillinn að snúast um upplifun mína
á heilbrigðiskerfinu, loksins þegar ég þurfti á því að halda af ein-
hverju viti. Ég hef verið það heppinn að hafa komist fram yfir fimm-
tugt nánast laus við þá þjónustu. En núna sem sagt kom að því.
Ég leitaði til heimilislæknis hér á Sauðárkróki sem eftir skoðun
sendi mig til bæklunarlæknis í Orkuhúsinu í Urðarhvarfi í Kópavogi
til frekari rannsóknar sem kemst að því hvernig fyrir mér var komið
og ljóst að sauma þurfti sitthvað saman og sverfa umframvöxt af
beinum. Aðgerðardagur var ákveðinn stuttu síðar og allt sett í gang
með öllu því fagfólki sem þarf í þá aðgerð, sem gekk mjög vel.
Er heim var komið fékk ég tíma hjá sjúkraþjálfara hér á Krók
sem hefur það hlutverk að koma mér í viðunandi ástand sem lík-
lega tekur um tvo mánuði í viðbót. Aldeilis gott og þolinmæðin hjá
mér teygð út í ystu æsar. Heilbrigðiskerfið stóð fyllilega undir
mínum væntingum og ég þakklátur.
Eftir þessa reynslu fór ég að velta fyrir mér þeirri neikvæðu
umræðu sem heyrst hefur um heilbrigðiskerfið. Endalausa biðlista
eftir alls kyns þjónustu sem maður gæti ætlað að þyrfti ekki að vera.
En kerfið er þungt og stundum erfitt að bregðast við eða breyta því
sem manni finnst rökrétt að þurfi að gera. Pólitíkusar takast á um
það hvort skynsamlegt þyki að semja meira við einkaaðila eða hvort
ríkið eigi að hafa öll tögl og hagldir í þessum geira.
Viðreisn vakti athygli á því með stuttu vídeói á netinu á
dögunum, eins undarlegt og það hljómar, að frekar sé samið við
einkareknar læknastofur í Svíþjóð en á Íslandi og það þrátt fyrir að
þekking, mannskapur og aðstaða sé öll fyrir hendi hér á landi.
Sjúklingar eru sendir út með lækni og aðstandendum, allt í boði
ríkisins. Ég veit svo sem ekki nákvæmlega hvaða lækningu er verið
að tala um þarna en ef sú er raunin þá hljómar það undarlega.
Orkuhúsið er stærsti einkarekni meðferðarstaðurinn á sviði stoð-
kerfisvandamála á Íslandi og fær fyrstu einkunn hjá mér, ásamt
Heilbrigðisstofnunni á Króknum auðvitað, og því spyr ég: Af
hverju ekki að semja við fleiri í einkageiranum ef það styttir biðlista
og eykur lífsgæði fólks?
Góðar stundir.
Páll Friðriksson, ritstjóri
LEIÐARI
Heilbrigt heilbrigðiskerfi
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is | Óli Arnar Brynjarsson, oli@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 615 kr. hvert tölublað með vsk. Lausasöluverð: 755 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Andlát
Páll Ragnarsson látinn
Páll Ragnarsson. MYND AF MBL.IS
AFLATÖLUR | Dagana 24. – 30. janúar 2021 á Norðurlandi vestra
Silver Framnes með rúm 804 tonn af rækju
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Auður HU 94 Landbeitt lína 6.397
Bergur Sterki HU 17 Lína 5.396
Dagrún HU 121 Þorskfisknet 897
Hrund HU 15 Landbeitt lína 1.774
Sæfari HU 212 Landbeitt lína 4.032
Alls á Skagaströnd 18.496
SAUÐÁRKRÓKUR
Arnar HU 1 Botnvarpa 437.749
Drangey SK 2 Botnvarpa 178.353
Málmey SK 1 Botnvarpa 84.080
Silver Framnes NO 999 Rækja 804.049
Onni HU 36 Dragnót 1.502
Helga María RE 1 Botnvarpa 87.349
Alls á Sauðárkróki 1.593.082
Eitthvað er veðrið að skána hjá okkur hér á Norðurlandi vestra og sést það einna helst á því
að nú eru fleiri farnir að sækja sjóinn. Á Króknum lönduðu sex skip/bátar og mestum afla
landaði Silver Framnes eða rúmum 804 tonnum af rækju. Á Skagaströnd lönduðu fimm bátar
og var Auður HU 94 aflahæst með tæp 6 tonn. Engir bátar lönduðu á Hofsósi né Hvammstanga
og var heildarafli síðustu viku á Norðurlandi vestra 1.611.578 kg. /SG
Síðastliðinn föstudag var
opið hús hjá Verðanda
endurnýtingarmiðstöð á
Hofsósi þar sem áhugasamir
gestir gátu litið við og séð
hvernig þær Verðandakonur,
Solveig Pétursdóttir og Þuríður
Helga Jónasdóttir, hafa komið
sér fyrir í litla húsinu Þang-
stöðum sem þær fengu afhent
fyrir rétt rúmu ári síðan.
Þar hafa þær útbúið aðstöðu
til að taka á móti og endurbæta
eða endurvinna hvers kyns hluti
sem þjónað hafa hlutverki sínu
hjá fyrri eigendum en gætu
gengið í endurnýjun lífdaga í
þeirra höndum. Einnig bjóða
þær upp á aðstöðu og tæki fyrir
þá sem vilja koma og dytta að
gömlum munum eða skapa
eitthvað nýtt. Verkfærasafn
þeirra er smám saman að
stækka en þær segjast taka með
ánægju á móti smíða- og sauma-
áhöldum ef fólk þarf að rýma til
í geymslunni.
Opnunartíma hjá Verðanda,
auk nánari upplýsinga um
hvernig starfseminni verður
háttað, verður hægt að nálgast á
Facebooksíðunni Verðandi
endurnýtingarmiðstöð og á
Instagram. /FE
Hofsós
Opið hús hjá Verðanda
Verðandakonur, Þuríður Helga Jónasdóttir og Solveig Pétursdóttir. MYND: FE
2 05/2021